R. D. Dusmuratov, A. S. Boltayev moliyaviy tahlil
-jadval Moliyaviy barqarorlikni ifodalovchi asosiy vositalar bilan bog‘liq
Yüklə 5,36 Mb. Pdf görüntüsü
|
|
6.9-jadval
Moliyaviy barqarorlikni ifodalovchi asosiy vositalar bilan bog‘liq ko‘rsatkichlar va ularni aniqlash tartibi Asosiy vositalar bilan bog‘liq ko‘rsatkichlar Asosiy vositalar jami mulkdagi hissasi (Kavh) O‘z mablag‘ining kapitallashganlik koeffitsiyenti (Ko‘mk) Asosiy vositalar jamg‘arilishi intensivligi koeffitsiyenti (Kin) Asosiy vositalar jamg‘arilishi umumiy koeffitsiyenti (Kavju) Kavh = Av / B bunda: Av - asosiy vositalar Ko‘mk=(Av-Umkq)/O‘m bunda: Umkq-uzoq mudatli kapital quyilmalar Kin=Avje / Av bunda: Avje-asosiy vositaning joriy yilagi eskirish summasi Kavju=Ave/Av bunda: Ave - asosiy vositalar eskirishi Korxonalar moliyaviy barqarorligini ifodalovchi asosiy vositalar bilan bog‘liq ko‘rsatkichlardan biri ularning butun mulkdagi hissasidir (Kavh). Ushbu 143 ko‘rsatkichni hisoblash uchun asosiy vositalar summasini (Av) aktivlar jami summasiga (B) bo‘lish lozim. Ushbu ko‘rsatkich korxonaning aktivida asosiy vositalarning ulushi qancha ekanligini ifodalaydi. Moliyaviy barqarorlikni ifodalovchi asosiy vositalar bilan bog‘liq ko‘rsatkichlardan yana biri bu o‘z mablag‘lar manbaining kapitallashganlik koeffitsiyentidir. Bu ko‘rsatkichni (Ko‘mk) aniqlash uchun asosiy vositalar (Av) summasidan uzoq muddatli kapital qo‘yilmalarni (Umkq) ayirib, natijani o‘z mablag‘lari summasiga (O‘m) bo‘lish kerak. Mazkur ko‘rsatkich o‘z mablag‘lari manbaining qancha qismi asosiy vositaga sarf qilinganligi yoki asosiy vositalarning qancha qismi o‘z mablag‘lari evaziga shakllanganligini ko‘rsatib beradi. Keyingi ko‘rsatkich bu asosiy vositalar jamg‘arilishining intensivligi (Kin) ko‘rsatkichi bo‘lib, uni aniqlash uchun asosiy vositalarning joriy yildagi eskirish summasini (Avje) asosiy vositalarning umumiy summasiga (Av) bo‘lish lozim. Bu ko‘rsatkich umumiy asosiy vositalarning qancha qismi bir joriy yilda jamg‘arilganligini ko‘rsatadi. Mazkur guruhga kiruvchi yana bir muhim ko‘rsatkich asosiy vositalar jamg‘arilishining umumiy koeffitsiyentidir (Kavju). Ushbu ko‘rsatkich asosiy vositalarning jamg‘arilgan eskirish summasini (Ave) umumiy asosiy vositalar qiymatiga bo‘lish orqali aniqlanadi. Bu ko‘rsatkichning miqdori asosiy vositalar umumiy qiymatining qancha qismi jamg‘arilganligini ifodalaydi. Moliyaviy barqarorlikni ifodalovchi asosiy vositalar bilan bog‘liq mazkur ko‘rsatkichlarni “Sharq” fermer xo‘jaligining moliyaviy hisobot ma’lumotlari asosida tahlil qilib o‘rganganimizda qo‘yidagi natijalarga ega bo‘lindi (6.10-jadval). |