Dr.Musa’s Library Facebook/Psixologiya Kitabları 143
Rəhbərlik - nisbətən yüksək səviyyəli təşkilatlar tərəfindən rəsmi surətdə təsdiq edilmiş
əsasnamə çərçivəsində rəsmi səlahiyyətin tətbiqi yolu ilə kollektivin idarə olunması prosesidir.
Liderlik - işçilərdən birinin şəxsi nüfuzunun kollektivin bir çox və ya bütün üzvlərinin
davranışına təsiri nəzərdə tutulur. Lider rolunda başqalarına təsir göstərməyi, onları fəaliyyətə
təhrik etməyi bacaran şəxslər çıxış edə bilirlər. Lider özünün işgüzar və şəxsi keyfiyyətləri,
ünsiyyətə girmək qabiliyyəti ilə səciyyələnir. O məhz bu xüsusiyyətlər hesabına insanların
psixikasına təsir göstərə bilir.
Müasir psixoloji ədəbiyyatların təhlili əsasında liderliyin üç funksiyası müəyyən
edilmişdir:
a) Liderin təşkilatçılıq funksiyası;
b) Informasiya funksiyası;
c) Sosializasiya funksiyası.
