Aber weh do’ hot s! Vom Haselnußroi’ Derhoim ond Drauße

Fufzig
F
ufzig. Ma schätzt des so he ond denkt sich
oigentlich k aum was bsonders derbei!
Fufzig! wie ka’ oiner fufzig werde!
des goht oin no lang nex a!
Als ma zwanzig gwä, hot ma gmoit: ha, so
alt, des gäbs überhaupt net! So alt . . . seiet blos
alte Leut! ond des sei weiter weg als
Wladiwostock, wamma gwißt hot, was des ist.
ond seine Eltere gegenüber, ha die hent net
zählt! des hot ma so gnomme~n, wie~n ebbe
des ebbe~nist. Die hent überhaupt koi Alter
ghett!
ond wenns emol Krakehl gä hot, ond dr
Vatter hot gsagt: des wurd so ond so gmacht —
no jo! no hot ma’s halt so gmacht! es ist jo ois!
aber besser gwißt hat ma’s natürlich doch!
ond wam~ma seine Kamerade dervo ver-
zählt hot . . . no hots ghoiße: Alte Leut! Se
kennets net anders! loß se schwätze! ons ghört
d’ Welt! . . . ond die mit fufzig! . . . no jo!
Familievätter! . . . ond überhaupt . . . Leut mit
Kender!! . . . Mir wöllet koine! Pfeifedeckel!
fufzig!! alte Kracher, alte!
Ma ist halt so mit zwanzig! ond’s ist ganz
schö! aus kerle, die net so dächtet, wurd
selte viel! ond bei Mädle~n ebeso!

116
Neuauflage 2015 © Atelier Abt-Harrer, Rottenburg a.N
.
e Mädle mit zwanzig moit: oine mit zwoiezwan-
zig komm überhaupt nemme en Frog! ond wann
oine voll dreiezwanzig ond no koin Reng am
Fenger, no häb se’s verpaßt ond könn sich
hoimgeige losse.
Ond wie ma no dreißig gworde~n ist . . . no
jo . . . no ist ma halt dreißig gwä! . . . ma hot
sich drüber weder gfreut no’ au net! ‘s ist ebe so
komme!
ond au Familievatter ist ma gworde~n . . .
aber . . . natürlich net wie älle, sondern e ganz
bsonderer . . . selbstverständlich! . . . ma’ ist
emmer was Bsonders!
ond wam~ma früher glacht hot, wann d
Fraue~n en~ere Gsellschaft von kloine Kender
gschwätzt hent — ha, es ist immerhe e Sach . . .
en der Küche hanget bei oim selber jetzt Windle
zom Trockne~n . . . ond . . . es hot au sein Reiz!
Oiner mit vierzig kommt oim freilich immer
no’ recht viel älter vor . . . ond bei oim mit fufzig
wondert ma sich älleweil no’, was der oigentlich
no’ wöll . . . er könnt afange z Haus bleibe bei
seine Zeitonge~n~ond ons an de Tisch losse!
Langweilige Philister, langweilige!
Ond uf oimol ist ma no selber vierzig . . .
ond d Motte send oim em Hoor . . . aber ma
lacht drüber:

www.flaischlen.de
117
d Welt fangt ebe~n~emmer no’ mit dem
Johr a’, wo ma selber uf d Welt komme~n ist!
ond ma wondert sich, wie’s Leut gibt, die em
Johr 1890 oder 1900 geboren send . . . ond die
sich hent, als ob se was wäret! ond älles besser
wisse wöllet! Himmelsakerment! was noch 1900
uf d Welt komme~n ist . . . zählt überhaupt net
mit ond soll’s Maul halte! Lausbuebe, domme!
Gege Fufziger freilich wurd ma noch ond
noch emmer höflicher ond freundlicher . . . ond
wann von so oim gschwätzt wurd, no sagt ma:
Jo, fufzig ist er! aber er sieht oigentlich no
ganz guet aus! . . . er hot sich ghalte! . . . ond
es ist scho e Sach, fufzig! e jeder wurd’s net!
Ond e Weile druf . . . ist ma selber soweit!
ond hots schwarz uf weiß! ond se kommet ond
gratulieret oim!
ond wamma wo Bsuch macht, om sich
z’bedanke . . . no hört ma s Dienstmädle im
Zimmer sage: ha, e~n älterer Herr sei s!
ond ma kriegt e Wuet ond frogt sei Frau
derhoim: ob ma denn so aussäh wie~n~e~n
älterer Herr! ond die lacht ond moit: ha, so
pressiers no net! Aber wenn se no zur Tür naus
ist, no guckt ma~n en de Spiegel:
Älterer Herr!! . . . weil ma en graue Bart hot
. . . ond weil ma e bessere West ond en bessere

