Ommaviy oferta («tbc bank» atb mobil ilovasidan foydalanish to‘g‘risida) Toshkent sh

Shaxsga doir ma’lumotlar — muayyan bir jismoniy shaxsga tegishli bo‘lgan va uni 
identifikatsiya qilish imkonini beruvchi axborotlar, «TBC Bank» ATB mobil ilovasidan 
foydalanish maqsadida Mijoz tomonidan taqdim etiladi. 
Shaxsga 
doir 
ma’lumotlarga ishlov berish – shaxsga doir ma’lumotlarni to‘plash, 
tizimlashtirish, saqlash, o‘zgartirish, to‘ldirish, qo‘llash, taqdim etish, tarqatish, uzatish, 
egasizlantirish va yo‘q qilishga doir bir yoki bir nechta harakatlarni amalga oshirish.
Uchinchi shaxslar – agar amaldagi qonun hujjatlarida boshqasi ko‘rsatilmagan bo‘lsa, Bank va 
Mijozdan tashqari barcha o‘zga shaxslar. 
2. AKSEPT TARTIBI 
2.1. Ushbu Ofertaning aksepti Mijozni «TBC Bank» ATB mobil ilovasida (bundan buyon matnda 
– Ilova) ro‘yxatdan o‘tkazish yo‘li bilan amalga oshiriladi. Ilovadan iOS, Android platformalari 
orqali va veb
 
www.tbcbank.uz
 
manzili bo‘yicha foydalanish mumkin. 
2.2. Ushbu Shartnomani tuzish bilan Mijoz shaxsga doir ma’lumotlar to‘g‘risidagi qonun 
talablariga muvofiq o‘z shaxsiy ma’lumotlari (shu jumladan, quyidagilarni istisno qilmagan holda: 
to‘lovlarning hisob ma’lumotlari, mobil telefon raqami, bank kartalari raqamlari, FISh, ro‘yxatga 
olish raqamlari, shuningdek, Ilovadagi xizmatlardan foydalanish uchun zarur bo‘ladigan boshqa 
har qanday shaxsiy ma’lumotlar)ga ishlov berilishiga, shuningdek, ushbu shartnomaning 
shartlarini bajarish maqsadida avtomatlashtirish vositalaridan foydalanish yoki bunday 
vositalardan foydalanmagan holda amalga oshiriladigan shaxsga doir ma’lumotlarni yig‘ish, qayd 
qilish, tizimlashtirish, to‘plash, saqlash, aniqlashtirish (yangilash, o‘zgartirish), chiqarib olish, 
qo‘llash, uzatish (tarqatish, taqdim etish, ochish), shaxssizlantirish, bloklash, o‘chirib tashlash, 
yo‘q qilishga doir bir yoki bir nechta harakatlarni amalga oshirishga muddatsiz roziligini beradi. 

---

2 
Ushbu bilan Mijoz uning tomonidan ushbu Shartnomaga muvofiq bankka taqdim etilgan har 
qanday shaxsiy ma’lumotlarni ushbu Shartnomaning shartlarini bajarish maqsadlarida uchinchi 
shaxslarga uzatilishiga rozilik bildiradi. 
2.3.
Bank Mijozga O‘zbekiston Respublikasining amaldagi qonunchiligi talablariga muvofiq 
Mijozning shaxsga doir ma’lumotlarining maxfiyligini ta’minlash bo‘yicha barcha zarur 
choralarni qabul qilishini kafolatlaydi. Mijozning o‘z shaxsiy ma’lumotlarini qayta ishlanishiga 
roziligi muddatsiz hisoblanadi, ayni vaqtda shaxsga doir ma’lumotlarga ishlov berish uchun rozilik 
Mijoz tomonidan ushbu Shartnomaning 7.3-bandiga muvofiq, istalgan vaqtda chaqirib olinishi 
ham mumkin.
2.4. Ushbu Ommaviy ofertani akseptlash orqali, Mijoz: 
2.4.1. shartlar bilan tanishib chiqqani va quyidagilarga o‘z roziligini bildiradi, ya’ni: 
- Arizada ko‘rsatilgan har qanday ahamiyatli o‘zgarishlar haqida Bankni zudlik bilan yozma 
ravishda xabardor qiladi; 
- Login, Parol yoki Tekshiruv kodini kiritish bilan bog‘liq barcha harakatlar hamda tasdiqlovchi 
darchada bajariladigan barcha harakatlar shaxsan Mijoz tomonidan amalga oshiriladi; 
- iste’mol krediti, shuningdek mikrozaym shartnomalarini va h.k.ni tuzish va bajarish 
maqsadlarida Bank Mijozga va/yoki kreditlar obyektiga (zaruriyat bo‘lsa) va/yoki kafil 
bo‘luvchiga taalluqli barcha zarur axborotlarni (kredit hisoboti/kredit tarixi/ma’lumotlari va b.) 
O‘zR Markaziy banki huzuridagi Kredit axboroti davlat reestri va/yoki “O‘zR kreditlar byurosi” 
MChJ, Kredit axboroti tahliliy markazi va boshqa tashkilot hamda banklarga uzatish va/yoki olish 
huquqiga ega; 
- davlat soliq xizmati organlarining Ma’lumotlarga ishlov berish markazidan olingan shaxsiy 
ma’lumotlardan foydalanishga haqli. 
2.5. Ilovadan foydalanishni boshlashdan avval ushbu Ofertaning matni bilan to‘liq tanishib chiqish 
talab etiladi. Oferta shartlariga to‘liq yoki uning biror qismiga qo‘shilmaslik holatlarida Ilovadan 
foydalanishdan o‘zingizni cheklab turish talab etiladi.