Xorijiy mamlakatlar iqtisodiyoti

XORIJIY MAMLAKATLAR IQTISODIYOTI
- 244 - 
va oddiy xususiy banklarga qaram emas. Ikkinchidan, viloyat yoki mintaqaviy 
miqyosda tashkil etilgan jamg'arma kassalarining alohida toifasi mavjud. Nihoyat, 
obligatsiyalar chiqarish orqali o'rta va uzoq muddatli mablag'lar to'playdigan hamda 
sanoat, jamoat ishlari, qishloq xo'jaligi uchun o'rta va uzoq muddatli kreditlarni 
yetkazib beruvchi investitsiya institutlari mavjud. 1990 yilgi "Banklar to'g'risida" gi 
qonun banklarning jamoatchilikka egalik qilish darajasini pasaytirdi va tashqi 
kapitalni oshirishga yordam berdi. Italiyada cheksiz miqdordagi chet el sarmoyasini 
jalb qilish uchun sarmoyaviy harakatlar bo'yicha qolgan nazoratlarni ham olib 
tashladilar. 
Mamlakatda o'rta va uzoq muddatli kreditlarni taqdim qiluvchi ko'plab turli 
xil institutlar mavjud. Ushbu maxsus kredit tashkilotlari asosiy maqsad sifatida 
rivojlanish moliyalashtirish xarajatlarini kamaytirish yoki imtiyozli sohalarga yoki 
ustuvor tarmoqlarga (qishloq xo'jaligi yoki tadqiqotlar) yoki kichik va o'rta biznesni 
rag‘batlantirish vazifasini o'z oldiga maqsad qilib qo'ygan. Maxsus kredit 
institutlarining ushbu tarmog'idan tashqari, kredit tizimi ham mavjud bo'lib, unda 
hukumat foiz yukining bir qismini egallaydi. 
Italiyada obligatsiyalar bozori yaxshi rivojlangan. Hukumat tomonidan 
moliyalashtiriladigan moliya muassasalari va foiz stavkalarini subsidiyalashning 
maxsus tuzilmalari natijasida kapital bozori va fond birjalarining o'sishi G'arbiy 
sanoati rivojlangan boshqa mamlakatlarga qaraganda kamroq edi. Italiyada fond 
birjasining rivojlanishi dastlab arkaik struktura va bozorlar qoidalari, aktsiyalarni 
ro'yxatdan o'tkazish bilan bog'liq soliq muammolari bilan to'sqinlik qildi. 1998 yilda 
yangi Birja o‘z faoliyatini boshladi va boshqaruvchi sifatida Borsa Italiana ish 
boshladi.
1980 yillarning boshida Italiyaning Markaziy banki inflyatsiyaning yuqori 
sur'ati bilan kurashish uchun foiz stavkasini 19,0% rekord darajaga ko'targan. 
Mamlakatda pul-kredit siyosatining evolyutsiyasida "muhim bosqich" deb 
qaraladigan ushbu siyosatni o'zgartirishdan keyin inflyatsiya darajasi doimiy 
ravishda pasayib ketdi. 1990 yillarda amalga oshirilgan qat'iy pul-kredit siyosati 
inflyatsiya darajasini yanada pasaytirdi. 1998 yilda ushbu ko'rsatkich 1,8% ga 

---