O’zbekiston respublikasi oliy va o’rta maxsus ta’lim vazirligi toshkent moliya instituti zoyirov Laziz Subxonovich Raimjanova Madina Asrarovna Saidov Rasulbek Boltabayevich Shoislomova Nargiza Qobilovna investitsiya loyihalari ekspertiza
Qarz oluvchi korxonalarning kreditga layoqatligi bo’yicha sinflarga
Yüklə 2,13 Mb. Pdf görüntüsü
|
|
7.4. Qarz oluvchi korxonalarning kreditga layoqatligi bo’yicha sinflarga
bo’linishi Investitsion loyihlarni kreditlash jarayoni juda ko‘p va turli xil xavf-xatarlar (risklar) bilan bog‘liq bo‘lib, qaysiki kreditlarni belgilangan muddatda qoplanmaslik muammosini keltirib chiqaradi. Shu sababli banklar o‘z mijozlariga kredit berishda, mijozning kreditga layoqatliligini tahlil qiladilar. 131 Bank mijozi kreditga layoqatligi deganda mijozning o‘z qarz majburiyatlari bo‘yicha to‘liq va o‘z vaqtida hisoblashish qobiliyati tushiniladi. Mijozning kreditga layoqatlilik darajasi banklar uchun juda zarur, chunki har bir berilgan kredit risk bilan bog‘liq. Agar bank riskni hisobga olmasa, kredit o‘z vaqtida qaytmasligi yoki umuman to‘lanmasligi mumkin. Shu sababli, banklar o‘z mijozlari moliyaviy holatini, to‘lovga qobilligini va albatta, kreditga layoqatliligini tahlil qiladi. Jahon amaliyotida, xususan AQShda banklar tomonidan, mijoz kreditga layoqatliligini baholashda ―five s‖, ―besh si‖ qoidasi ishlatiladi. Ular quyidagilar: - character (mijoz xarakteri); - capacity (moliyaviy sharoiti); - capital (kapital yoki mol-mulk); - colletarial (ta‘minlanganlik); - conditions (umumiy iqtisodiy vaziyat). Mijoz xarakteri deganda, uning yuridik shaxs sifatida reputatsiyasi, ma‘suliyatliligi, olingan qarzni to‘lashga xohishi va tayyorlik darajasi tushiniladi. Mijoz moliyaviy sharoiti yoki qobiliyati deganda, mijozning kreditni qaysi manbalardan qoplashligi tushiniladi. Odatda, korxonada quyidagi 3 manbalar mavjud: joriy kassa tushumlari; aktivlarni sotishdan tushgan tushum; va boshqa moliyalashtirish manbalari (maxsus rezervlar, amortizatsiya fondi va b.) Kapital deganda, mijozning aktsionerlik kapitali, uning strukturasi, aktiv va passivlar orasidagi munosabatlar tushuniladi. Uning ustav fondi va o‘z kapitalining kredit operatsiyasiga jalb qilish darajasini ko‘rib chiqish tushuniladi. Ta‘minlanganlik deganda, mijozning aktivlari qiymati va konkret ikkilamchi qarzni qoplash manbai (kafillik, sug‘urta, garov) kredit shartnomasida ko‘rsatiladi. Umumiy iqtisodiy vaziyat deganda, mamlakatdagi joriy va kelajakdagi iqtisodiy holat, siyosay ahvol, soliqlar, xom ashyo va boshqa kredit qaytarilishiga ta‘sir etuvchi bilvosita omillarni o‘rganish tushuniladi. Ushbu usul hozirda bizning banklarda qo‘llanilsa foydadan holi bo‘lmasdi. 