Buxoro davlat universiteti abdullaev a. J, Qayimova z. A, Boltaev sh. Sh, Narzieva d. M
Kredit tizimining holatini tavsiflovchi ko`rsatkichlar. Kredit
Yüklə 3,95 Mb. Pdf görüntüsü
|
|
19.3. Kredit tizimining holatini tavsiflovchi ko`rsatkichlar. Kredit tizimining barqarorligiga ta`sir etuvchi omillar. Turli tarmoklardagi darajasiga ko`ra, kredit iqtisodiy stixiyali makroboshqaruvchisi sifatida namoyon bo`ladi. Ba`zi xollarda bu funktsiyaning amalga oshirilishi bozor tizimiga nomutanosiblikni chukurlashuviga olib kelishi mumkin. Xuddi shunday xolat MDX davlatlarida bozor iqtisodiga o`tish boskichida namoyon bo`lmokda shuning uchun kredit tizimini davlat tomonidan boshkarishning muxim vazifalaridan biri bu iqtisodiy ustunlikni okilona tavsiflash va kredit resurslarini u yoki bu tarmokka jalb kilishni rag’batlantirishdan iborat. Markaziy bank-bank tizimi mavjud bulgan barcha davlatlar pul- kredit tizimining asosini tashkil kiladi. Markaziy bankning moliya bozoridagi o`rni mamlakatda bozor munosabatlarining rivojlanish darajasiga va xususiyatiga boglik. Bu esa uz navbatida ikki pog’onali bank tizimini shakllanishiga asosiy omil bo`lib hisoblanadi. CHunki buning tepasida Markaziy bank bo`ladi. Ikki pog’onali bank 312 tizimining zarurli bozor munosabatlarining qarama-qarshiliklaridan kelib chiqadi. Bir tomondan, bu xususiy moliya mablag’laridan erkin foydalanish huquqini talab qiladi. Bu quyi pog’ona banklar-tijorat banklari orqali amalga oshiriladi. Ikkinchi tomondan, bu munosabatlarni ma`lum mikdorda tartibga solish nazorat kilish maksadli yo`naltirish zarur. Bunday maxsus institut sifatida Markaziy bank yuzaga chikadi. Tijorat bankining faoliyatini olib borishning asosida, eng avvalo, uning likvidliligi yotadi. Likvidliligi bo`lmagan bank to`lovga layoqatli bo`la olmaydi. Amalda aynan nolikvidlik banklarning to`lovga layoqatsizligi, ularni bankrotlikka va bank tizimining beqarorligiga olib keladi. “Likvidlik” atamasi (lotincha liquidus - oquvchan, suyuqlik) sotish, aktivlarni pul mablag’lariga aylantirishning amalga oshirilishini, ya`ni bankning Markaziy bank yoki vakil banklardagi naqd pul mablag’laridan oqilona foydalanish, likvid aktivlarni sotish imkoniyati va h.k.larni anglatadi. Tijorat bankining likvidligi uning balans tuzilmasi bo`yicha belgilanib, unda aktivlar passivga doir muddatli majburiyatlarni qoplash uchun o`z qiymatini tushirmagan holda yo`qotishlarsiz pul mablag’lariga aylantirilishi lozim. Bank o`z likvidligini tahlil qilish masalasi bank nazorati bo`yicha Bazel bitimida, ayniqsa, chuqur ko`rib chiqilgan. Ushbu bitimga muvofiq “likvidlikni tahlil qilish bankning o`z majburiyatlarini muddatida va zarar ko`rmagan holda bajarish layoqatini aniqlash zaruratini ko`zda tutadi. Aholining bank tizimiga bo`lgan ishonchi banklarning o`z majburiyatlarini benuqson bajarishiga bog’liq. Demak, banklarning likvidligi hamda to`lovga layoqatliligi banklarning umumiy moliyaviy barqarorligini ta`minlash lozim bo`lgan bank nazorati organlarini ko`proq o`ylantiradigan soha hisoblanadi. Mijoz har safar o`z hisobvarag’idan pul olmoqchi bo`lganda bankning o`z majburiyatini bajarish zarurati yuzaga keladi. Majburiyat bajarilmagan taqdirda bank o`z obro`sini yo`qotadi va bu ham bankni bankrotlikka olib kelishi mumkin. Likvidlikni ta`- minlashning eng oddiy usuli bankning bir qism aktivlarini likvid shaklida, masalan naqd pul, Markaziy bank va boshqa banklardagi vakillik hisobvarag’idagi qoldiqlar, davlat qisqa muddatli obliga- tsiyalari (DQMO) shaklida saqlash hisoblanadi. Banklar likvidligining o`zgarishiga ta`sir qiluvchi omillarni hisobga olgan holda likvid 313 aktivlarining zarur miqdorini belgilab olishlari lozim. Mazkur omillarga quyidagilar kiradi: – omonatlarning ko`payishi yoki kamayishiga ko`ra mablag’larga ega bo`lish yoki ularni yo`qotish; bank jalb qilingan mablag’lar bo`yicha majburiyatlarni yaqin muddatlarda bajarishi lozim, bu omonatlar va boshqa passivlarning muddatlari bilan bog’liq hamda bankda qoladigan depozitlar miqdorini (asosiy depozitlar) hisobvaraqdan