Úzliksiz bilimlendiriw tómendegi tálim túrlerin óz ishine aladı; mektepke shekemgi tálim; ulıwma orta bilim beriw; orta arnawlı, kásip-óner bilimlendiriwi; joqarı bilimlendiriw; joqarı oqıw ornınan keyingi bilimlendiriw; kadrlardıń qánigeligin jetilistiriw hám olardı qayta tayarlaw; mektepten tısqarı bilimlendiriw.
4. Ilim joqarı maǵlıwmatlı maman qánigeler tayarlaydı hám olardan paydalanadı, jańa pedagogikalıq, xabar, baylanıs texnologiyaların jaratadı. Tábiyat hám jámiyet haqqında jańa irgeli hám ámeliy bilimlerdi toplaydı, xalıq aralıq kólemde qánigeler awmasıwdı turmısqa asıradı, ilim-izertlew jumısların júrgizedi. Innovaciyalıq (jańalıq) joybarlardı qáliplestiredi hám turmısqa asıradı, jaslardıń dóretiwshiligin hár tárepleme qollap quwatlaydı. Mámleket ilim-pánniń texnika hám texnologiyalardıń abıroyın kóteredi, onıń dúńya ilim-páni menen integraciyasın jedellestiredi, ilim-pán, texnika hám texnologiya tarawında hár túrli kórgizbeler uyımlastıradı.
Kadrlar tayarlawdıń milliy modeliniń sostav bólimlerinen biri bolǵan ilim; bilimlendiriw mazmunın túp-tiykarınan jańalawda; tálim stantartları, tálim baǵdarlamaları, sabaqlıqlar hám oqıw qollanbalar tayarlawda, bilimlendiriwdi ilimiy-metodikalıq jaqtan támiyinlewdi ámelge asırıwda tikkeley qatnasadı.
Dostları ilə paylaş: |
