R. D. Dusmuratov, A. S. Boltayev moliyaviy tahlil

8. Mahsulot sotish rentabelligi qanday aniqlanadi? 
A) Sotishdan olingan yalpi foyda ko‘rsatkichini sotishdan olingan tushum 
summasiga bo‘lish asosida aniqlanadi; 
B) Hisobot davrining sof foydasini korxonaning jami mol-mulki summasiga 
bo‘lish orqali; 
C) Hisobot davrining sof foydasini asosiy vositalarning o‘rtacha yillik qiymatiga 
bo‘lish orqali; 
D) Hisobot davrining sof foydasini sotishdan olingan tushum summasiga bo‘lish 
asosida aniqlanadi. 
9. Asosiy vositalar rentabelligi qanday aniqlanadi? 
A) Sotishdan olingan yalpi foyda ko‘rsatkichini sotishdan olingan tushum 
summasiga bo‘lish asosida aniqlanadi; 
B) Hisobot davrining sof foydasini korxonaning jami mol-mulki summasiga 
bo‘lish orqali; 
C) Hisobot davrining sof foydasini asosiy vositalarning o‘rtacha yillik qiymatiga 
bo‘lish orqali; 
D) Hisobot davrining sof foydasini asosiy vositalarning hisobot davri oxiriga 
bo‘lgan qiymatiga bo‘lish asosida aniqlanadi. 

---

263 
XII BOB. KORXONA INVESTISION FAOLIYATI TAHLILI 
12.1. Investisiyalar mazmuni, tasniflanishi va davlat tomonidan tartibga 
solinishi 
Bozor munosabatlari sharoitida investisiya faoliyatini davlat tomonidan 
tartibga solish O‘zbekiston Respublikasini va uning hududlarini ijtimoiy-iqtisodiy 
rivojlantirishning davlat vazifalari bajarilishini ta’minlaydigan investisiya 
siyosatini amalga oshirish, investisiyalar samaradorligini oshirish, O‘zbekiston 
Respublikasi hududidagi turli investisiya obyektlariga qo‘yilmalar uchun xavfsiz 
shart-sharoitlarni ta’minlash muhim ahamiyat kasb etadi.
Respublikamizda investisiya faoliyatini davlat tomonidan tartibga solish 
quyidagilar orqali amalga oshiriladi: 
-
investisiya faoliyatining normativ-huquqiy bazasini takomillashtirish; 
-
investisiya faoliyatini rivojlantirish uchun qulay shart-sharoitlar yaratish 
va O‘zbekiston Respublikasi Hukumatining kafolatlarini taqdim etish;
-
O‘zbekiston Respublikasi hududida maxsus iqtisodiy zonalarni va kichik 
sanoat zonalarini barpo etish;
-
asosiy fondlarni tezlashtirilgan amortizasiya qilish huquqini berish; 
-
texnik jihatdan tartibga solish normalari, qoidalari va talablarini belgilash; 
-
raqobatni qo‘llab-quvvatlash choralarini qo‘llash; 
-
er uchastkalariga va boshqa tabiiy resurslarga egalik qilish hamda ulardan 
foydalanish shartlarini belgilash. 
Bugungi kunda investisiyalar va investisiya faoliyatini tartibga solishning 
normativ-huquqiy bazasi mavjud bo‘lib, jumladan O‘zbekiston Respublikasining 
“Investisiyalar va investisiya faoliyati to‘g‘risida”gi Qonuniga muvofiq 
“