İqtisadiyyatın tənzimlənməsi funksiyası. Maliyyənin tənzimləyici funksiyası xüsusi maliyyə münasibətlərinin bütün səviyyələrində, sferaları və həlqələrində təzahür edir. Özünütənzimləmə yalnız bazar iqtisadiyyatının fəaliyyət göstərdiyi şəraitdə mümkündür ki, bu zaman da maliyyə resursları sərbəst və daha tez yenidən bölüşdürmək mümkün olur. Dövlətin iqtisadiyyata qarışması prosesinin zəruriliyi cəmiyyətin inkişafında, onun müxtəlif tələbatının o cümlədən iqtisadiyyatda iri struktur dəyişikliklərinin təmin edilməsi, üstün istiqamətlərə yardım edilməsi, istehsal və sosial obyektlərin genişləndirilməsi və təkmilləşdirilməsi, dövlət əhəmiyyətli strateji obyektlərin dəstəklənməsi zəruriyyətindən irəli gəlir.
