Quliyeva elnarə ariF qızı “Biznesdə korporativ idarəetmənin təkmilləşdirilməsi məsələləri”
Yüklə 0,75 Mb. Pdf görüntüsü
|
|
51 2.3. “Kapital Bank” Açıq Səhmdar Cəmiyyətində korporativ idarəetmənin müasir vəziyyəti Kapital Bankın korporativ idarəetmə sistemi beynəlxalq standartlara və Azərbaycan Respublikasının müvafiq qanunvericilik normalarına əsaslanır. Bankda korporativ idarəetmənin başlıca prinsipləri Kapital Bankın Korporativ İdarəetmə Kodeksində öz əksini tapmışdır. Bank dövlət orqanları, səhmdarlar, əməkdaşlar, partnyorlar və müştərilərlə münasibətləri dəstəkləyir. Korporativ idarəetmə Bank menecerləri ilə səhmdarlar arasındakı qarşılıqlı münasibətlərin daha da təkmilləşdirilməsinə xidmət göstərir. Bu da, öz növbəsində, Bankın bütün istiqamətlər üzrə fəaliyyətinin səmərəliliyinin artırılmasını təmin edir. Bankda korporativ idarəetmənin əhəmiyyətli rolunun artırılması ilə yanaşı, korporativ mədəniyyətin və korporativ etikanın inkişafına da xüsusi diqqət yetirilir. Etik normalara sadiqlik və əsas dəyərlərə inam Kapital Bankda korporativ mədəniyyətin formalaşmasına və qorunmasına xidmət göstərir. Kapital Bankda korporativ idarəetmə və korporativ mədəniyyət haqqında daha ətraflı məlumatlar aşağıda göstərilmişdir. “Kapital Bank” Açıq Səhmdar Cəmiyyəti korporativ idarəetmənin səmərəliliyi baxımından Bankın sabit inkişafını,onun maliyyə bazarında uğurlu işini,səhmdarlar və investorların maraqlarının təmin və müdafiə olunmasını,həmçinin cəmiyyət qarşısında məsuliyyətini nəzərə alaraq Korporativ İdarəetmə Məcəlləsini qəbul etmişdir. Korporativ İdarəetmə dedikdə səhmdarların ümumi yığıncağı və Müşahidə Şurası tərəfindən bankın fəaliyyətinə ümumi rəhbərlik başa düşülür ki,bu da onlar ilə Bankın icraedici orqanları,əməkdaşları,kreditorları,əmanətçiləri,müştəriləri, biznes tərəfdaşları,bank nəzarət və hökümət orqanları arasında kompleks münasibətlərin prinsiplərini özündə birləşdirir.Korporativ idarəetmə: -Bankın strateji məqsədlərinin və səmərəli idarəetmə prinsipinin müəyyənləşdirilməsi; 52 -Strateji məqsədlərə çatmaq üçün bankın əməkdaşları və onun idarəetmə orqanlarının bütün lazımi addımların atılmasını təmin edən stimulun yaradılmasını; -Səhmdarlar,Bankın idarəetmə orqanları və digər maraqlı şəxslər arasında maraqların balansının yaradılmasını; -Qüvvədə olan qanun və qaydaların,Bankın Nizamnaməsinin,korporativ etika və daxili sənədlərdən irəli gələn tələblərin yerinə ytirilməsini özündə birləşdirir. Korporativ İdarəetmə məcəlləsinin rolunu və əhəmiyyətini qəbul edərək Bankın bütün idarəetmə orqanları və əməkdaşları,özlərinin səhmdarlar və Bank qarşısında məsuliyyətini dərk edərək fəaliyyətlərində bu məcəlləni əldə rəhbər tuturlar. Korporativ idarəetmə prinsiplərinin həyata keçirilməsi Bankın səmərəli fəaliyyət göstərməsini,onun maliyyə sabitliyini və mənfəətliliyini təmin edir. Bankın korporativ idarəetmə prinsipləri aşağıdakıları özündə birləşdirir: -Səhmdarların və müştərilərin maraqlarının və hüquqlarının təmin olunması prinsipi; -Səmərəli idarəçilik prinsipi; -İdarəetmə və nəzarət