Pedagogika tariyxı pán sıpatında. Eń áyyemgi dáwirlerden b e. VII ásirge shekemgi tálim-tárbiya hám pedagogikalıq pikirler. VII ásirden XIV ásirdiń birinshi yarımına shekem Orta Aziyada tárbiya, mektep hám pedagogikalıq pikirler

3. Úzliksiz bilimlendiriw. Úzliksiz bilimlendiriw uqıplı kadrlar tayarlaw sistemasın hám onıń xızmet kórsetiw ortalıǵın óz ishine aladı. Úzliksiz bilimlendiriw Respublikamızdıń sociallıq-ekonomikalıq, ilimiy-texnikalıq hám mádeniy talapların qanaatlandırıwshı taraw. Ol dóretiwshi, sociallıq jedelli, ruwxıy bay jeke adamnıń qáliplesiwine hám básekige uqıplı joqarı maǵlıwmatlı qánigeler tayarlaw ushın shárt-sharayatlar jaratadı.

Úzliksiz bilimlendiriwdi shólkemlestiriw hám rawajlandırıw tómende kórsetilgen bir qatar principlerge tiykarlanadı;

- bilimlendiriwdiń artıqmashlıǵı, onıń birinshi dárejeli áhmiyeti, abıroyı;

- bilimlendiriwdiń demokratiyalasıwı, insanparwarlıǵı;

- bilimlendiriwdiń sociallasıwı;

- bilimlendiriwdiń milliy baǵdarlanǵanlıǵı;

- oqıw menen tárbiyanıń bekkem baylanıslılıǵı, bul processtiń hár tárepleme rawajlanǵan jetik insandı qáliplestiriwge qaratılǵanlıǵı;

- uqıplı, zeyinli jaslardı anıqlaw hám olarǵa bilimlendiriwdiń eń joqarı dárejesinde, izbe-izlikte irgeli, arnawlı bilim beriw ushın jaǵdaylar jaratıw.