Referat tema: Bank esap beti shártnaması. Esap kitapalar Orınladı: Abutov B. Qabılladı: Ganiev E. Reje: Kirisiw

Tólew tapsırıqnamaları menen esap-kitaplar haqqında ulıwma qaǵıydalar.

Tólew tapsırıqnaması menen esap-kitap etilgeninde bank qarıydardıń tapsırıqnamasına muwapıq onıń esapbetindegi pullar esabınan málim muǵdar pul summasın qarıydar kórsetken shaxstıń sol yamasa basqa banktegi esap betine nızam hújjetlerinde názerde tutılǵan múddetlerde, eger bank esapbeti shártnamasında qısqalaw múddet názerde tutılǵan bolmasa yamasa ol bank ámeliyatında qollanılatuǵın is-háreketlerde belgilengen bolmasa, ótkeriw minnetlemesin aladı.
Tólew tapsırnamasında pullardı alıwshı retinde kórsetilgen shaxs bankten tólewdi ámelge asırıwdı talap qılıw huqıqına iye bolmaydı, bunday huqıq nızamda yamasa qarıydardıń bank penen dúzgen shártnamasında názerde tutılǵan jag’daylar bunnan tısqarı.
Tólew tapsırıqnamalardıń hám de ol menen birge usınılatuǵın esap-kitap hújjetleriniń mazmunı hám forması bank qaǵıydalarında belgilep qoyılǵan talaplarǵa sáykes keliwi kerek.
Qarıydardıń tapsırması onıń esapbetinde pullar bolǵan jaǵdayda ǵana, eger qarıydar menen bank ortasındaǵı shártnamada basqa jaǵday názerde tutılǵan bolmasa, bank tárepinen orınlawǵa qabıl etiledi.
Qarıydardıń tólew tapsırıqnamasın qabıl etken bank tiyisli pul summasın tapsırıqnamada kórsetilgen esapbetine ótkeriw ushın onı pul alıwshınıń bankine belgilengen múddette ótkiziliwi kerek.
Bank klienttiń tapsırıqnamasında kórsetilgen esapbetke pul qarjıların ótkeriw operaciyaların orınlaw ushın basqa banklerdi tartıwǵa haqılı. Bank talabına kóre, eger nızamda basqasha tártip belgilep qoyılǵan bolmasa, tapsırmanıń orınlanǵanlıǵı haqqında oǵan tezlik penen xabar beriwi shárt.
Tólew tapsırması boyınsha esap-kitap operaciyaların ámelge asırıwda qatnasatuǵın bankler bul tapsırmanı bergen shaxs aldında salidar juwapker boladı.

2. 
   Akkreditiv boyınsha esap-kitaplar.
   

Akkreditiv boyınsha esap-kitap islengende qarıydardıń tapsırması menen jáne onıń kórsetpelerine muwapıq akkreditiv ashqan bank pullardı alıwshı yamasa ol kórsetken shaxs hújjetlerdi usınıs etken hám akkreditivte názerde tutılǵan basqa shártlerdi atqarǵan jaǵdayda tólewdi ámelge asırıw minnetlemeni aladı.
Qaplanǵan akkreditiv ashılǵan jaǵdayda bank-emitent onı ashıw waqtında klienttiń óz qarjların yamasa oǵan berilgen kreditti bank emitenttiń minnetlemeleri ámel etip turatuǵın pútkil múddetke atqarıwshı bank ıqtıyarında ótkeriwi shárt.
Qaplanbaǵan akkreditiv ashılǵan jaǵdayda bank-emitent orınlawshı bankke akkreditivtiń pútkil summasın bank-emitenttıń atqarıwshı bankte júritilip atırǵan esapbetinen óshiriw huqıqın beredi.

3.