Xodimlaringizning sotish ko’nikmalarini takomillashtiring Reklama qilish va sotishni rag’batlantirish orqali xaridorlarning korxonangizga e’tiborini tortdingiz deb o’ylaylik. Tovar va xizmatlaringiz hali realizatsiya qilinmagan. Tovarni qay yo’sinda “taklif qila olasiz”, bu sizga va xodimlaringizga bog’liq bo’ladi. Sotuvchining kasbiy ko’nikma va sifatlari sizga muvaffaqiyat yoki omadsizlik keltiradi.
Ularga amal qilib, sotish hajmini orttirish mumkin bo’lgan, bir necha maslahatlarni keltiramiz.
• O’z iste’molchilaringizni va ularning ehtiyojlarini o’rganing;
• Iste’molchilarga xizmat ko’rsata biling;
• O’z tovarlaringini yaxshi biling va ularni to’g’ri realizatsiya qilishni biling.
Iste’molchilarni va ularning ehtiyojlarini bilish Iste’molchilar odatda bir biridan farq qiladi. Misol uchun:
• Ayrim iste’molchilar nimani hohlashini hech qachon bilmaydi;
• Ba’zilar boshqalarga o’xshashni hohlashadi;
• Ba’zilar original bo’lishni hohlashadi;
• Ba’zi iste’molchilarda hech qachon vaqt bo’lmaydi;
• Ba’zi iste’molchilarda har doim pul yetishmaydi.
Iste’molchini tushunish - u o’ylayotganday o’ylash qobiliyatidir. Iste’molchilarga xizmat ko’rsata bilish Biz doimo o’zimizni mijozlarimizning o’rniga qo’yib ko’rishimiz kerak. Sizga qanday xizmat ko’rsatishlarini hohlagan darajangizda mijozlaringizga xizmat ko’rsatishga intiling. Siz quyidagi oddiy qoidalarga rioya qilsangiz, hamma narsa amalga oshadi:
• Xaridorlar bilan salomlashing. Ularni ismini aytib chaqiring; • Agar siz bitta xaridorga xizmat ko’rsatayotgan bo’lsangiz, shu paytda ikkinchi xaridor kelib qolsa, kelgan xaridor bilan salomlashing va unga bir necha daqiqadan keyin yordam berishingizni ayting; • Xaridorga yumshoq muomalada bo’ling, ular o’zlarini kutilgan mehmon kabi his etishlariga imkon bering, ular sizning muassasangizda ko’p marta bo’lishdan xursand bo’lishlari kerak; • Sabrli bo’ling, xaridorning sizga savollar bilan murojaat qilib o’z tanlovini amalga oshira olishiga imkon bering; • Har doim halol bo’ling va ishonch qozonishga harakat qiling. Masalan, tovar yoki xizmatingizdagi yaxshi sifatlar va kamchiliklar haqida ma’lumot bering; • Xaridorlarga, korxonangizga kelgani uchun minnatdorchilik bildiring; • Raqobatchilaringizni tanqid qilmang. O’zingizga qanday xizmat ko’rsatishlarini hohlasangiz xaridorga ham huddi shunday e’tiborli xizmat ko’rsating. Chunki xaridor siz uchun eng muhim odam hisoblanadi.
Nazorat savollari:
Marketing rejasi nima?
Marketing rejasi ning tarkibiy qismlarini sanang.
Bozor sharoitida narx siyosati.
Tovarlar harakatini rejalashtirish.
Reklamani rejalashtirish va muvaffaqiyatni nazorat qilish.