orqanları arasında səlahiyyətlərin səmərəli bölüşdürülməsi prinsipi; -Bankın maliyyə-təsərrüfat fəaliyyətinə səmərəli nəzarətin təşkil edilməsi prinsipi; -İnformasiya şəffaflığının təmin edilməsi prinsipi; -Etik norma və qanunlara riayət edilməsi prinsipi; -İşçi heyəti ilə səmərəli işin təşkili və ədalətli mükafatlandırma prinsipi; -Maraqlı tərəflərlə əməkdaşlığın inkişaf etdirilməsi və sosial məsuliyyət prinsipi. Bank ardıcıl olaraq bu prinsipləri işində tətbiq edir,onlardan irəli gələn tələblərə tam cavab vermək üçün bütün struktur bölmələrində işin səmərəliliyinin artırılmasına ciddi fikir verir.Bunun nəticəsi olaraq idarəetmənin səmərəliliyi artmış,bu isə öz növbəsində özünü yaxşı maliyyə nəticələrinin əldə edilməsində göstərmişdir.İşin səmərəliliyinin artırılması,ümumiyyətlə ictimaiyyət tərəfindən bank sisteminə olan inamı artırır.Belə ki,respublika əhəmiyyətli bank olaraq 53 Kapital Bankın səmərəli fəaliyyəti əhali tərəfindən etibarın güclənməsi baxımından bütün bank sistemi üçün əlverişli şərait yaradır. Bankın təşkilati strukturu onun işinin səmərəliliyinin təmin edilməsinin ən vacib şərtlərindən biridir.Bankın ali idarəetmə orqanı səhmdarların ümumi yığıncağıdır.Səhmdarların ümumi yığıncağı bankın bütün fəaliyyətinin əsas prinsiplərini müəyyənləşdirməklə bərabər onun idarəetmə orqanlarını da aşağıdakı formada müəyyənləşdirir: Müşahidə Şurası Audit Komitəsi İdarə Heyəti Komitələr Baş ofisin departamentləri Filiallar və şöbələr Kapital Bankın korporativ etik qaydaları yüksək peşəkarlığın təmin olunmasının əsasını qoyur.Bu etik qaydalarda Bankla səhmdarlar,əməkdaşlar,əmanətçilər, kreditorlar və müştərilərlə münasibətlərin əsas prinsip və davranış qaydaları müəyyənləşdirilmişdir.Bankın korporativ etik qaydalarının əsas məqsədi onun maliyyə nəticələrinin yaxşılaşması,idarəetmənin səmərəliliyinin daha da yüksəldilməsidir. Bank işinin keyfiyytinin və səmərəsinin artırılması istiqamətində yeni,müasir idarəçilik metodlarından bacarıqla istifadə edir.Filiallar arasında korporativ etika gözlənilməklə sağlam rəqabət təşkil olunmuş,işçilərin mütəmadi olaraq peşə hazırlığının artırılmsı üçün kompleks tədbirlər görülmüş və görülməkdədir.Bankın onlarla əməkdaşı hər il həm Bankın özünün təşkil etdiyi treninqlərdə iştirak edir, həm də yerli və beynəlxalq səviyyədə ixtisasartırma kurslarına,müxtəlif konfranslara göndərilir.Bankda maddi mükafatlandırma ilə yanaşı,digər həvəsləndirici metodlardan da istifadə edilir. 54 Korporativ idarəetmə prinsipləri Kapital Bankın növbəti illər üzrə qarşıya qoyduğu məqsəd və vəzifələrdən irəli gəlir.Bu prinsiplərin təmin olunması Bankın öz fəaliyyətində keyfiyyətcə yeni bir mərhələyə qədəm qoymasına yardım göstərir.Yeni,yüksək hədəflərə nail olmaq üçün Bank təşkilati strukturunun daha da optimallaşdırılması üzrə işləri davam etdirəcək,strateji məsələlərin həlli üçün daha uyğun strukturun formalaşdırılmasına nail olacaqdır. ETİK DAVRANIŞ QAYDALARI Bu normalar Bankda işçilərin davranış qaydalarını tənzimləyir. Bankın imicinin - nüfuzunun formalaşmasına xidmət