Udk: 331. 561/. 57 Usmanov bexzod rustam o’G’li ishsizlikning ijtimoiy-iqtisodiy oqibatlari va uni bartaraf etish yo’llari
Ishsizliknig ijtimoiy-iqtisodiy oqibatlarini baholash mezonlari va
Yüklə 0,72 Mb. Pdf görüntüsü
|
|
1.3.Ishsizliknig ijtimoiy-iqtisodiy oqibatlarini baholash mezonlari va
ko’rsatkichlari Iqtisodchi olimlar o’rtasida ommaviy ishsizlikning haqiqiy sabablari qandayligi to’g’risida turlicha qarashlar mavjud. Ma’lumki, J.M.Keyns «…ishsizlikning davosi sifatida ish haqini pasaytirish g’oyasini qat’iy inkor etib, o’ziga investitsiyalar, davlat xarajatlari va sof eksportdan tashqarii iste’mol xarajatlarini – bunda ham so’nggi – umumiy talabning asosiy qismini ham qamrab oladigan umumiy talabdan kelib chiqadi» 12 . Fikrimizcha, O’zbekistonda ishsizlikning paydo bo’lishi va o’sishi tarixi aynan Keyns qarashlarining to’g’riligini isbotlaydi. Ishsizlar rasmiy ro’yxatga olingandan boshlab, ishsizlik darajasi ma’lum darajada muntazam ortib boradi, ishga joylashtirish qanchalik yuqori bo’lsa, ishsizlik darajasi shunchalik past bo’ladi. Ish bilan bandlikning keskin kamayishi iqtisodiyotdagi tarkibiy o’zgarishlar (davlat sektorining kamayishi), inflyatsiya hamda xo’jalik yuritishning muqobil shakllari (xususiy korxonalar, hissadorlik jamiyatlari) etarlicha tez o’smaganligi tufayli ko’pgina korxonalarda moliyaviy ahvol yomonlashuvi natijasida yuzaga keladi. Bularning hammasi, tabiiyki, umumiy talab hajmida salbiy aks etadi: davlat ta’siri qisqaradi, investitsiya faoliyati sustlashadi, iste’mol xarajatlari esa 12 Rofe A.I., Zbishko B.G., Ishin V.V. Rinok truda, zanyatost naseleniya, ekonomika resursov dlya truda. – M.: Ekonomika, 2009. – 101 s. 23 inflyatsiya ta’sirida turmush darajasining yomonlashuvi tufayli birmuncha kamayadi. Demak, O’zbekistonda ishsizlik o’sishining asosiy sababi – eng avvalo ishlab chiqarishning qisqarishidir. Iqtisodiy o’sish dinamikasi bilan ishsizlik o’rtasidagi aloqa uzviy bog’liq ko’rsatkichlardir. Qoidaga ko’ra, G’arb mamlakatlari iqtisodchilari iqtisodiy o’sish sur’atlarini ishchi kuchi resurslarining ish bilan bandligining o’sish sur’atlari bilan, tanazzulni esa ishsizlik darajasining o’sishi bilan bog’laydilar. Haqiqatdan ham, industrial turdagi me’yorida faoliyat ko’rsatayotgan bozor iqtisodiyotida iqtisodiy o’sish doimo tarmoqlarning rivojlanishi va kengayishini, demak, ish bilan bandlikning ortishini anglatadi. Shunday bo’lsada, rivojlanayotgan mamlakatlarda bunday bog’liqlik ko’zga ochiq tashlanmaydi. Masalan, ko’pgina rivojlanayotgan mamlakatlarda sanoatning tez o’sishi ish bilan bandlikning muvofiq kengayishini keltirib chiqarmadi. Iqtisodchilar bu hodisani sanoatdagi o’sish sur’atlaridan ancha yuqori bo’lgan urbanizatsiya sur’atlari hamda qishloqdan shaharga ko’chib kelayotgan aholi malakasining pastligida, deb izohlaydilar 13 . Ishchi kuchi resurslarining ish bilan bandlik dinamikasi, YaIM bilan ishsizlik o’rtasidagi bevosita aloqaning tasdiqlanmasligi dastlabki qarashda mantiqan zid hodisadir. Ikkita dalil kishini hayratga soladi: birinchidan, ishsizlikni