Pedagogika tariyxı pán sıpatında. Eń áyyemgi dáwirlerden b e. VII ásirge shekemgi tálim-tárbiya hám pedagogikalıq pikirler. VII ásirden XIV ásirdiń birinshi yarımına shekem Orta Aziyada tárbiya, mektep hám pedagogikalıq pikirler

Kadrlar tayarlawdıń milliy modeli. Kadrlar tayarlawdıń milliy baǵdarlaması negizinde jáhánde uqsası joq qánigeler tayarlawdıń milliy modeli jaratıldı. Milliy modeldiń tiykarǵı bólimleri mınalardan ibarat;

1. Shaxs. Qánigeler tayarlaw sistemasınıń bas sub’ekti hám ob’ekti, bilimlendiriw tarawındaǵı xızmetlerdi paydalanıwshı hám turmısqa asırıwshı shaxs esaplanadı. Shaxs óziniń Ózbekistan Respublikası Konstituciyası menen belgilengen bilim alıw huqıqına baylanıslı óziniń aqıl-oyın rawajlandırıwǵa, dóretiwshilik uqıbın jetilistiriwge, qayta tayarlıqtan ótiwge, ózligin hár tárepleme júzege shıǵarıwǵa múmkinshilik aladı. Bul kórinisler - shaxstıń qánigeler tayarlaw sistemasınıń bas sub’ekti hám ob’ekti ekenligin kórsetedi. Shaxs usınıń menen qatar belgili bilimdi alǵannan, kásipti iyelegennen keyin óndiriste, ilim-pán, mádeniyat hám basqa tarawlarda xızmet isleydi, óziniń bilimin, tájiriybesin jaslarǵa úyretiwge belsene qatnasadı. Bul shaxstıń tálim-tárbiya, óndiris, ilim-pán hám mádeniyat tarawlarındaǵı xızmetlerdiń sub’ekti ekenliginen dárek beredi.