3
G İ R İ Ş
Mövzunun aktuallığı - Bazar münasibətləri şəraitində ölkə iqtisadiyyatında
korporativ idarəetmənin əhəmiyyəti durmadan artır. Xüsusilə son dövrlərdə inkişaf
etmiş ölkələrdə baş vermiş və bu gün də davam edən qlobal böhran şirkətləri bu
sahəyə diqqəti artırmağa məcbur etmişdir. Əgər investorlar şirkətlərin
rəqabətqabiliyyətliliyini, maliyyə vəziyyətini ciddi nəzarətdə saxlayırdılarsa, hal-
hazırda korporativ idarəetmə indeksi daha aktual məsələyə çevrilmişdir. Məhz,
buna görə də investisiya cəlb etməyə çalışan şirkətlər, ilk növbədə, korporativ
idarəetmə sistemlərini təkmilləşdirməyə çalışır. İqtisadi fəaliyyətin korporativ
forması inkişaf üçün böyük qüvvədir. Buna görə də şirkətlərin fəaliyyət
göstərdikləri tənzimləyici və hüquqi mühit, ümumilikdə iqtisadi nəticələrin əldə
edilməsi üçün əsas əhəmiyyət kəsb edir. Korporativ idarəetmə strukturu
bütövlükdə iqtisadi fəaliyyətə və bazarın hərtərəfli inkişafına təsiri və bazar
iştirakçılarına yaratdığı stimullar şəffaf və səmərəli bazarlann təşkili nəzərə
alınmaqla qurulmalıdır.
Məlumdur ki, iqtisadi idarəetmə ona uyğun gələn mexanizmin hərəkətə
gətirilməsi ilə mümkün olur. İqtisadi idarəetmə vasitələrinə qiymət, istehsal
xərcləri, mənfəət, faiz, əməkhaqqı, vergilər, mənfəətdən ayırmalar, pul və qiymətli
kağızlar aiddir.
İqtisadi idarəetmənin qeyd edilən vasitələrindən səmərəli istifadə etmək üçün
korporativ idarəetmənin düzgün təşkili son dərəcə əhəmiyyətlidir. Belə ki, o,
məhsulun rəqabət qabiliyyətini artırır, kapital bazarlarına çıxışı asanlaşdırır,
beləliklə, maliyyə bazarlarının inkişafına kömək edir və iqtisadi inkişafa təkan
verir.
Dostları ilə paylaş: 