YaIMning o’sishiga qiyosan ilgarilovchi qisqarishi; ikkinchidan, ish bilan bandlikning kamayishi bilan birga ishsizlikning qisqarishi. Fikrimizcha, bu hodisalarni faqat statistik xatoliklar va ishsizlik maqomini berish shartlarining murakkablashuvi bilan izohlab bo’lmaydi. Ko’rinishidan yaxshi bo’lgan iqtisodiy o’sish ko’rsatkichlaridan ish bilan bandlikning kamayishini ikkita sabab bilan izohlash mumkin. Birinchidan, yashirin ishsizlikning yuqori darajasi saqlanganligi, u o’z imkoniyatlarini hatto ayrim barqarorlik sharoitlarida ham ochiq bozorga chiqarib turadi. 13 Xolmo’minov Sh.R., Shoyusupova N.T. «Mehnat bozori iqtisodiyoti» (O’quv qo’llanma) – T.: TDIU, 2009. 72- 75 b. 24 Ikkinchidan, yashirin ish bilan bandlikning ko’payishi, u ishchi kuchi va ishsizlarning sezilarli qismini ochiq ishchi kuchi bozoridan tortib turadi. Respublikamizda ishsizlikning paydo bo’lish sabablariga ko’ra quyidagi asosiy turlari ko’proq uchraydi 14 : bir ishdan bo’shab yangi ishga joylashgunga qadar bo’lgan davrdagi ishsizlik friktsion (oraliq) ishsizlik deyiladi. Kishilar turli sabablar (yangi yashash joylariga ko’chib o’tish, ishining mazmuni va tavsifi yoqmay qolishi, nisbatan yuqoriroq ish haqi olishga intilish va boshqalar)ga ko’ra o’z ishlarini almashtirib turadilar. Biroq, bir ishdan bo’shab, boshqa biriga joylashgunga qadar orada ma’lum vaqt o’tadi (ba’zi adabiyotlarda bu muddat 1 oydan 3 oygacha davom etishi ko’rsatiladi); yangi kasb va mutaxassislikni o’zlashtirib yoki boshqa joyga ko’chib o’tib, yangi ishga joylashgunga qadar bo’lgan ishsizlik tarkibiy ishsizlik deb ataladi. Fan-texnika taraqqiyoti, yangi texnologiyalarning ishlab chiqarishga qo’llanishi natijasida ba’zi bir tarmoq va soha mahsulotlariga bo’lgan talab qisqarib, zamonaviy mahsulot turlariga talab o’sadi. Natijada, ba’zi bir kasb yoki mutaxassislik turlaridagi ishchilarga talabning qisqarishi yoki umuman yo’qolishi ularning o’z kasb va mutaxassisliklarini o’zgartirish yoki shunday kasblarga talab saqlanib qolgan joylarga ko’chib o’tishga majbur qilib qo’yadi; friktsion va tarkibiy ishsizlik birgalikda ishsizlikning tabiiy darajasini tashkil qiladi; tsiklik ishsizlik – iqtisodiy tsiklning inqiroz fazasi bilan bog’liq bo’lib, u ishlab chiqarishning pasayishi va yalpi talabning qisqarishi natijasida vujudga keladi. Bunda o’z tovar va xizmatlariga nisbatan talabning qisqarishiga duch kelgan tadbirkorlar ishlab chiqarish hajmini kamaytirish maqsadida ishchilarni ishdan bo’shata boshlaydilar; institutsional ishsizlik ishchi kuchi bozori infratuzilmasi, ya’ni ishchi kuchini ish bilan ta’minlashga xizmat ko’rsatuvchi muassasalarning etarli darajada rivojlanmaganligi yoki samarali faoliyat ko’rsatmasligi natijasida paydo bo’ladi; 14 Shodmonov Sh., G’ofurov U. Iqtisodiyot nazariyasi. Darslik. Toshkent: Iqtisod-moliya, 2010. 433-434 betlar. 