O‘quv yili uchun Oʻzbekistоn respublikаsi хаlq tа’limi vаzirligi respublikа tа’lim mаrkаzi
Yüklə 259,23 Kb. Pdf görüntüsü
|
|
2021-2022-o‘quv yili uchun ADABIYOT 11-SINF O‘zbekistonning mustaqil taraqqiyot yo‘li, xalq xo‘jaligining turli sohalarida erishilgan yutuqlar, o‘quvchilarda ona Vatanga muhabbat va yurtga sadoqat hissini o‘stirish, yurtboshimiz tomonidan milliy an'analarimiz va qadriyatlarimizning tiklanishi, mamlakatimiz aholisining ijtimoiy turmush tarzini yaxshilash borasida olib borilayotgan islohotlar mohiyatini anglash, shu orqali o‘quvchilarni ijtimoiy, siyosiy, ma’naviy, huquqiy bilimlarni puxta egallashga yo‘naltirish, ularda milliy g‘ururni shakllantirish, mamlakatimizda har tomonlama sog‘lom va barkamol avlodni voyaga yetkazish, yoshlarimizni milliy va umuminsoniy qadriyatlar ruhida tarbiyalash masalasi davlat siyosatining eng ustuvor vazifalaridan biridir. Respublika umumiy o‘rta ta'lim muassasalarida tahsil olayotgan 11-sinf o‘quvchilari o‘rtasida Davlat bitiruv(yakuniy) imtihonlari o‘tkazilishi munosabati bilan joriy yildan boshlab imtihon olish uchun insho mavzulari tavsiya etilmoqda. Imtihonda insho tanlanishidan maqsad o‘quvchilarda mantiqiy-kreativ mushohada yuritish ko‘nikmalarini shakllantirish, mustaqil va ijodiy fikrlashga o‘rgatish, imlo va uslubiy savodxonlikni tarkib toptirish, og‘zaki va yozma nutq malakalarini rivojlantirishdan iborat. Insho mavzulari kiritilishining yana bir ahamiyatli tomoni shundaki, ona tili va adabiyot fanlaridan olgan bilimlari hamda savodxonligi mustahkamlanadi, ijodkorlik, so‘z boyligidan foydalana olish malakasi oshadi, o‘z qarashlarini mantiqiy, tizimli ifodalash tajribasiga ega bo‘ladi va shu yo‘nalishda fikrini yetkazib berishni o‘rganadi. 11-sinflar uchun insho uch variantda tuzilgan bo‘lib, har bir variantda uchtadan insho mavzulari bor. Shunga ko‘ra, variantdagi mavzularning ikkitasi adabiyot fanidan imtihon materiallari Davlat ta‘lim standarti va o‘quv dasturida belgilangan mavzular asosida, bittasi esa erkin mavzuda tayyorlandi. Inshoni yozib, o‘quvchi tomonidan o‘qilib, xatolar ustida ishlash, qo‘shimchalar qo‘shishini inobatga olib, 3 akademik soat vaqt belgilanadi. |