Samarqand davlat tibbiyot universiteti buxoro davlat tibbiyot instituti

 
50 – rasm. Uch o’lchovli ultratovush (chapda) va magnit-rezonans 
angiografiya (o’ngda). O’ng buyrak arteriyalarining juft holda kelishi. 
 
Magnit-rezonans angiografiya. Gadoliniy kontrasti bilan magnit-
rezonans angiografiya hozirgi vaqtda uch o’lchovli tasvirlarni 
shakllantirishga qodir yuksak sifatli tasvir hosil qiladigan tizim sifatida 
ishlatiladigan bo’ldi. Angiografik kontrast paramagnetik T1 effektni 
kamaytiradi. Qon yorqin rangda tasvirlanadi, ayni vaqtda harakatsiz 
to’qimalar to’q rangda qoladi. 
Spiralli kompyuter tomografik angiografiya (KTA). Bu usul 
noinvaziv usullardan hisoblanadi. 

---

Gospital xirurgiyasi
123 Sahifa 
Spiral KTA VRG si bor bemorlarda buyrak qon oqimini o’lchash, 
shuningdek, tomirlarning uch o’lchovli tasvirini olish uchun qo’llanilishi 
mumkin (150 ml gacha kontrast modda ishlatiladi). Ushbu tekshiruv 
buyrak arteriyasining 50% dan ortiq stenozini aniqlash uchun 98% 
sezuvchanlikka va 94% xoslikka ega. VRG ni diagnostika qilishdagi 
birincha qadam bu patologiyaning o’rta va yuqori ehtimoli bo’lgan 
bemorlarni klinik mezonlar bo’yicha tanlash hisoblanadi. 
51 – rasm. Uch o’lchovli spiral KTA. Ung buyrak arteriyasi stenozi. 
 
Noinvaziv skrining testlari buyrak arteriyasi stenozi gumoni yuqori 
bo’lgan bemorlarni maqsadli tanlab olishni ta’minlaydi, undan keng 
ko’lamda foydalanilganda rentgen angiografiyasining potentsial nojuya 
tasvirlarini kamaytirishga imkon beradi. Faqatgina kasallik ehtimoli yuqori 
bo’lgan bemorlardagina taxmin qilinayotgan buyrak arteriyasi stenozini 
aniqlash uchun rentgen tekshiruvi amalga oshirilishi kerak. Spiralli KTA 
buyrak qon tomirlarini sifatli vizualizatsiyasini ta’minlashi mumkin, biroq 
ko’p miqdordagi kontrastni talab qiladi. Xozirgi vaqtda MRT bemorlarga 
xavfli bo’lmagan tarzda buyrak tomirlari tasvirini sifatli darajada beryapti.