etməklə, işçilər üçün mənəvi, etik və hüquqi dəyərləri müəyyən edir. Etik davranış qaydaları ilk növbədə Bankda işçilərin davranışına nəzarəti təmin edir, onu peşə daxilində bir çox ixtisaslara tətbiq etməyə imkan verir və təsvir edilən normalara əməl edilməsi üçün effektiv vasitələri təklif edir. Mənəvi dəyərlərə -işçinin işdə və işdənkənar davranışı, ictimai fəaliyyəti daxildir. Etik dəyərlərə - Bankın imicinin qorunması, Bankın əmlakına münasibət və s. daxildir. Hüquqi dəyərlərə- qanunvericiliyə münasibət, bankdaxili prosedurlara əməl edilməsi, məxfi və xidməti istifadə üçün məlumatların qorunması və s. daxildir. İşgüzar etiket - İşgüzar- professional (peşəkar) mühitdə davranış və ünsiyyətdir. İşgüzar etiket ətrafdakı insanlara hörmət və nəzakət, xeyirxahlıq və diqqət əsasında qurulur. Bankda hər bir işçi işgüzar münasibətlərdə subordinasiya qaydalarına ciddi əməl etməlidir. MÜŞTƏRİLƏRƏ MÜNASİBƏT Bankda xidməti həyata keçirən hər bir işçi Bankın mənafeyini müdafiə edərək müştəri ilə ünsiyyətdə olarkən aşağıdakılara əməl etməlidir: Peşəkar səviyyədə xidmət Düzgün, ədalətli və qərəzsiz münasibət Öhdəliklərin vaxtında yerinə yetirilməsi 55 Müştərilər haqqında məlumatların məxfiliyinə hörmət Müştərilərə qayğı Məhsul və xidmətlərin keyfiyyətinin daima təkmilləşdirilməsi və münasib qiymətlərin tətbiqi Məhsul və xidmətlərin düzgün və qərəzsiz reklam edilməsi Müştərinin fikirlərinə, hisslərinə və təsəvvürünə anlayışlı yanaşmalı. Onun şəxsiyyətini müsbət qəbul etməli- müştərinin çatışmamazlıqlarından asılı olmayaraq onu şəxsiyyət kimi görməli və ona hörmətlə yanaşmalıdır. Müştəri ilə qarşılıqlı əlaqədə razılaşma əldə etmək-bir-birini anlamağa cəhd göstərmək və qarşılıqlı münasibətlərin əməkdaşlıq formasında inkişaf etdirilməsinə çalışmalı. Tanımadığınız adama diqqətlə baxmayın. Bu nəzakətsizlik və hətta təhqir kimi qiymətləndirilir. RƏQİBLƏRƏ MÜNASİBƏT Rəqiblərə hörmətlə yanaşmalı və qeyri-sağlam rəqabətdən qaçmalı KONFİDENSİALLIQ ŞƏRTLƏRİ Bu Məcəllə Bankın fəaliyyətinin bütün sahələrini əhatə etdiyi üçün əməkdaşlar aşağıdakı məlumatların mütləq konfidensiallığını (məxfiliyini) təmin etməlidir: Bankın şəxsi xarakterli məlumatları Bank sirri ilə bağlı qaydalar Bankın müştəriləri haqqında məlumatlar Bankın personalı haqqında məlumatlar Vəzifə mövqeyinə görə Bankın işçisinə məlum olan və ölkənin milli təhlükəsizliyi ilə bağlı məlumatlar və .s 2013-cü ildə emissiya edilmiş səhmlər haqqında məlumat: Səhmlərin emissiyası haqqında qərarın qəbul edildiyi tarix və onu qəbul edən orqan: 56 Səhmdarların növbəti ümumi yığıncağının qərarı (10 iyun 2013-cü il tarixli 01 №- li protokol). Səhmlərin növü və forması: Adi, adlı sənədli səhmlər. Səhmlərin miqdarı: 3.000.000 (üç milyon) ədəd. Hər bir səhmin nominal dəyəri: 10 (оn) manat. Səhm buraxılışının ümumi məbləği (nominal dəyərlə): 30.000.000 (otuz milyon) manat. Sonuncu emissiyadan sonra: Nizamnamə kapitalı - 80.000.000 manat Cədvəl № 3. Kapital Bank ASC-nin 01 iyul 2013-cü il tarixə əsas maliyyə göstəriciləri mln.manatla Yüklə 0,75 Mb. Dostları ilə paylaş:
|