8.2-rasm. Auditorlik xulosalarining matnlari mazmuni 97 Auditorlik xulosasini tuzishdan voz kechish ayrim maxsus hollarda yuzaga
keladi. Bular: auditor mustaqilligini yo’qotishi, balans tuzilgan sanadan keyingi
sodir bo’lgan jiddiy hodisalar yoki vaziyatning noaniqligi, xo’jalik yurituvchi
sub’ekt tomonidan, yoki ayrim murakkab vaziyatlar tufayli audit o’tkazish
sohasining cheklab qo’yilishi. Auditorning xulosa tuzishdan voz kechishi yozma
ravishda, 700-son XASda ko’rsatilgan shakl bo’yicha rasmiylashtirilib, uning
mazmuni juda ham puxta asoslangan bo’lishi lozim. Auditorlik tekshiruvi
hajmining cheklanganligi - bu xo’jalik yurituvchi sub’ekt vakillari yoki uchinchi
shaxslarning, boshlab qo’yilgan auditorlik tekshiruvini, auditor auditorlik
xulosasini tayyorlash uchun etarli deb hisoblaydigan hajmda o’tkazishga to’sqinlik
qilishga
qaratilgan
ochiqdan-ochiq
ko’rsatadigan hatti-harakatlari, yoki
harakatsizligidir.
Auditorlik xulosasini tuzishdan voz kechish ariza ko’rinishida bo’lib,
«Auditorlik tashkilotining auditorlik xulosasini tuzishdan voz kechish to’g’risidagi
arizasi» deb nomlanadi va quyidagi 8.3-rasmda keltirilgan shaklda bo’ladi.
Agar salbiy xulosa tuzilsa yoki xulosa tuzilmasa, auditor ta’kidlovchi qismda
tekshiruv natijalarini, aniqlangan amaldagi qonunchilik buzilishi faktlarini va
korxona faoliyatidagi boshqa kamchiliklarni batafsil bayon qiladi. Auditorlik
xulosasi kamida uch nusxada tuzilib, uning ikki nusxasi auditorlik tekshiruvi
buyurtmachisi ya’ni korxona rahbariyatiga taqdim qilinadi.
Xo’jalik yurituvchi sub’ektlar auditorlik tekshiruvi yakunlanganidan so’ng 15
97
Muallif tomonidan tayyorlangan
280
kun ichida auditorlik xulosasining bir nusxasini o’zlari joylashgan xududdagi soliq
organiga taqdim qiladilar.