25 texnologik ishsizlik ishlab chiqarish jarayoniga texnologik usullarning kirib kelishi bilan bog’liq bo’ladi. Ularning ichida asosiylari ishlab chiqarishni mexanizatsiyalash, avtomatlashtirish, robotlashtirish va informatsion texnologiyalarni qo’llash hisoblanadi; hududiy ishsizlik muayyan hududdagi tarixiy, demografik, madaniy, milliy va ijtimoiy-ruhiy xususiyatdagi bir qator omillar ta’sirida ishchi kuchi talabi va taklifi o’rtasidagi nomutanosiblik natijasi hisoblanadi; yashirin ishsizlik uchun ish kuni yoki ish haftasi davomida to’liq band bo’lmaslik xos. Iqtisodiyot rivojlanishi darajasining pasayishi korxonalardagi ishlab chiqarish hajmining qisqarishiga olib keladi. Biroq, korxona egalari o’z ishchilarini birdaniga ishdan bo’shata olmaydilar. Buning natijasida ishchilarning ma’lum qismi rasman ish bilan band bo’lsalarda, amalda to’liq holda ishlamaydilar; turg’un ishsizlik mehnatga layoqatli ishchilarning ish joyini yo’qotgan, ishsizlik bo’yicha nafaqa olish huquqidan mahrum bo’lgan va faol mehnat faoliyatiga hech qanday qiziqishi bo’lmagan qismini qamrab oladi. Ishsizlikning ijtimoiy-iqtisodiy mazmuni, sabablari va turlari nazariy asoslanishi ishsizlik holatining mezonlari va ko’rsakichlari ochib berilishini taqozo qiladi. Chunki ishsizlikning asosiy mezonlari va ko’rsatkichlari mehnatga layoqatli ishchi kuchi resurslari oqilona bandligini shakllantirishni tartibga solishda muhim ahamiyatga egadir. Ishsizlik holatining demografik, ijtimoiy, iqtisodiy va boshqa jihatlari quyidagi mezonlarda o’z aksini topadi: ishchi kuchiga talab va taklif o’rtasida bozor muvozanatiga erishish; ishchi kuchi taklifini kamaytirish; ish joylarini ko’paytirish; iqtisodiy faol ishchi kuchi resurslarining mehnatda ishtirokini oshirish; kadrlar malakasi, safarbarligi va raqobatbardoshligini oshirish; aholining mehnat daromadlarini ko’paytirish va boshqalar. Mazkur mezonlar quyidagi ishsizlik ko’rsatkichlari yordamida aniqlanadi: mavjud va yangi yaratilgan ish joylarining soni; bajarilgan ish vaqtining miqdori; aholi jon boshiga ishlab chiqarilgan yalpi ichki mahsulotning hajmi; mahalliy va 26 jalb etilgan ishchi kuchi resurslarining soni; ishchi kuchining migratsion oqimi; ishchi kuchining kapital va energiya bilan qurollanishi; ijtimoiy infratuzilma xizmatlarining hajmi; qishloq xo’jaligi har bir xodimining er yuklanmasi; o’rtacha yillik ish haqi; har bir aholining uy-joy bilan ta’minlanishi; ishchi kuchi resurslarining malaka va ma’lumot darajasi; sanoat korxonalaridagi asosiy kapitallardan foydalanishning smenalik koeffitsienti; ijtimoiy ishlab chiqarishda ish bilan band bo’lmagan shaxslar va ishsizlik soni hamda ularning nafaqa miqdori; mehnatning umumiy natijalaridan va ijtimoiy infratuzilma xizmatlaridan qanoatlanish darajasi; mulkchilikning turli shakllari va mehnatni tashkil qilishning samaradorligi va hokazolar. Yuqorida qayd etilgan mezonlar va ko’rsatkichlardan ishsizlik holatini tahlil qilish va istiqbollashtirishda hamda uning turli ko’rinishlari miqdorlarini aniqlashda foydalanish mumkin. Ishchi kuchi resurslarining prognoz balansi bo’lajak davr uchun (maqsadlarga bog’liq holda – 1 yilga, 5, 10 yilga va hokazo) Iqtisodiyot vazirligi tomonidan, Mehnat va aholini ijtimoiy muhofaza qilish vazirligi bilan