1. Pedaqoji ünsiyyət və onun növləri
Yüklə 1,02 Mb. Pdf görüntüsü
|
|
3.Pedaqoji
ünsiyyətin səmərəliliyini artıran vasitələr Danışıqlar, müzakirələr ünsiyyətin səmərəsini artıran vasitələrdəndir.Ünsiyyət təlim
mühitində vacib
məsələlərdəndir və burada fəal təlim strategiyalarından istifadə onun səmərəsini dəfələrlə artırır.
-Şifahi nitq bacarıqları sinifdə danışmaq, sual-cavab, müzakirə və debatlar vasitəsilə inkişaf edir. Şifahi nitqin inkişafı üçün şagirdlərə verilmiş suallara fərdi cavablar yazmaq üçün müəyyən vaxt vermək olar. Həmin zaman çərçivəsində onlar sualların cavabı ətrafında düşünür, fikirlərini yazılı şəkildə ifadə edir. Fəaliyyətin belə təşkili şagirdlərə konstruktiv müzakirələrə qatılmaq, həmçinin fikirlərini qarşı tərəfə ötürmək imkanı yaradır, öyrənənlərdə özünəinamı artırır. tapşırığı cütlərə və ya qrupa da tapşırmaq olar. Bu zaman onlara vaxt verilir.Müzakirə zamanı fikir mübadiləsi və əks-əlaqə biliklərin mənimsənilməsi səviyyəsini yüksəldir. -Yazı bacarıqları qeydlərin aparılması, sinif və ev tapşırıqlarının yerinə yetirilməsi, esselər vasitəsilə inkişafetdirilə bilər. Pedaqoq hər bir fəaliyyətin gedişatında yazı bacarıqlarının keyfiyyətinin yüksəldilməsinidiqqət mərkəzində saxlamalıdır. Boşluqların doldurulması (buraxılan sözlərin əlavə olunması) tapşırığını özündə əks etdirənpaylama materialları, hesabat, qeydlərlə həmin istiqamətdə iş aparmaq olar. -Dinləmə bacarıqları qrup müzakirələri, rollu oyunlar, müəllimin izahatı, mühazirəsi zamanı inkişaf etdirilə bilər. Dərslərdə dinləmə
bacarıqlarının formalaşdırılması öyrənənlərə qrup yoldaşları və müəllimi dinləmək üçün imkanın yaradılması ilə həyata keçirilir. Bu ideyalar şagirdlərin şəxsi qiymətləndirmə işlərində birləşdirilə bilər. Dinləmə bacarıqlarının inkişaf etdirilməsi üçün şagirdlərə mini seminarların aparılmasını, sinif yoldaşlarının təqdim olunan mövzu ilə bağlı suallarının cavablandırılmasını tapşırmaq faydalıdır. Bu mövzunun daha dərindən qavranılmasına zəmin yaradır. Məlumatın Pover Point (Power Point) proqramı vasitəsilə təqdimatı dinləmə ilə yanaşı, İKT bacarıqlarının da möhkəmlənməsinə təkan verir. -Oxu bacarıqları öz təbirincə ifadə edilməsi (parafrazinq), keyslər və mətnin qavranılmasına dair müxtəlif tapşırıqların verilməsi ilə inkişaf oluna bilər. Öyrənənlərə oxu mətninin və həmin mətnə dair tapşırıqların verilməsi mövzunun mənimsənilmə səviyyəsini yüksəltməyə hesablanmışdır. Yuxarıda sadalanan fəaliyyətlərin hər biri ünsiyyətin əsasını təşkil edir, onun inkişafına təkan verir və sinifdə canlı
fəaliyyətə zəmin yaradır. Hətta ən passiv dinləmə fəaliyyətini də
tapşırıqlar vasitəsilə canlandırmaq mümkündür. Şagirdlərin cavabı ünsiyyətin səmərəliliyini artırır, yəni ötürülən məlumatın qəbul olunması, qavranılması haqqında rəy formalaşdırır. Yüklə 1,02 Mb. Dostları ilə paylaş:
|