Toshkent arxitektura qurilish instituti
-rasm . Chegaralanmagan oriyentatsiyaga ega to‘rt xonadonli seksiya. Burchakli (buriluvchan) seksiyalar
Yüklə 5,01 Kb. Pdf görüntüsü
|
|
4.15-rasm
. Chegaralanmagan oriyentatsiyaga ega to‘rt xonadonli seksiya. Burchakli (buriluvchan) seksiyalar –murakkab konfiguratsiyali uylarni shakllantirish uchun qo‘llanadi. Ko‘p hollarda 135º yoki 90º li burchakka burilgan burchakli seksiyalar eng ko‘p uchraydi. Burchakli seksiyalar qatorli hamda chekkali seksiyalar singari loyihalanadi. Har xil konfiguratsiyali, turli qavatli, xonadonlarining soni va tipi turlicha bo‘lgan seksiyalar bitta seriyaga birlashtiriladi. Bitta seriya ramkasidagi seksiyalar bir tipli konstruktiv va tarhiy sxemalar asosida ishlab chiqiladi. Masalan, agar yuk ko‘taruvchi elementlarning u yoki bu konstruktiv sistemasi qabul qilingan bo‘lsa, u holda bu sistema barcha seksiyalarda qo‘llanmog‘i shartdir. Bu esa qurilish jarayonini maqbullashtirish (optimallashtirish) uchun juda muhimdir. Seksiyalardagi hamma xonadonlar bir xil darajadagi komfortlilik (shinamlikka) ega bo‘lmog‘i lozim, bunga yagona tarhiy usul va bir xil muhandislik jihozlari orqali erishish mumkin (4.16-rasm). Qatorli seksiyalarda seksiyalararo devorlarning yo‘nalishini o‘zgartirib burchakli seksiya hosil qilish mumkin. Ko‘pincha bular – bir burchagi qiyshiq assimetrik seksiyalardir. Uy burchagi ikki buriluvchan seksiyalar blokirovkasi yo‘li bilan hosil qilinadi. 92 Bu eng oddiy usul bo‘lib, unda qatorli seksiyaning barcha asosiy elementlari – zinapoyalar, sanitar bo‘g‘inlar, oshxonalar saqlanadi, bu industrial qurilishda muhim ahamiyatga ega. Faqat qiyshiq devor bo‘ylab joylashgan turar-uy xonalari shakli o‘zgaradi. Seksiyaning bu qismidagi tom yopma va to‘siq devorlar individual monolit betonlarni qo‘llagan holda amalga oshiriladi. 4.16-rasm. Burchakli seksiyalar: a – chekka seksiyada qiyshiq burchak bilan; b – seksiyani o‘rta qismida burilish bilan; v – seksiyaning ichki qismida qiyshiq joylashuv bilan; g – “Burchakli” seksiya 90 Sº li burilishda. Burchakli seksiyalarni hosil qilishning ko‘rib chiqilgan usullari – bu katta burchak ostida burilgan qatorli seksiyalar transformatsiyasidir. Kichik burchaklarda xonalarning juda katta qiyshayishi kuzatiladi va bunday usullar qo‘llanilmaydi. 90º burchak ostida burilgan seksiyalar faqat burchakli seksiyalarga oid bo‘lib, mutlaqo 93 boshqacha hajmiy-tarhiy yechimga ega. Bunday burilishda ichki burchakda zinapoya joylashtiriladi. Bunday burilishda ichki burchakda zinapoya joylashtiriladi. Bunda xonadonlarga kirish zinapoya maydonchasidan, yoki ko‘pincha, zinapoya tuguni devoriga birlashuvchi maydonchadan iborat yo‘lakda joylashadi. Bunday seksiyalar odatda uch yoki to‘rt xonadonli bo‘ladi. Uch xonadonli seksiyalar chegaralanmagan oriyentatsiyaga ega – ikkita xona ikki tomonli, biri esa – burchakli. To‘rt xonadonli seksiyalar bir tomonli yorug‘lik frontidan iborat bo‘lgan xonadonlar hisobiga, qisman chegaralangan oriyentatsiyaga (yo‘nalishga) ega. Liftsiz uylarni loyihalash va qurish amaliyotida, ayrim hollarda, murakkab tarhdan iborat bo‘lgan Turar-joylarni yaratishda turli xil yo‘nalishga ega bo‘lgan seksiyalar qo‘llaniladi. Ular orasida krestsimon, uch bargli va ixtiyoriy shakldagi seksiyalar uchraydi (4.17-rasm). Yüklə 5,01 Kb. Dostları ilə paylaş:
|