Avtokratlik – hokimlik, kishining buyruqbozlik, ko’rsatmalar berish va jazolash kabi shakllarda boshqalarga (masalan, o’qituvchining talabaga) nodemokratik usullardan foydalangan holda ta’sir etishga moyilligi.
Agressivlik – dushmanlik, boshqalarga, atrofdagilarga zarar etkazish, tajovuz qilish, noqulaylik tug’dirish maqsadini amalga oshiruvchi shaxsning xususiyati.
Dolzarblashtirish – shaxsdagi mavjud bilim, malaka va ko’nikmalarni turli axloqiy shakllar va hisssiy holatlarni qayta ishlab chiqish va ularni botiniy holatdan zohiriy harakatlarga aylantirish.
Aksiologiya – qadriyatlar to’g’risidagi falsafiy ta’limot, aksiologik qadriyatlar mohiyati.
Aksiologik yondashuv – insonparvarlik pedagogikasiga xos bo’lgan xususiyat, bunda inson ijtimoiy qadriyat va jamiyat rivojlanishining provard maqsadi sifatida qaraladi. Aksiologik tafakkur o’zaro aloqadagi ham o’zaro harakatdagi dunyo kontseptsiyasiga asoslanadi.
Amaliy tadqiqotlar – pedagogik jarayonning ayrim jihatlarini chuqur o’rganishga qaratilgan ishlar, pedagogik amaliyot qonunlarini ochish.
Anketalashtirish – anketa yordamida ijtimoiy, iqtisodiy, demografik, psixologik pedagogik va boshqa tadqiqotlar uchun dastlabki materiallarni yig’ish jarayoni.
Antropologiya – odamning biologik tabiatini har tomonlama o’rganuvchi fan.
Assimilyatsiya – yangi sharoitda tayyor malaka va ko’nikmalardan jiddiy o’zgarishsiz foydalanish
Autotrening – o’zini-o’zi ishontirish, shaxsning o’zini-o’zi boshqarishga qaratilgan maxsus mashqlar to’plami. Autotreningdan shaxsning o’z ruhiy holati va xulqini boshqarishda foydalaniladi.
Axborotli malaka – ta’lim va tarbiya masalalariga axborotlarni moslashtirish va talqin qilish malakasi.
Axloq – shaxsning jamiyatga va boshqa kishilarga nisbatan burchini belgilab beruvchi me’yorlar tizimi, ma’naviy xulq qoidalari, u ijtimoiy ong shakllaridan biridir.
