Tog usuli. Guidebook. Kirish
Yüklə 1,61 Mb. Pdf görüntüsü
|
|
Kartochkalar metodi
So’zlarni eslab qolishning eng samarali usullaridan biri – bu flesh kartochkalardan foydalanish. Dunyoga mashhur Jon Hopkins tibbiyot institutida ham talabalarga dorilar va terminlar nomlarini flesh kartochkalar orqali yodlatishar ekan. Siz ham bir necha bor lug’at daftar tutib, 1-2 betiga yangi so’zlar yozib, keyin so’z yodlashni tashlab qo’ygan bo’lsangiz kerak. Chunki daftarga hamma yodlanishi kerak bo’lgan so’zlar birdaniga yoziladi. Bu miyamizga ko’pdek tuyuladi va dangasalik keltirib chiqaradi. “Ko’z qo’rqoq, qo’l botir” deganlaridek, qilinishi kerak bo’lgan ishlarni hammasini bir vaqtda ko’rish, dangasalikka va zerikishga olib keladi. Undan ko’ra, flesh kartochkalarga yozib yodlash ancha qulayroq va qiziqarliroq. Chunki bunda butun hajm birdaniga emas, bitta-bitta “hazm qilinadi”. Undan tashqari, so’zlarni qo’l bilan ushlash va ularni xohlagancha qismlarga ajratish mumkin. Qog’ozlar o’rniga “Anki” ilovasini ishlatishingiz ham mumkin. Lekin baribir, qo’l bilan ushlab yodlashning o’rnini bosa olmaydi. Xullas, flesh kartalar orqali so’zlarni yodlash eng qiziqarli va samarali usul hisoblanadi. Quyida flesh kartalardan qanday foydalanishni ko’rib chiqamiz. Buning uchun bizga 3ta quticha va flesh kartochkalar kerak bo’ladi. Birinchi qutini “Yodlash kerak” deb nomlaymiz va unga yodlanishi kerak bo’lgan so’zlarni solamiz. Ikkinchi qutini esa, “Yodlangan” deb nomlab, unga yodlagan so’zlarimizni solib qo’yamiz. Uchinchi quti esa, “Muammoli so’zlar” qutisi bo’lib, u qutiga esda qolishi qiyin bo’layotgan, obraz topa olmagan yoki har safar esdan chiqib qoladigan so’zlarni solamiz va ular bilan alohida ishlaymiz. Avvalambor, nechta so’z yodlamoqchi bo’lsangiz, ana shuncha flesh kartalarni qirqib, tayyorlab olasiz. Keyin, old tomoniga yodlamoqchi bo’lgan so’z (masalan, table (teybl)) va uning talaffuzi yoziladi. Orqasiga esa o’zbekcha tarjimasi yoziladi. Shu tarzda hamma so’zlarni yozib chiqqaningizdan so’ng, “Yodlash kerak” qutisiga solinadi. Boshlanishiga har kuni 20 tadan so’z yodlash tavsiya qilinadi. Chunki birdaniga ko’p so’z yodlash, bezish, tashlab qo’yish yoki dangalikka olib kelishi shaxsiy tajribada ham ko’plab o’quvchilarda ham kuzatilgan. Har kuni ertalab 20 ta yodlanadi va kechasi yotishdan avval bir marotaba takrorlab qo’yiladi. Ertasi kuni yana 20 ta va hokazo shunday qilib, 100 ta bo’lganda, ya’ni 5 kundan so’ng, “checking day”, ya’ni takrorlash kuni bo’ladi. Bu kuni siz 5 kun davomida yodlagan 100 ta so’zingizni hammasini takrorlab olasiz. Bir oy mana shu tartibda ishlanadi. Ikkinchi oydan so’zlarni 20 dan 40 tagacha oshirsangiz bo’ladi. Bunda ham o’sha algoritm ishlaydi, ya’ni har 5 kunda “checking day” qilinadi. Har 1000, 2000, 3000 ta bo’lganda yana hamma so’zlarni bir boshidan takrorlab chiqiladi. Yüklə 1,61 Mb. Dostları ilə paylaş:
|