132 Kreditga layoqatlilikni tahlil qilishdan asosiy maqsad, bu qarz oluvchi, xo‘jalik yurituvchi sub‘ektning imkoniyatlari, qarzni o‘z vaqtida qoplashni, risk darajasini, kredit miqdori va boshqa omillarni belgilangan sharoitda va holatda tahlil qilishdan iboratdir. Banklar uchun bu masalalarni amalga oshirish juda qiyin bo‘lsada, xuddi ana shu maqsad amalga oshirilsagina berilgan kreditdan foyda olinadi. Kreditga layoqatlilikni tahlil qilish vazifasi bo‘lib quyidagilar hisoblanadi: - kreditga layoqatlilikni ifodalovchi ko‘rsatkichlarni aniqlash; - ko‘rsatkichlarni tahlil qilish (yil boshi va yil oxirini taqqoslash); - ko‘rsatkichlarga ta‘sir etuvchi omillarni aniqlash; - kreditga layoqatlilikni mustahkamlash yo‘llarini aniqlash; Bozor munosabatlarining rivojlanib borishi bilan tijorat banklari tomonidan kreditga layoqatlilikni tahlil qiluvchi yangi metodlar ishlab chiqilmoqda, qaysikim korxona haqidagi (kreditga layoqatligi haqidagi) tahlilni chuqurroq olib borishni ko‘rsatadi. Hozirgi vaqtda jahon amaliyotida (YUNIDO tasdiqlagan standart bo‘yicha) moliyaviy ko‘rsatkichlar tizimi bo‘yicha tahlil va reyting metodi bo‘yicha tahlil usullari qo‘llaniladi. O‘zbekiston Respublikasida Markaziy Bank tomonidan chiqarilgan yo‘riqnoma bo‘yicha korxonalarga turli xil muddatga kreditlar berilib, ularning kreditga layoqatliligining moliyaviy ko‘rsatkichlarning tahliliga asoslanib beriladi. Tahlil uchun asosiy manba bo‘lib buxgalteriya balansi va moliyaviy natijalar to‘g‘risidagi hisobotdan foydalaniladi. Kreditga layoqatlilikni ifodalovchi asosiy va qo‘shimcha ko‘rsatkichlar quyidagilar: 1. Qoplash koeffitsienti; 2. O‘z aylanma mablag‘lari bilan ta‘minlanganlik koeffitsienti; 3. Likvidlik koeffitsienti; Qo‘shimcha koeffitsientlar: 1. Oborot mablag‘larining aylanuvchanlik koeffitsienti; 2. O‘z aylanma mablag‘lari mavjudligi; 3. Foyda va rentabellik koeffitsientlari. 133 1. Kreditga qobiliyatlilikning asosiy ko‘rsatkichlari: qoplash, likvidlik va mustaqillik koeffitsentlaridir. Bu koeffitsientlar tahlili uchun ma‘lumotlar balansdan olinadi. Jahon amaliyotida korxona likvid mablag‘lari ikkiga bo‘linadi: - absolyut likvid mablag‘lar; - joriy likvid mablag‘lar. Absolyut likvid mablag‘lar tarkibiga balans aktiv qismining ikkinchi bo‘limi jamisi kiritiladi. Ular 3 qismdan iborat: oson ishlatiladigan zahiralar; pul mablag‘lari; oson amalga oshiradigan talablar, «debitorlik qarzlari». Likvid mablag‘larning korxonada etarlicha bo‘lishi, uning majburiyatlarini o‘z vaqtida qoplay olishidan dalolat beradi. Joriy likvid mablag‘lar bu juda ham tez pulga aylanadigan korxona vositalarini o‘z ichiga oladi, shu sababli joriy likvid mablag‘lar tarkibiga balans aktiv qismi ikkinchi bo‘limining quyidagilari kiradi: pul mablag‘lari; debitorlik qarzlari. Joriy likvid mablag‘lar korxonaga birlamchi to‘lovlarni amalga oshirishda kerak bo‘ladi. Ular yuqori likvidlikka egaligidan, korxonada ushbu mablag‘lar ham me‘yor darajasida bo‘lishi kerak. Zero, kredit inspektori mijozni kreditga layoqatliligini tahlil qilishda ushbu ko‘rsatkichlar alohida ahamiyat beradi. Likvid mablag‘lar quyidagi tartibda 2 ga bo‘linadi: 1. Qisqa muddatli likvid mablag‘lar; 2. Pul mablag‘lar+oson amalga oshiriladigan talablar. Qisqa muddatli likvid mablag‘lar tarkibi 3 qismdan iborat: oson ishlatiladigan talablar; pul mablag‘lari; oson amalga oshiriladigan talablar. Likvid mablag‘larni bunday 2 ga bo‘lishdan maqsad, qoplash va