Pifagor teoremasining isboti

Pifagor teoremasi isboti
Katetlari a, b va gipotenuzasi c ga teng bo'lgan to'g'ri butchakli uchburchak berilgan. Bu uchburchak uchun Pifagor teoremasi o'rinli ekanini isbot qilamiz, ya'ni
a² + b² = c²
ekanini ko'rsatamiz.
Buning uchun tomoni berilgan to'g'ri burchakli uchburchak katetlari yig'indisi (a + b) ga teng bo'lgan ikkita kvadrat yasaymiz. Kvadratlarni 120- rasmda ko'rsatilgan usul bilan to'g'ri burchakli uchburchaklar va kvadratlarga ajratib chiqamiz. Chizmalardan birinchisida hosil bo'lgan

to'rtburchak kvadrat ekanini ko'rsatamiz. Haqiqatan ham, avvalo bu to'rtburchak romb, chunki uning tomoni katetlari a va b bo'lgan to'g'ri burchakli uchburchakning gipotenuzasi c ga teng. Chizmadagi x bur-chakning kattaligini topish uchun x+ 1 + 3 = =180°, 3 = 2 va l=90°- 2 ekanini e'tiborga olib, topamiz: x = 90°. Ma'lumki, to'g'ri burchakli romb — kvadratdir.
Qaralayotgan ikkala kvadrat tengdosh. Shuningdek, birinchi kvadrat yuzi 4S_Δ + c² ga teng, ikkinchi kvadratning yuzi 4S_Δ + a² + b² ga teng. Shuning uchun

Demak,
c² = a²+ b².
Teorema isbotlandi.
Rivoyat. Rivoyat qilishlaricha Pifagor yashagan davrda olimlarning kashfiyoti bitta xo'kiz so'yib nishonlanar ekan. Ammo Pifagor o'z teoremasi isbotini keltirganda bu kashfiyotni 40 bosh xo'kiz so'yib nishonlashgan ekan.
Bu rivoyat Pifagor teoremasining fan uchun ahamiyati qanchalik muhim ekanini ko'rsatadi.
261. 1) Pifagor teoremasining ifodasini bilasizmi? Uni isbotlang.
2) Nima uchun isbotlashda foydalanilgan ikkita kvadrat tengdosh?
Teng yonli uchburchakning tomonlari ma'lum bo'lsa, uning yuzi qanday hisoblanadi? Tomonlari 6; 5 va 5 bo'lgan uchburchak­ning yuzini toping. Yon tomoniga o'tkazilgan balandlik qanday hisoblanadi?