Mədədə həzm mədə şirəsinin təsiri altında gedir. Sutkada 2 litr mədə şirəsi ifraz
olu-nur. Əvvəlcə mədə divarının hərəkəti sayəsində qida qarışır və həll olunur.
Zülallar pep-sin fermentinin təsirindən albumoz və peptonlara qədər parçalanır,
ximozin süd zülalları-nı çürüdür və süd yağlarını emulsiya halına salır. Mədə
şirəsində karbohidratları parçalayan fermentlər olmur. Lakin ağız boşluğundan daxil
olan qidanın içində olan tüpürcək fermentinin hesabına sulukarbonların
parçalanması müəyyən müddət, yəni xlorid turşusu ilə qarışana qədər davam edir.
Mədə mühiti turş mühitdir. Ağız boşluğu-nun mühiti zəif qələvidir. Sulukarbonlar
qələvi, zülallar turş mühitdə fermentlərin təsirilə parçalanır. Mədə şirəsinin əmələ
gəlməsi və ifrazı sinir və humoral yolla baş verir.
Mədə şirəsi ifrazının sinir tənzimi. Mədə şirəsi də ağız suyu kimi reflektor
yolla ifraz olunur. Bunu qida borusu boyun nahiyəsində kəsilib xaricə çıxarılmış və
boynun dərisinə tikilmiş it üzərində öyrənmək olar. İti bu cür qidalandırdıqda qida
mədəyə düş-mək əvəzinə boyun nahiyəsindəki kəsikdən xaricə tökülür və belə
qidalanma yalançı qidalanma adlanır. Yalançı qidalandırma təcrübəsi təmiz mədə
şirəsi almağa imkan verir. Bu məhşur təcrübə mədə şirəsi ifrazının reflektor təbiətli
olmasını sübut edir.
Dostları ilə paylaş: 
