Qadamda o’rganing mundarija

Eslatma:
Muqova xati haqida qo’llanma davomida batafsil 
to’xtalamiz� Havotir olmang�
HAVOLALAR SARSON BO’LMASIN
Sertifikatlar, Upwork sahifasi, LinkedIn, portfolio va 
boshqa zaruriy havolalarni rezyumega biriktirganda 
ular to’g’ri ishlayotganini qayta-qayta tekshiring� 
Ba’zan havolalar noto’g’ri olinishi yoki joylanishi 
sababli ular ishlamaydi� Siz haqingizda bilishni 
istagan HR xodimi havolani bosib, “boshi berk 
ko’cha”ga o’tib qolganida hafsalasi qanday pir 
bo’lishini tasavvur qilib ko’ring-a�
Shunday ekan, tekshirib ko’rishga erinmang!

---

35
Rezyume qanday yoziladi?
QOLIP GAPLAR QOPQONIGA TUSHIB 
QOLMANG
Odatda, nomzodlar internetdagi rezyume 
namunalaridan “uxlatilgan” qolip gaplardan 
foydalanishni yaxshi ko’rishadi� “Moslashuvchan 
xarakter”, “jamoada ishlash layoqati”, “kirishimli 
fe’l atvor” va hokazo xususiyatlarni hujjatda 
ko’rsatishingiz shart emas� Ish beruvchilar 
internetdagi ochiq manbalarda qanday namunaviy 
rezyume fayllar borligini yaxshi bilishadi� Ulardagi 
qolip gaplarni “ctrl+c” qilib, o’z hujjatingizga 
yopishtirib olishingiz ish beruvchida ijobiy tasavvurni 
uyg’otmaydi, aksincha, ensasini qotiradi�
Bundan tashqari, sizning shaxs sifatidagi 
xususiyatlaringiz qog’ozda emas, balki jonli suhbatda 
ayon bo’ladi� Shunday ekan, befoyda ishga ortiqcha 
vaqt sarflab o’tirmang�

---

36
Rezyume qanday yoziladi?
HTML NI 92% BILASIZMI?
Zamonaviy kasb egalari, ayniqsa, dasturchilarda 
ko’nikmalarni bilish darajasini foizlarda ko’rsatish 
holati ko’p uchraydi� Va aynan shu ish beruvchilar 
ko’raverib zada bo’lib ketgan holat hisoblanadi� 
Siz qaysidir layoqatni 55, 64 yoki 90 foiz darajada 
bilishingizni asosli ko’rinishda hech qanaqasiga 
hisoblay olmaysiz� Bu faqatgina amaliy ish jarayonida 
ma’lum bo’ladi� Layoqatingiz darajasi rezyumedagi 
foizlarda emas, portfoliodagi ishlaringiz, avvalgi 
ish beruvchilarning tavsiyanomalari va sinov 
topshirig’idagi natijalaringizda ko’rinishi lozim