likvidlik koeffitsientlarini hisoblash oson bo‘ladi. Qisqa muddatli likvid mablag‘lar Qoplash koeffitsienti = ---------------------------------------------------- Qisqa muddatli majburiyatlar 134 Pul mablag‘lari + oson amalga oshiriladigan talablar Lik. koef. = ----------------------------------------------------------------------------- Qisqa muddatli majburiyatlar Qoplash koeffitsienti shuni ifodalaydiki, ya‘ni u kreditlash chegarasini ko‘rsatadi va mijozning hamma aylanma vositalarining qarzni olishga etarliligini ko‘rsatadi. Bu ko‘rsatkich 2 dan yuqori bo‘lsa, mijoz kreditga layoqatlidir. Agar 0,5 dan kam bo‘lsa, kreditlash foydasiz bo‘lib, mijoz kreditga layoqatsiz hisoblanadi. Likvidlik koeffitsienti mijozning aylanma kapitali strukturasini baholash asosida yaqin kelajakda bankdan olgan kreditlarini operativ (tezkorlik) va o‘z vaqtida to‘lay olish qobiliyati hisoblanadi. Likvidlik koeffitsienti 1,5 dan yuqori bo‘lsa, korxona yuqori kreditga layoqatlilik darajasiga erishgan bo‘ladi. Qoplash va likvidlik koeffitsientlarini topishda, qisqa muddatli majburiyatlarni to‘g‘ri hisoblash talab etiladi. Qisqa muddatli majburiyatlar, buxgalteriya balansining passiv qismidagi majburiyatlar bo‘limidan olinadi. Banklardagi kredit inspektorlari mijozning kreditga layoqatliligini tahlil qilishda, balansdagi asosan (oborot aktivlari va majburiyat bo‘limidagi) moddalarning tarkibiy o‘zgarishlarini ko‘rib chiqadilar. Bu albatta, xavf-xatarni baholashni engillashtiradi. Korxona kreditga layoqatliligi tahlili uchun kerak bo‘ladigan keyingi ko‘rsatkich - bu o‘z aylanma mablag‘lari bilan ta‘minlanganlik koeffitsientidir. O‘z aylanma mablag‘lari bilan ta‘minlanganlik - bu korxonaning jami mablag‘lari ichida o‘zining mablag‘lari qanchaligidan dalolat beradi. O‘z aylanma mablag‘larining holati korxona moliyaviy holatiga ta‘sir etadi. Tahlil natijasida o‘z aylanma mablag‘lari mavjud summasi aniqlanadi. Buning uchun balans passivining birinchi bo‘linmasini jamiga uzoq muddatli kredit va qarzlar qo‘shilib, oborotdan tashqari aktivlar ayriladi. Chiqqan natija, oson ishlatiladigan zahiralar va xarajatlarga bo‘linadi. Kredit olishga layoqatlilikni aniqlashda o‘z oborot mablag‘lari bilan ta‘minlanganlik katta ahamiyatga ega. Nolikvid balanslarga ega 135 bo‘lgan korxonalarga bank kreditlaridan foydalanish huquqi berilmaydi. Ushbu koeffitsient 0.6 dan, ya‘ni 60%dan yuqori bo‘lsa, kredit xatari eng kam hisoblanadi. Bu koeffitsient 30%dan, ya‘ni 0,3 dan kam bo‘lmasligi lozim. Korxonaning balans bo‘yicha o‘z oborot mablag‘larini mavjud summasi, balans passivining birinchi bo‘linmasini jamiga uzoq muddatli kredit va qarzlar qo‘shilib, chiqqan natijadan balans aktivining birinchi bo‘limining jami summasi ayriladi. Korxona aylanma mablag‘larini ortiqcha yoki etishmasligini aniqlash uchun balans bo‘yicha aylanma mablag‘larini mavjud summasi normativi bilan taqqoslanadi. Bank kredit berishda korxonaning mahsulot sifatini, muddati uzaytirilgan debitorlik qarzlarini, kapital remont uchun qilingan xarajatlarni, turli zararlarni qoplashini