Shekiba samadi mening ikkinchi kitobim loyihasi
Sh.Samadi - Afg’oniston fuqarolarini
Yüklə 1,95 Mb. Pdf görüntüsü
|
|
Sh.Samadi - Afg’oniston fuqarolarini
o’qitish ta’lim markazi o’zbek tili va adabiyoti yo’nalishi 203 -guruh talabasi
Muborak ramazon oyining erta tongida turib go’zal maskan - Sangardak tomon yo’l oldik. To’g’risi, shunday joyni tasvirlash uchun gapni qayerdan boshlashni ham bilmayman. Bugun barcha afg’on qizlari, mehridaryo rahbarimiz, ilmga chanqoq ustozlarimiz va qolgan barcha opa-singillarimiz bilan birga tog’lar sari qadam tashladik. Bu sayohatimizni bunchalik yoqimli bo’ladi, deb o’ylamagan edim. Lekin Sangardak sharsharasi qandaydir, hammaning qalbida quvonch, mehr-u muhabbat va haqiqiy go’zallik uyg’otdi. Tabiat qo’ynida nafaqat tog’-toshlarni, balki zilol suvlarni, tarovatli havoni, yam-yashil daraxtlarni, bahor faslida qip-qizil bo’lib ochilgan qizg’aldoqlarni tomosha qildik. Nahotki, mehribon Allohim tabiatni shunchalik go’zal va yoqimli yaratgan bo’lsa! Haqiqatdan ham hamma joy ko’m-ko’k, baland tog’lardan suv oqib kelar va insonlarga jannat hidini eslatardi. Sayohat go’zal bahor faslida juda jozibali va yoqimli bo’larkan, shuning uchun tabiatga boqib to’ymaymiz. Rostini aytsam bugun chindan ham o’zimni xuddi jannatdagidek his qildim. Surxondaryoning shimolida, Sariosyo tumanida joylashgan sharshara bizlarga yangi bir hayot baxsh etdi. O’zim tarixiy joylarda ko’p bo’lganman. Lekin Afg’oniston Islom Respublikasi yaqinida joylashgan Surxondaryoning tarixiy ziyoratgohlarini, balki tog’-toshlarni o’yib sumbul sochlarini yozgan Sangardak sharsharasini ko’rmagan ekanman. Haqiqatdan juda ham sehrli makon edi. Ko’zlarim yorug’likdan ochilib ketdi. Ushbu sharshara tinchlik, ezgulik ovozini qalblarga muhrlab qo’yadi. O’zbekistonda ham xuddi Afg’onistonimizdek go’zal, insonlarning dilini ravshanlashtiradigan maskanlar juda ham ko’p. Sharshara dengiz sathidan 2000 metr balandda, bo’yi 150 metr bo’lgan joyda joylashgan. Aslida bu sharshara haqida eshitgandim, lekin yaqinda borib ko’rganim men uchun o’zqacha bir kun bo’ldi. Rostdan ham ajoyib bir kun! Doim xayolimda shu savol tug’ilar edi, nega bu joyni Sangardak deyishadi? Bu so’z men uchun ajoyib tuyular edi, chunki aslida bu so’z fors tilidagi ,,sang’’- tosh so’zidan olingan bo’lib, ,,tosh o’rtasidagi qishloq’’ degan ma`noni beradi. Aslida ham shunday ekan. Ushbu qishloq ikki tomoni baland tog’lar bilan o’ralgan so’lim maskandir. Ma`lumotlarga qaraganda ushbu sharshara XVI-XVII asrlarda paydo bo’lgan. Balanddagi to’g’lar tepasidan sharqirab oqayotgan suvning ohangi kishiga zavq bag’ishlab, uni allalaganday bo’ladi. Ayniqsa, yuzingizga urilgan suv zarralari, tog’ning salqin shabbodasi hayotga bo’lgan yangicha qarash, yuqori kayfiyatni baxsh etadi. Bugun hammaning ko’zlari porlab, lablari tabassum, qalblari mehr-muhabbatga to’lgan. Hamma joy bir-biridan go’zal va bir-biridan chiroyli. Sariosiyo tumaniga borish uchun ikki yuz kilometrga yaqin yo’lni uch soatdan oshib bossak ham, uni uzoqligni hech sezmadik. Nega deganda Surxondaryoning baland tog’lari-yu, jannatmakon o’rmonlaridan o’tib qanday yetib borganimizni bilmaymiz.
Sayohat qilish nafaqat dunyoqarashni kengaytiradi, balki salomatlikni ham mustahkamlaydi. Sayohat faqat tarixiy joylarni ko’rish emas, uning tarixi bilan ham yaxshilab tanishishdir. Bugun biz nafaqat Sangardak sharsharasini, balki yana bir bor O’zbekiston xalqining qanday xalqparvarligini, mehmon do’stligini anglab oldik.
Xullas, biz juda ham baxtli insonlarmizki, qalbi mehr bulog’i bilan sug’orilgan yurtda bilim olmoqdamiz. Bizning eng birinchi va buyuk baxtimiz dunyoda tengi yo’q, qalbi to’la mehr, ezgulikni bizdan ayamagan mehribon rahbarimizning borligidir. Yana baxtli bo’lganimiz shuki, ikki mamlakat kelajagini porloq qilishga harakat qilib kelayotgan yurtboshlarimizdir.
Ramazon oyida chin dildan afg’on qizlarini yaqindan ko’rib yuzma-yuz suhbatlashgan va qizlarning istak-xohishlarini inobatga olgan O’zbekiston Respublikasi Oliy Majlis senati xotin-qizlar va gendr tenglik masalalari qo’mitasi kotibi bosh maslahatchisi hurmatli Shotursunova Nodira Nosirovna va bugungi sayohat sharoitini yaratib bergan O’zbekiston Respublikasi Oliy Majlis senatining raisasi Narbayeva Tanzila Kamolovnadan benihoya minnatdormiz. Shunday muqaddas oyda, yagona istagim shuki, ularga uzoq umr , ezgu tilaklar va barcha ishlariga omad tilab qolaman. Men yana bir bor alohida ta’kid qilishimga to’g’ri keladiki, qalbi ochiq, labida doim tabassum bo’lgan, yuzi nurga to’la inson va shuncha ishlarga sabab bo’lgan, afg’on talabalarini o’z farzandidek ko’rib mehr bergan hurmatli ustozim Oybek Ro’ziyevga kattakon rahmat aytaman. Allohim ularni sog’-omon asrasin. Shuningdek sehrli sayohatimiz ikki yurtimizda barkamol bo’lsin. Yüklə 1,95 Mb. Dostları ilə paylaş:
|