118
Neuauflage 2015 © Atelier Abt-Harrer, Rottenburg a.N
.
Rock a’hot äls früher, oder weil ma manchmal
em Auto fahrt, . . . domme Gä’s, domme! . . .
Älterer Herr! wann ihr bloß wüßtet! mir
nemmets no mit älle uf ond no lang!
ond wann ihr moinet . . . ihr noch 90 ond
1900 seiet d’Welt! . . . moinet’s ruhig! mache~n
aber tend mir se, ond mir fanget überhaupt erst
a’!
So!! ond weil’s älleweil hoißt: i sei
Schuelmeister! no möcht i jetzt wirklich oiner sei!
ond wann is wär: no müeßt jetzt älles, was noch
90 uf d Welt kommen ist, Tinte ond Feder ond
Papier nehme ond fufzig mol des Wort Fufzig
schreibe, damit ihr Respekt krieget . . . dieweil i
aber koiner ben, so sag i drom bloß: älles was
noch 90 uf d Welt komme~n ist, stoht uf und
schreit fufzig mol: onser Jubilar lebe hoch!
* * *

www.flaischlen.de
119
Noni Loni
z’ihrer Tauf
I han s nie recht glaube wölle, em Kloi’kender-
see dronte . . . wanns von do hobe älleweil
ghoiße hot: ma könns neamerds recht mache~n
uf dere Welt . . . i hans nie recht glaube wölle . .
.
aber so alte Sprüchle hents halt doch en
sich! . . .
ma kommt ond moit: ma mach ene Freud,
daß ma endlich do ist! aber Mulle blos Gerste!
statt daß es hoißt: hurra! guck! e Mädle! (stolz)
hoißt s: noi . . . e Mädle (enttäuscht).
Jo jo, jo jo!
mer send kreuzvergnügt bei enander . . .
em Vorseits dronte~n ond senget ond tanzet
ond spielet uf onserer große Wies onter de
Sonneblueme, die do stehet . . .
ond em Vorseits dronte gibt’s net Buebe~n
ond Mädle wie em Diesseits . . . dest nemlich au
blos so e Eirichtong für do hobe! . . . do gibts
blos Seele~le, wie em Jenseits nochher au
wieder blos!
ond wie mr em beste Spiele send, kommt d
Kinderfrau: ma brauch ois! wer mit wöll? aber
schnell! se häb koi Zeit, z warte!

120
Neuauflage 2015 © Atelier Abt-Harrer, Rottenburg a.N
.
ond mer machet Rengelreihe ond wöllet
aus~zähle~n~ond . . . mitte dren, wie~n~i
denk: i dät ganz gern mitgange! kommt se no’
emol: mir seiet ihr z langsam! se könn nemme
warte: allons! ond kriegt grad mi!
wann de net witt, no mueßt! se wartet: es
pressiert! mach! zieh de a! denn do drobe derf
ma net nacketig romlaufe, dest verbotte! ond
holl dir, was de witt! Hose~n oder e Kloidle!
ond i spreng ond nemm . . . was mr grad en
d Händ fallt! ois, zwoi, drei! ond lauf ond lauf
ond lauf om no zrecht z komme! . . .
ond s erst, was i hör, ist: noi! e Mädle! (ent-
täuscht).
ond wie~n i des hör, denk i: ha des  fangt
guet a! ond heb d Arm ond schrei: s isch jo net
wohr! i be~n e Bue! i be jo e Bue! i han blos e
falsches Kloidle verdwischt!
uf oimol aber merk i: daß se mei Sproch gar
net verstandet! . . . ond etzt . . . etzt ist nex meh
z wölle . . . etzt mueß i halt e Mädle sei uf dere
Welt!
Es hot me e Zeitlang gwurmt, net moitwege!
aber no ist mr e Sprüchle eigfalle, von onserem
alte Schuellehrer:
es ist älles blos äußerlich!
ond e~n anders no’ bessers:
So wies goht, isch älleweil am beste!

www.flaischlen.de
121
ond 52 Tag han i drüber nochdenkt: worom se
oigentlich grad en Buebe gwöllt hänn.
Aber jetzt heut Obed . . . i han bisher d Leut
jo blos en der Früh gsehe — jetzt beim erste
Fest, des i mit mach: jetzt sag i net blos: so wies
goht, isch älleweil am beste . . . jetzt sag i: noi, i
möcht gar koi Bue sei! worom au? e Mädle ist
was zeh’mol Bessers.
ond i sieh mir a: was do so rom sitzt: was
wöllet ihr denn, ihr Buebe: was wäret hr denn
ohne Mädle! ond . . . wo wäret hr denn, wann mir
net wäret! mir Mädle!
Mei Mutter ist nemlich au emol so e Mädle
gwä wie~n i, ond ohne des Mädle des mei Mutter
gwä ist, hättet hr au mi net! Was wöllet hr denn?
ond ohne mei Großmutter, hättet hr au mei
Mutter net!
ond ohne meiere Großmutter Mutter, ohne
mei Urgroßmutter, die do hanne sitzt, hättet hr
überhaupt nex! ond wäret hr überhaupt gar net
uf dr Welt! älle mitenander net! also: was wöllet
hr?!
i woiß jo net: ob se domols . . . bei meiner
Urgroßmutter . . . au gsagt hent: noi! blos e
Mädle! aber . . . des Mädle hots gmacht! ond so
en Urgroßmuttermädle will i au emol werde.
ond jetzt standet ihr traurige Buebe~n uf

122
Neuauflage 2015 © Atelier Abt-Harrer, Rottenburg a.N
.
. . . d Mädle könnet sitze bleibe, au wenn se net
wöllet! ois! zwoi! drei! ond nemmet euer Glas en
d Hand ond saget:
des Urgroßmuttermädle do dromme, ohne
des mr älle überhaupt net mitschwätze könntet .
. .
Lebe hoch!
* * *

www.flaischlen.de
123