192 limləri ilə birlikdə matəm mərasimində iştirak edirdilər.
Mərasim Həsən bəyin evindən başladı. Sonra Qasım bəy məscidində (dini ayinlərin ic-
rasından sonra), daha sonra “Kaspi” qəzetinin redaksiyası nəhayət, şəhər Dumasının binası
qarşısında izdahamlı matəm mitinqi oldu. Ən nəhayət izdahamın iştirakıylə cənazəni Bibi-
heybət qəbristanlığına gətirib orada dəfn etdilər. Bütün yolu camaat cənazəni çiyinləri üstündə
daşıdılar. Bir neçə yerdə keçirilən matəm mitinqində müxtəlif cəmiyyətlərin, təşkilatların,
mıtbuat orqanlarının, habelə müxtəlif millətlərin nümayəndələri, bir sıra görkəmli şəxslər
alovlu nitq söylədilər. O zaman Bakıda nəşr olunan elə bir mətbuat orqanı yox idi ki, onda
mərhumun barəsində nekroloq dərc olunmasın. Paytaxt Peterburqda da “Seqodnya”, “Resı”
və s. kimi qəzetlərdə nekroloqlar çap edilmişdi.
