Kelin leksemasi qatnashgan iboralar.
1.Kelin edim - qaynonamga yoqmadim,
Qaynona bo‘ldim - kelinimga yoqmadim.
2. Qaynona va kelinning tuprog’i bir joydan olingan.
3. Kelin emas, qiz bo‘lsin.
Qiz leksemasi qatnashgan iboralar:
1.Qiz chog’im - sulton, kelin chog’im- ulton.
2.Qizligim – sultonligim.
3.Qizi beshikka tushdi , sepi sandiqqa tushdi.
4.Boshi bog’langan qiz, egali bo‘lgan qiz.
5.Qiz saqlaguncha tuz saqla.
6.Chiqqan qiz chig’iriqdan tashqarida.
7.Qiz bola – palaxmon toshi.
Quda leksemasi qatnashgan iboralar
Oling, quda – bering, quda.
Nikoh to‘yi marosimlari kelin- kuyovning baxtli –saodatli, farovon yashashi, serfarzand bo‘lishlari, yangi qurilayotgan oilaning mustahkam bo‘lishiga qaratilgan. Yuqorida taqdim etilgan urf-odatlar o‘zbek xalqining farzandlariga tilagan ezgu niyatlarini namoyon qilsa, maqol va iboralar o‘zbek mentalitetiga xos bo‘lgan qarashlarni ifoda etadi.
2.2. Inglizcha to‘y marosimlari bilan bog‘liq udumlarning lingvistik xususiyatlari.
To‘y masalasida Buyuk Britaniya juda ko‘p an’ana va urf –odatlarga ega. Garchi bugungi zamonaviy dunyoda ularning barchasiga amal qilinmasa-da, ularni butunlay unutib yuborilgan deb ham bo‘lmaydi. Har bir nikoh to‘yi milliy qadriyatlarini o‘z ichiga jamlagan holda o‘tkaziladi, biroq bugun ingliz to‘y marosimlari bilan bog‘liq udumlarning qanchasidan foydalanish ahamiyatga ega emas. 108
Quyida har bir to‘yda amalga oshiriladigan eng mashhur, uzoq o‘tmishdan bugungi kunda qadar saqlanib, qadrlanib kelinayotgan urf- odatlar bilan tanishamiz va ularning lingvistik xususiyatlarini ko‘rib chiqamiz.
Stag- party/ stag-night (kuyov oshi) nikoh to‘yidan oldin bo‘ladigan, bo‘lajak kuyovning bo‘ydoq sifatidagi so‘nggi kunlarini nishonlash uchun tashkillanadigan ziyofat.109
Dostları ilə paylaş: |