birgalikda ishlab chiqiladi. Ishchi kuchi resurslarining prognoz balansini ishlab chiqishda quyidagilar hisobga olinadi: ishga joylashtirishga muhtoj bo’lgan mehnat bilan band bo’lmagan aholining (ishsizlarning) amaldagi va kutilayotgan soni; ishlayotganlar sonining belgilangan parametrlari, ish bilan bandlikning o’sishi va investitsiya dasturlarini, tarmoqlar va mintaqalarni rivojlantirish dasturlarini amalga oshirishning mo’ljallangan natijalari munosabati bilan ish bilan bandlikning o’sishi va uning tarkibiy o’zgarishi; ishchi kuchi resurslari sonini va iqtisodiy faol bo’lmagan aholi turli toifalarini (o’quvchilar, bola parvarishi bo’yicha ta’tilda bo’lgan ayollar va boshqalar) shakllantiradigan kelgusidagi demografik jarayonlar dinamikasi. Ishchi kuchi resurslarining prognoz balansidan mintaqalarning demografik xususiyatlarini hisobga olgan holda yangi ish o’rinlari tashkil etishga ehtiyojlarni 27 va kelgusida aholini ish bilan ta’minlashning hududiy dasturlari parametrlarini aniqlashda mahalliy davlat hokimiyati organlari tomonidan foydalaniladi. Ishchi kuchi resurslaridan foydalanish holati balansda yaqqol ko’rinadi. Foydalanish deganda ishchi kuchi resurslarining taqsimlanishi va ulardan iqtisodiyotda foydalanish samaradorligi tushuniladi. «Ishchi kuchi resurslarini taqsimlash» deganda ishchi kuchi resurslarining iqtisodiyotda ishlaydigan qismlari va ishlamaydigan qismlari tushuniladi. Ishchi kuchi resurslarini taqsimlashni iqtisodiyot tarmoqlari, iqtisodiyot sektorlari, mehnat turlari, mehnat rejimi, ijtimoiy-iqtisodiy sohalar miqyosida tushunish mumkin. Ishchi kuchining ish bilan bandligini tahlil qilishga ikki tomonlama yondashish mumkin: hududlar bo’yicha ish bilan bandligi holati tahlili; tarmoqlar bo’yicha ish bilan bandligi holati tahlili. Ishchi kuchi resurslaridan foydalanishni tahlil qilish turlaridan biri mamlakat hududi bo’yicha tahlil qilish bo’lib, u orqali muayyan foydali axborotlar va natijalarga ega bo’linadi. Respublika hududi iqtisodiy, ijtimoiy, demografik va geografik jihatdan bir biridan katta farq qiladi. Bu farqlar hududlardagi ishchi kuchi resurslarining o’ziga xos shakllanishi va ulardan foydalanishda o’z ifodasini topadi. Ishchi kuchi resurslarini shakllantirish va ulardan foydalanishning mintaqaviy xususiyati, avvalo, demografik va ijtimoiy-iqtisodiy omillarning ta’siri bilan bog’liqdir. Bandlikning tarmoqlardagi holatini tahlil qilish iqtisodiyotning tarmoqlar xususiyatidan kelib chiqadi. Tarmoqlarning rivojlanganligi, iqtisodiyotda tutgan o’rni, YaIMdagi ulushi kabilar undagi bandlik holatini belgilab beradi. Bundan tashqari tarmoqlardagi bandlikka demografik, geografik, iqtisodiy omillar ham ta’sir qiladi. Xulosa qilib aytganda, ish bilan bandlikning har ikkala holatini tahlil qilish mamlakatda ishchi kuchining ish bilan bandligi holati haqidagi tushunchalar, xulosalar va natijalarni yanada aniqlashtiradi. Shuningdek, bu borada amalga 28 oshirilishi lozim bo’lgan chora-tadbirlar va islohotlarni aniq yo’naltirish imkonini beradi. Yüklə 0,72 Mb. Dostları ilə paylaş:
|