ko‘rib chiqish kerak. Bunga sabab shuki, ushbu aytilganlar bo‘yicha qo‘shimcha sarflanishlarga yo‘l qo‘yilgan bo‘lsa, korxona bu qo‘shimcha sarflanishlar aylanma mablag‘lari hisobidan bo‘ladi, shu sababli ushbu qo‘shimcha sarflanishlar aylanma mablag‘lariga salbiy ta‘sir etib, haqiqatda xo‘jalik jarayonida qancha aylanma mablag‘lari ishtirok etayotganligini ifodalaydi. Balans bo‘yicha aylanma mablag‘larini mavjud summasi bilan haqiqatdan ham korxona xo‘jalik oborotida ishtirok etadigan aylanma mablag‘larini summasi bir-biridan farq qiladi. Har ikki ko‘rsatkich o‘rtasidagi farq aylanma mablag‘larini immobilizatsiyasini tashqil etadi. Immobilizatsiyasi oborot manbalarini chetga tortilishidir. Ya‘ni o‘z maqsadidan tashqari sarflanishidir. Kredit inspektori ushbu koeffitsientni hisoblashda, albatta aylanma mablag‘larining mavjud summasi immobilizatsiyasini hisobga olishi kerak. Jahon amaliyotida, aylanma mablag‘larining mavjud summasini (o‘z aylanma mablag‘larini) aniqlashda quyidagi usul qo‘llaniladi, ya‘ni balans aktivining 2 chi bo‘limi (aylanma aktivlari) summasidan, balans passivining 2 chi bo‘limi (majburiyatlar) ayiriladi (uzoq muddatli qarz va kreditlardan tashqari). Korxona (mijoz) kredit olishga layoqatliligining tahlilida qo‘llaniladigan qo‘shimcha ko‘rsatkichlar bo‘lib, aylanma mablag‘larining aylanuvchanlik koeffitsientini va aylanma mablag‘larining kunlardagi aylanuvchanligi ko‘rsatkichlari qo‘llaniladi. 136 Aylanma mablag‘lari aylanuvchanligi koeffitsienti aylanma mablag‘lari harakatining tezligini ta‘riflaydi va tahlil qilinayotgan davr uchun mahsulot sotishdan olingan tushum va aylanma mablag‘larining o‘rtacha qiymati o‘rtasidagi tafovut sifatida aniqlanadi. Tahlil uchun ma‘lumotlar yillik hisobotning 1-shakli balans va 2-shakli moliyaviy natijalar to‘g‘risidagi hisobotdan olinadi. S Aylanuvchanlik koef. = ------------- U K bu yerda S - (mahsulot sotishdan tushgan tushum); UK - (oborot mablag‘lari o‘rtacha qoldiqlari) UK x 360 A K = ------------- C A K - (oborot mablag‘larining kunlardagi aylanuvchanligi). Tijorat banklari xo‘jalik yurituvchi sub‘ektlar bilan kredit munosabatlarini mustaqil ravishda o‘rnatadilar. Xo‘jalik yurituvchi sub‘ektlar tijorat banklaridan kredit olish uchun kredit buyurtmasini beradilar. Shu kredit buyurtmasiga asosan tijorat banklari qarz oluvchining moliyaviy ahvolini tahlil qiladilar. Bu jarayon quyidagi bosqichlardan iborat: - kredit olish uchun berilgan kredit buyurtmasini ko‘rib chiqish va bo‘lajak qarz oluvchi bilan suhbatlashish; - qarz oluvchining kredit qobiliyatini va qarz berish bilan bog‘liq xatarlarni baholash; - kredit narxini belgilash; - kredit shartnomasini tayyorlash va uni tuzish. Mijozlarning kreditga layoqatliligi bo‘yicha sinflarga bo‘lish va korxonalar reytingini aniqlash. O‘zbekiston Respublikasi Markaziy Banki tomonidan chiqarilgan yo‘riqnoma bo‘yicha korxonalarni kreditga layoqatliligi asosiy ko‘rsatkichi bo‘lib: qoplash koeffitsienti, likvidlik koeffitsienti va muxtoriyat koeffitsientlari hisoblanadi. Yüklə 2,13 Mb. Dostları ilə paylaş:
|