Lahıc qara halvası. Yenicə cücərdilmiş səməninin suyu
sıxılaraq götürülür. Həmin su qara unla qarışdırılaraq xəmir yo-
ğurulur. Sonra xəmir yağ tökülmüş qazana qoyulur, vam odda
qarışdırılır və üç-dörd saat bişirilir. Bu müddət ərzində qazana
razyana, darçın, hil, istiot, sarıkök kimi ədviyyatlar əlavə edilir.
Sonda şəkər tozu qatıldıqdan sonra rombşəkilli halvalar düzəl-
dilir və üstünə qoz ləpəsi vurulur.
ġəkərçörəyi. Un xəmir halına gələnə qədər ərinmiş yağla
qarışdırılır. Sonra bura şəkər tozu, hil və zəncəfil əlavə olunur.
Fərqli formalara salınmaqla qoğallar düzəldilir və üstünə zəfə-
ran suyu ilə naxış vurulur. Nəhayət, təndirdə bişirilir.
