1-amaliy mashg‘ulot: Jihozlarni ta’mirlash texnologiyalarini о‘rganish
Yüklə 261,28 Kb. Pdf görüntüsü
|
- Bu səhifədəki naviqasiya:
- Qismlarga ajratishga tayyorlash
|
bajarish ketma-ketligi
Har qanday mexanizm, ayniqsa, mexanizmlar sistemasini ta’mir qilishda ishlarini aniq tashkil qilish va yaxshi o‘tkazish uchun harakatlarning muayyan tartibiga rioya etish kerak, Bu tartib asosan quyidagicha: mexanizm buzuqliklarini aniqlash; mexanizmni qismlarga ajratish ketma-ketligini belgilash; mexanizmni yig‘ish birliklari va detallarga ajratish, ularni yuvish; detallarning yeyilish xarakteri va kattaligini, ularning nuqsonlarini aniqlash; detallarni ta’mir qilish; mexanizmlarni yig‘ib, detallarni moslash; yig‘ilgan mexanizmni tekshirish hamda rostlash. Qismlarga ajratishga tayyorlash Jihozning muvaffaqiyat bilan ta’mir qilinishi ko‘p jihatdan uni qismlarga ajratish qanday bajarilganiga bog‘liq. Qismlarga ajratish operatsiyalari berilgan har bir agregat uchun muayyan texnologiya bo‘yicha bajariladigan muhim operatsiyalardir. Jihozni qismlarga ajratishga kirishishdan oldin uning tuzilishi, vazifasi hamda yig‘ish birliklari va detallarining o‘zaro ishlashi bilan tanishib chiqish zarur. Agar buni jihozni tekshirib chiqish yo‘li bilan amalga oshirish qiyin bo‘lsa, mazkur jihozga oid yo‘riqnoma va chizmalar bilan tanishib chiqish va shundan keyingina uni qismlarga ajratishga kirishish lozim. U yoki bu yig‘ish birligini qismlarga ajratishdan oldin ham uning ichki tuzilish mi hamda ayrim detallarini mahkamlash usullarini yaxshilab o'rganish, qismlarga ajratish tartibi va usullarini belgilab olish darkor. Jihozning murakkab va muhim mexanizmlarini qismlarga ajratish oldidan, shuningdek qismlarga ajratish jarayonida ulaming sxemalarini chizish hamda rasmlarini solish tavsiya etiladi. Bu ayniqsa shunday qurilmalar bilan endigina tanisha boshlagan ta’mirchilar uchun qo‘l keladi. Qismlarga ajratishda ishda qatnashmaydigan torets sirtlariga raqamli belgilar qo‘yib borish kerak. Bu belgilar detallarni yig‘ishga tayyorlashni va yig‘ishni osonlashtiradi. Mahkamlash detallarini qismlarga ajratayotganda ayrim detallar mahkamlangan joylari bo‘shatilgandan keyin turg‘unmas muvozanatlik holatiga o‘tib, tushib ketishi mumkinligini, bu esa atrofdagilar uchun xavfli ekanligini va avariyaga olib kelishi mumkinligini yoddan chiqarmaslik zarur. Buni esda tutib, yo‘l qo‘ymaslik choralarini ko‘rish lozim. Masalan, og‘ir kronshteynni olayotganda mahkamlangan joylarini bir oz bo‘shatish, kronshteyn tagiga ishonchli tagliklar qo‘yish darkor. Bunda avval qo‘lni olib boorish qiyin bo‘lgan joylardagi vintlar burab chiqariladi va kontrol shpilkalar chiqarib olinadi. Umuman, detalning mahkamlangan joylarini bo‘shatishda uning og‘irlik markazi qayerda joylashganligini va u yoki bu mahkamlash detali bo‘shatilganda detal qanday yo‘nalishda siljishini hisobga olish kerak. Yirik va juda og‘ir jilioz hamda mexanizmlarni qismlarga ajratishga, odatda, sex mexanigi, noyob jihozlarni qismlarga ajratishga esa korxonaning bosh mexanigi rahbarlik qiladi. Yüklə 261,28 Kb. Dostları ilə paylaş:
|