Azərbaycan Respublikası Səhiyyə Nazirinin 19 sentyabr 2012-ci IL tarixli 70 nömrəli

Həkim-histomorfoloqun  nümunəvi vəzifə

T Ə L İ M A T I

I. Ümumi müddəalar

1. 

Bu vəzifə təlimatı həkim-histomorfoloqun vəzifə öhdəliklərini, hüquq və 

məsuliyyətini müəyyən edir.

2. 

Həkim- histomorfoloqun vəzifəsinə ali tibb təhsili olan, qanunvericiliklə 

müəyyən edilmiş qaydada müvafiq   ixtisas üzrə peşə hazırlığı   keçmiş   şəxs təyin 

edilir. 

Elmi-tədqiqat   institutlarının   klinikalarında,   respublika   mərkəzlərində 

(xəstəxanalarında),   klinik   xəstəxanalarda   ali   tibb   təhsili   olan   və   qanunvericiliklə 

müəyyən   edilmiş   qaydada   “patoloji   anatomiya,məhkəmə   tibbi   ekspertiza   ”   ixtisası 

üzrə peşə hazırlığı   keçmiş, ixtisası üzrə ən azı 3 il əmək stajına malik   şəxs təyin 

edilir. 

3. 

Həkim-histomorfoloq   Azərbaycan   Respublikasının   qüvvədə   olan 

qanunvericiliyinə uyğun olaraq tibb müəssisə rəhbərinin əmri ilə vəzifəyə təyin   və 

vəzifədən azad edilir.

4. 

Həkim-histomorfoloq bilavasitə şöbə müdirinə, onun olmadığı halda isə 

tibb müəssisəsinin rəhbərinə və ya onun müavininə tabe olur.

5. 

Həkim-histomorfoloq aşağıdakıları bilməlidir:

5.1.  Azərbaycan   Respublikasının   Konstitusiyasını,   Azərbaycan 

Respublikasının   səhiyyə   haqqında   qanunvericiliyinin   əsaslarını;   səhiyyə 

müəssisələrinin fəaliyyətini tənzimləyən normativ hüquqi aktları;

5.2.  xəstəxana   və   ambulator-poliklinik   müəssisələrində,   təcili   və 

təxirəsalınmaz hallarda əhaliyə müalicə-profilaktika və dərman  yardımının təşkilinin 

əsaslarını;

5.3.  öz ixtisası üzrə diaqnostikanın müasir metodlarını;

5.4.  patoloji   anatomaiya   və   məhkəmə   tibbi   elspertiza     xidmətinin   təşkili, 

strukturu, ştatları və təchiz edilməsi ilə bağlı məsələləri;

5.5.  öz   ixtisası   üzrə   qüvvədə   olan   normativ   hüquqi   və   təlimat-metodik 

sənədləri;

5.6.  tibbi sənədlərin rəsmiləşdirilməsi qaydasını;

5.7.  tibbi   sığorta   şəraitində   səhiyyə   müəssisəsinin   və   tibb   işçilərinin 

fəaliyyətinin təşkilati-iqtisadi əsaslarını; 

5.8.  həkimlərin   etik   davranış   qaydalarının,   tibbi   etika   və   deontologiyanın 

əsaslarını; 

5.9.

insan bədəninin üzv və sistemlərinin funksional vəziyyətinin klinik və 

laborator diaqnostikasının ümumi prinsip və əsas metodlarını; 

58

---

5.10.  təxirəsalınmaz tibbi yardım göstərilməsi qaydalarını; 

5.11.  sanitar-maarifləndirmənin əsaslarını; 

5.12.  daxili   əmək   intizamı   qaydalarını;   əməyin   mühafizəsi,   təhlükəsizlik 

texnikası, istehsalat sanitariyası və yanğına qarşı mühafizə qayda və normalarını.