Sənədə üfüqi, şaquli və maili istiqamətləndirici xətləri əlavə etmək üçün bu bölmədən istifadə edilir. Onlar müxtəlif obyektlərin tənzimlənməsi üçün nəzərdə tutulan köməkçi xətlər olduqlarından çap zamanı görünmürlər.
Grid (Сетка)
Sənəddə obyektlərin “bərkidildiyi” torun parametrlərini tənzimləmək mümkündür. Susma halına görə həmin tor görünməz olur, Show Grid (Показыватъ сетку) aktiv olduqda isə tor xətlərini görünən etmək olar (şək. 10.17.1.).
Burada sənədin sol və yuxarı hissələrində yerləşən xətkeşin parametrlərini tənzimləmək olur. Bu zaman əsas parametr kimi xətkeşin ölçü vahidi nəzərdə tutulur. Ölçü kimi millimetr, piksel, dyum və digərləri qəbul edilə bilər. Həmçinin üfüqi və şaquli xətkeşlər üçün müxtəlif ölçü vahidləri seçmək mümkündür.