olinadigan yoki darhol to`lanadigan depozitlar va boshqa passivlar (“Uchuvchan mablag’lar”) bilan qiyoslagan holda tahlil qilishni ko`zda tutadi; – omonatlar summasining o`sishi yoki qisqarishiga muvofiq majburiy zaxiralar me`yoriy miqdorining ko`payishi yoki kamayishi ham likvidlikka bevosita ta`sir ko`rsatadi, chunki majburiy zaxiralar me`yorini bajarishga yo`naltirilgan mablag’lar likvid aktivlarning asosiy shakllaridan biri hisoblanadi; – ssudalar va investitsiyalar summasining oshishi yoki kamayishiga ko`ra mablag’lar oqib kelishining ko`payishi yoki kamayishi; ushbu omilning ta`siri shundan iboratki, ssudalar va investitsiyalar miqdorining oshishi likvid aktivlar ulushini kamaytiradi, chunki investitsiyalar aksariyat hollarda uzoq muddatga jalb qilinadi. Daromadlilik oshayotgan bir paytda likvidlikning maqbul darajasini ta`minlash uchun bank jalb etilgan omonatlar muddatlari va ularga doir xarajatlarni tahlil qilib chiqib, kredit qo`yilmalari va investitsiyalar muddatlari hamda rejalashtiriladigan daromadlar bilan taqqoslash lozim. Bunday taqqoslash joylashtirilgan va jalb etilgan mablag’larni muddatlari bo`yicha solishtirish asosida bank likvidligi holatini aniqlash, shuningdek, likvidlikning zarur darajada eng ko`p foydaga erishish uchun qisqa, o`rta va uzoq muddatli kreditlarning optimal nisbati bilan kredit siyosatini olib borish imkoniyatini beradi. “To`lovga layoqatlilik” “likvidlik”ka nisbatan kengroq tushuncha bo`lib, bank zarur muddatlarda kreditlar-omonatchilar, banklar davlat oldidagi majburiyatlarini to`la summada bajara olish layoqatini bildiradi. Lekin u faqat balans likvidligiga bog’liq bo`lib qolmasdan, balki boshqa bir qator faktorlarga ham bog’liqdir. Ular qatoriga quyidagilar kiradi: mintaqa yoki respublikadagi siyosiy va iqtisodiy holat, pul bozorining holati, Markaziy bankning qayta moliyalashtirish imkoniyati, qimmatli qog’ozlar bozorining rivojlanganligi, bank qonunchiligining mavjudligi va zamonaviyligi, bankning o`z kapitali 314 bilan ta`minlanganligi, mijozlar va partner-banklarning ishonchliligi, bankdagi menejment darajasi, mazkur kredit muassasasi bank xizmatlarining maxsuslashtirilganligi hamda xilma xilligi va boshqa omillar kiradi. SHu bilan bir vaqtda ko`rsatilgan omillar to`g’ridan- to`g’ri yoki bilvosita bank balansi likvidligiga ta`sir ko`rsatadi, shuningdek, bir-biri bilan ma`lum darajada aloqada bo`ladi. (Aytilganlarni chizma tarzida ko`rsatish mumkin). Bankning to`lovga layoqatliligi va likvidliligiga ta`sir qiluvchi omillar Tijorat banklarining balansi ikki qismdan iborat bo`ladi: aktiv va passiv. Bank passivlari tarkibiy jihatdan va iqtisodiy mazmuniga ko`ra, bankning o`z mablag’lari va uning majburiyatlaridan tashkil topadi. O`z navbatida bank majburiyatlari iqtisodiy mazmuniga ko`ra jalb qilingan va qarz mablag’larga bo`linadi. Demak, bank passivlari: 1.Bank kapitali– bankning xususiy mablag’lari 2. Jalb qilingan mablag’lar. 3. Qarz mablag’laridan iborat. Bank aktivlarini iqtisodiy mazmuni tarkibiga ko`ra bir necha qismlarga ajratish mumkin. Bunda aktivlarning muddatiga ko`ra yoki likvidligiga ko`ra ma`lum tarkibiy qismlarga ajratish mumkin. Ak- tivlarni likvidligiga ko`ra quyidagi uch guruhga ajratish mumkin: YUqori likvidlikka ega bo`lgan aktivlar. 2. O`rtacha likvidlikka ega bo`lgan aktivlar. 3. Likvidligi past bo`lgan aktivlar. Tijorat bankining balansi shu bank resurslarining ahvolini, bularni shakllantirish manbalarini, shuningdek, hisobot davrining boshidan oxirigacha bo`lgan bank faoliyatining moliyaviy natijalarini pul bilan ifodalab, ta`riflab beradi. Balansdagi ma`lumotlarni tahlil qilib chiqish yo`li bilan banklarning ma`lum davr ichidagi faoliyatini har tomonlama bilib olsa bo`ladi. Balansning tahlili bankning o`ziga tegishli mablag’lari qay tariqa o`zgarib borayotganligini, bank aktivlarining tarkibi va ularning qaysi tomonga qarab o`zgarayotganini, bankning likvidlilik va to`lovga layoqatlilik ko`rsatkichlari darajalarini bilish imkonini beradi. Yüklə 3,95 Mb. Dostları ilə paylaş:
|