MEKDEBE ÇENLI ÇAGALARDA SÖZLEÝIŞ DILINI ÖSDÜRMEGIŇ USULYÝETI
90
Ýerli ýagdaýlardaky zähmetiň aýratynlyklary bilen çagalary
tanyşdyrmak üçin terbiýeçi körpelerde zähmete gyzyklanmak we ony
söýmek duýgusyny terbiýelemelidir. Şoňa görä-de çagalaryň gowaça
meýdanlaryna, üzüm we beýleki baglara syn etmegini belleýär.
Maksatnama materiallaryny meýilnamalaşdyrmakda ýerli aýratynlyklar
peýdalanylan mahalynda çagalara artykmaç işleriň ýüklenilmegine ýol
bermeli däldir.
Surat çekmek, palçykdan, plastilinden
we tebigy serişdelerinden
zatlar ýasamak bölümi boýunça çagalaryň çotgajyk, galam, gaýçy bilen
işlemekdäki başarnyklaryny we endiklerini ösdürmek, olaryň çeperçilik
duýgularyny terbiýelemek baradaky işler meýilnamalaşdyrylýar.
Ilkinji matematiki düşünjeleri.
Ilkinji matematiki düşünjeleri emele
getirmek bölüminde çagalara 100-e çenli sanatmak, ýönekeýje goşmagy
we aýyrmagy öwretmek, ýönekeýje geometrik şekiller bilen tanyş etmek
meýilleşdirilýar.
Terbiýeçilik işiniň gündelik meýilnamasy.
Terbiýeçiniň gündelik
meýilnamasy maksatnamada seredilip alnan maksatnama materialynyň
esasynda düzülýär. Terbiýeçi gündelik meýilnama düzmek üçin öz
toparyndaky çagalar bilen geçirilýän hökmany sapaklaryň sanyny
bilmelidir.
Gündelik meýilnamanyň mazmuny. Gündelik meýilnamada işiň şu
aşakdaky görnüşleri her günde meýilnamalaşdyrylýar:
Çagalaryň ertirki ýygnanyşygy.
Hökmany sapaklar.
Gezelençler,
tebigata gözegçilik etmek, hereketli oýunlar.
Gündizdäki ukudan soňky güýmenjeler, aýry-aýry çagalar bilen iş.
Ata-eneler bilen iş.
Çagalaryň ertirki ýygnanyşygy.
Terbiýeçi her gün çagalaryň ertirki
ýygnanyşygyny meýilleşdirýär. Körpeleri nirede kabul etjekdigini,
ýygnanyşyk
wagtynda
hemme
çagalaryň
näme
bilen
MEKDEBE ÇENLI ÇAGALARDA SÖZLEÝIŞ DILINI ÖSDÜRMEGIŇ USULYÝETI
91
meşgullanjakdygyny anyk belleýär. Şonuň bilen bir wagtda terbiýeçi
çagalar bilen özbaşdak işlemegi göz öňüne tutýar.
Hökmany sapaklar.
Çagalar bagynda körpeleriň hemmesi bilen
hökmany sapaklar öňünden düzülen meýilnama boýunça gün tertibinde
bellenen wagtda terbiýeçi tarapyndan guralýar. Hökmany sapaklara
hemme çagalar gatnaşýarlar. Çagalara bilim
bermek we olarda topar
bolup işlemek endiklerini ösdürmek maksady bilen hökmany sapaklar
bütin ýylyň dowamynda çagalar bagynyň hemme toparlarynda her gün
geçirilýär. Hökmany sapaklaryň terbiýeçilik we bilim berijilik ähmiýeti
bar, terbiýeçi çagalara maksatnama materiallaryny yzygider bermeli.
Olara täze bilimler we endikler öwretmeli.
Çagalar bilen gündelik guralýan sapaklaryň dowamlylygy kiçi
toparda 10-15, orta toparda 15-20 , uly toparda 20-25,
mekdebe
taýýarlaýyş toparynda 25-30 minutdan köp bolmaly däldir. Sapaklar
hemişe günüň I-ýarymynda ertirlik nahardan soň guralýar.
Gezelençleri meýilnamalaşdyrmak. Terbiýe üçin gezelençleri
meýilnamalaşdyrmak hökmanydyr. Çagalaryň beden, aky, ahlak taýdan
ösmeginde gezelenjiň ähmiýeti uludyr. Çaga jemgyýetçilik durmuşy we
tebigat bilen näçe
köp gatnaşyk etse, olary şonça-da oňat bilýär. Açyk
howada çaga köp boldugyça, onuň bedeni sagat bolýar.
Ertirki maşklary meýilnamalaşdyrmak. Täze maşklar iki hepdelik
üçin düzülýär. Ertirki maşklar üçin täze hereketler çaganyň hereketiniň
ösüşi üçin hökmany sapaklarda geçirilen maşklardan alynýar.
Çagalar bilen geçiriljek özbaşdak işi meýilnamalaşdyrmak. Çagalar
bilen geçiriljek özbaşdak ýumuşlar ertirlerine çagalaryň ýygnanyşygy
wagtynda, gezelençde, günüň ikinji ýarymynda meýilnamalaşdyrylýar.
Munda fiziki we akyl taýdan gowşak ösen
ukypsyz çagalara goşmaça
ýumuş tabşyrmaklyk meýilnamalaşdyrylýar.
Ata-eneler bilen geçiriljek işi meýilnamalaşdyrmak. Terbiýeçi
özüniň meýilnamasynda ata-eneler bilen yzygider iş alyp barmagy
MEKDEBE ÇENLI ÇAGALARDA SÖZLEÝIŞ DILINI ÖSDÜRMEGIŇ USULYÝETI
92
bellemelidir. Ata-eneler bilen geçiriljek işlere taýýarlyk görmek üçin ony
özüniň gündelik meýilnamasynda meýilnamalaşdyrylmalydyr.
Terbiýeçiniň
ýyllyk hasabaty. Terbiýeçi her ýylyň awgust
aýynda öz toparynda alnyp barylýan terbiýeçilik
işleri barada hasabat
düzmeli. Ol çagalar bilen geçirilýän işleriň hasabaty esasynda düzülýär.
Terbiýeçi „Çagalar bagynda terbiýeçilik işleriniň maksatnamasynyň“
talaplarynyň ýerine ýetirilişini gözden geçirýär. Terbiýeçiniň ýyllyk
hasabaty şu aşakdaky meseleleri öz içine alýar.
Dostları ilə paylaş: