29
1) Ímaratlarda jaylasqan statsionar sensorlar.
Siyirxana sıyaqlı
ımaratlarda siyirlardıń kún tártibi ádetde tákirarlanadı, yaǵnıy olar málim
orınlarda málim waqıtlarda (sawıw hám azıqlantırıw waqtında ) boladı. Sol
sebepli, sensorlar siyirlar úzliksiz túrde ótiwi kerek bolǵan orınlarǵa jaylastırıladı.
Mısal ushın bunday túrdegi tipik sensorlar avtomatikalıq sawıw zalında jelin
yamasa júzdiń temperaturasın yamasa dem alıwın anıqlaydı. Stacionar
sensorlardıń taǵı bir túri gúzetiw kameraları bolıp tabıladı. Ádetde
kamera
obiektivkası iyelegen maydan arqalı turaqlı túrde pada siyirları haqqında
maǵlıwmat beredi. Biraq, bul maǵlıwmatlardıń isenimliligi bınadaǵı "optikalıq"
sharayatlar menen sheklenedi. Mısalı, fonlar hám siyir denesi reńi ortasındaǵı
uqsaslıq olardı anıqlawǵa tosqınlıq etedi. Sonıń menen birge,
bul sistemalarda
siyirlardı uzaq múddetli identifikaciya qılıw qábileti sheklengen. Ulıwma
alǵanda, stacionar sensor jantasıwınıń abzallıǵı, padanı baqlaw ushın tek bir
yamasa bir neshe sensorlar talap etiledi.
Kemshiligi, ámeldegi maǵlıwmatlar
kompleksi hám minez-qulıq kórsetkishleri sheklengen hám de bul gúzetiwler
ortasındaǵı sezilerli waqıt aralıǵı fermerdiń operativ ilaj kóriwine tosqınlıq etedi.
2) Siyirǵa biriktirilgen mobil sensorlar (sırtqı sensorlar).
Siyirlardı kún
dawamında gúzetip barıwdıń eń isenimli usılı bul hár bir siyirǵa sensorlardı
biriktiriw (ms: osheynik yamasa ayaq qamarı). Bunday túrdegi tipik sensorlarǵa
akselerometrler, pedometrler, terbelis (vibraciya) sensorları,
temperatura
termometrler (teri astı dárejesinde), ıǵallıq sensorları hám basqalar kiredi.
