Pul hám bankler oqıw qollanba

Tólew júklemesi menen esaplasıwlar - bul, eń keń tarqalǵan naq pulsız esaplasıw forması. Tólew júklemesi - kárxana óziniń bankine anıqlanǵan summanı óziniń schotınan ótkeriwi.

Jetkerip beriwshi	1	Qarıydar
4		2
Jetkerip beriwshi banki	3	Qarıydardıń banki
Tólew júklemesi menen esaplasıwlar

Esaplasıwdıń bul forması bazar ekonomikasında keń orındı iyelegen. Tólew júklemesi menen esaplasıwda keń qollanılıp, jetkerip beriwshiler menen aldınnan tólew waqtında, napaqa hám qamsızlandırıw fondlarına, salıqlar, banklerge procentlar tólewde, is haqını ótkeriwde qollanıladı. Tólew júklemesi 3 kún aralıǵında háreket etip jazılǵan kún kirmeydi. Tólew júklemesi eger esapbetinde qarjı bar bolsa ǵana qabıllanadı.
Rejeli tólewler tártibindegi esaplasıwlar.
Jetkerip beriwshi menen qarıydar arasında bir muǵdardaǵı hám úzliksiz támiyinlewde qollanıladı hám shártnamaǵa tiykarlanadı. Jetkerip beriwshi shártnama boyınsha ónimdi qarıydarǵa belgilengen kólemde hám anıq múddette belgilengen grafikte jiberiwge minnetleme aladı.
Qarıydar múddetli shártnama boyınsha rejeli tólewdi ótkeriwge minnetli. Esaplasıwdıń bul túrinde shártnama nusqasın eki tárep te óz banklerine jiberedi. Shártnamada esaplasıw dáwiriniń waqtı, tólewler múddeti schotlar nomerleri hám raschotlar, juwmaqlaw tártibi kórsetiledi. Esaplasıwdıń bul túrin tólew júklemesiniń bir túri dep qaraladı. Bunda kóp jetiskenlikler bar. Bıraq, bazar qatnasıǵında esaplasıwdıń bul túri bárqulla múmkin bola bermeydi.