G. N. Najmiddinova O’. U. Qurbonova

5.3.
 
Singapur, Hindiston va Pokiston ta’lim tizimi mazmuni 
Singapur ta’lim tizimi 
Rasmiy nomi – Singapur Respublikasi. Poytaxti – Singapur shahri. 
Geografik joylashuvi – kichkina – urbanizatsiyalashgan orolcha-shahar bo‘lib, 
janubiy-sharqiy Osiyoda joylashgan. Maydoni - 712,4 km2. Aholisi – 4,45 mln. 
kishi (2010-yil) bo‘lib, shundan 78% - xitoyliklar; 14% - malayslar; 7% - hindular. 
Pul birligi – Singapur dollari. Mustaqillik kuni - 1944-yil, 9 - avgust. Prezidenti – 
Toni Tan.
Singapurda har bir bola 10 yil muddat davom etadigan umumiy ta‘limni 
olish huquqiga ega. Bu ta‘lim 6 yil boshlang‘ich ta‘lim va 4 yil o‘rta ta‘limni o‘z 
ichiga qamrab oladi. Singapur ta‘lim tizimida asosiy urg‘u bolalarni o‘qishga, 
hisoblashga, 2 ta tilda gapira olishga o‘rgatish, bolalarda jismoniy va axloqiy 
tarbiyani shaklantirish, ijodiy va mustaqil fikrlashni o‘stirishdir. 2 tilli siyosat har 
bir boladan ingliz tilini o‘rganish bilan bir qatorda o‘z ona tilisini ham puxta va 
mukammal o‘rganishni talab qiladi. 
Singapurdagi barcha maktablarda ta‘lim 2 tilda olib boriladi. Ya‘ni, ingliz tili va 
xitoy tili. Ta‘limni ikki tilda tashkil etilishining bir necha jihatlari mavjud. 
Jumladan, ingliz tili – jahon tili sifatida dunyoviy ilmlarni o‘rganish maqsadida 
qo‘llanilsa, xitoy tili – aholining o‘z milliy urf - odatlari, madaniyati, tarixini 
o‘rganishda muhim hisoblanadi.
Shuningdek, Singapur – ko‘p millatli xalq bo‘lganligi sababli, mamlakatning 
gullab - yashnashi va kelajagining yaxshilanishi uchun malakatda yashovchi har 
bir fuqaroga uning tili va dinidan qat‘iy nazar, bir xil yaxshi munosabatda 
bo‘lishni talab etadi. 
Ta‘limning yuqori darajaga ega bo‘lgan yo‘nalishlari gumanitar fanlar 
emas, balki aniq va tabiiy fanlarda o‘z aksini topadi.
Bolalarni qobiliyatiga qarab ma‘lum bir guruhlarga bo‘lish mobaynida 
ularning bilim darajasiga qarab o‘quv dasturlarini tuzish prinsiplaridan 
foydalanishni taqozo qoladi. 
Singapurdagi har bir bola dini va irqidan qat‘iy nazar 6 yoshdan 16 
yoshgacha bo‘lgan davrni o‘z ichiga olgan 10 yillik ta‘limni olish huquqiga 
egadir. 
Mamlakatda shuningdek, davlat o‘quv muassasalari bilan bir qatorda xususiy 
o‘quv muassasalari ham mavjud. Boshlang‘ich ta‘limni tamomlagandan keyin 
o‘quvchilar Primary School Having examination (PSHE) imtihonlarini 
topshiradilar. O‘rta ta‘lim haqidagi Serrtifikat Singapurda Singapore – Cambridge 
General Certificate of education o‘rta maktabini tamomlagandan keyin beriladi va 
bu sertifikat butun jahon mamlakatlarida tan olinadi. Singapurda Oliy o‘quv 
yurtlariga kirish uchun Universitetga kirishga mo‘ljallangan maxsus kurslardan 

---

107 
o‘tish lozim. (2-3yil). Shuningdek, ingliz tilini o‘rganishga qaratilgan maxsus 
o‘quv markazlari ham yaratilgan. Ular orasida TMC (Technology Management 
and communications) Education Groupni ko‘rsatish mumkin. 
Singapur ta‘lim tizimining tuzilishi quyidagicha:
-Maktabgacha ta‘lim – 3-6 yoshgacha (3 yil); 
-Boshlang‘ich ta‘lim – 6-12 yoshgacha (6 yil) ikki bosqichli: 
I-bosqichda o‘qish muddati - 4 yil,
II-bosqichda o‘qish muddati - 2 yil; 
-O‘rta ta‘lim – 12- 16- yoshgacha (4 – 6 yil); 
-To‘liq bo‘lmagan kollej ta‘limi (2 yil); 
-Politexnikumda (3 yil); 
-Oliy ta‘lim uch bosqichdan tashkil topgan: 
- Bakalavr (4 yil), 
- Magistrtura (1-3 yil), 
-Doktorantura (2-5 yil).