Respublika ma’naviyat va ma’rifat markazining ustavi
Markazning majburiyatlari quyidagilardan iborat
Yüklə 0,51 Mb. Pdf görüntüsü
|
|
4.2. Markazning majburiyatlari quyidagilardan iborat:
O‘zbekiston Respublikasi qonun hujjatlarida belgilangan talablarga rioya qilish; o‘z mol-mulki va pul mablag‘laridan foydalanish to‘g‘risidagi ma’lumotlar ochiqligini ta’minlash; o‘z faoliyati yuzasidan qonunchilikda belgilangan tartibda Respublika Ma’naviyat va ma’rifat kengashi, O‘zbekiston Respublikasi Prezidenti Administratsiyasi hamda O‘zbekiston Respublikasi Vazirlar Mahkamasiga hisobotlar taqdim etish; mintaqaviy hududiy va mahalliy bo‘limlar faoliyatini har tomonlama rivojlantirish yuzasidan istiqbolli reja va dasturlar, ularning muammolarini yechish yuzasidan aniq takliflar ishlab chiqishga ko‘maklashish; turli jamoat tashkilotlarining ijtimoiy ahamiyatga ega bo‘lgan tashabbuslari, ish tajribalarini o‘rganish, ommalashtirish yuzasidan tavsiyalar berish; Markaz tizimlari va sohada xizmat ko‘rsatayotgan mas’ul xodimlarning malakasini oshirishni tashkil etish; Markaz qonun hujjatlarida ko‘zda tutilgan boshqa majburiyatlarga ham ega. V. MARKAZ TARKIBI, RAHBAR ORGANLARI VA ULARNING VAKOLATLARI 5.1. Markazning rahbar organi Respublika Ma’naviyat va ma’rifat kengashi hisoblanadi, Kengash quyidagi vakolatlarni amalga oshiradi: Markaz va Qoraqalpog‘iston Respublikasi, viloyatlar, Toshkent shahar va tumanlar (shaharlar) Ma’naviyat va ma’rifat kengashlari faoliyatini muvofiqlashtirish; 13 Respublika Ma’naviyat va ma’rifat kengashi raisi hamda uning o‘rinbosarlarini, Kengash mas’ul kotibini saylash; qonun hujjatlarida belgilangan tartibda Markaz va uning bo‘lim va bo‘linmalarini qayta tashkil etish va tugatish; Markaz Ustavini hamda Qoraqalpog‘iston Respublikasi, viloyatlar, Toshkent shahar va tumanlar (shaharlar) Ma’naviyat va ma’rifat kengashlar nizomlarini tasdiqlash, o‘zgartirish va qo‘shimchalar kiritish; Markaz va Qoraqalpog‘iston Respublikasi, viloyatlar, Toshkent shahar va tumanlar (shaharlar) Ma’naviyat va ma’rifat kengashlari faoliyatini nazorat qilish; Respublika Ma’naviyat va ma’rifat kengashi mas’ul kotibi hamda Qoraqalpog‘iston Respublikasi, viloyatlar, Toshkent shahar Ma’naviyat va ma’rifat kengashlari raislarining hisoblarini tinglash; Ma’naviy-ma’rifiy masalalarga oid chora-tadbirlar dasturlari, yo‘l xaritalari va faoliyatiga oid boshqa hujjatlarni tasdiqlash; Respublika Ma’naviyat va ma’rifat kengashi faoliyatiga oid hujjatlar Kengash raisi hamda uning o‘rinbosarlari tomonidan, shuningdek, Kengash mas’ul kotibi tomonidan imzolanadi. 5.2. Markazning tasarrufiga quyidagilar kiradi: Qoraqalpog‘iston Respublikasi, viloyatlar va Toshkent shahar hududiy bo‘limlari (keyingi o‘rinda hududiy bo‘limlar deb ataladi); Tuman va (shahar) bo‘linmalari (keyingi o‘rinda hududiy bo‘linmalar deb ataladi); Ijtimoiy-ma’naviy tadqiqotlar instituti; “Ma’rifat” targ‘ibotchilar jamiyati; “Ma’naviyat” nashriyoti “Tafakkur” jurnali; “Ma’naviy hayot” jurnali” Ma’naviyat va ijodni qo‘llab-quvvatlash maqsadli jamg‘armasi. 14 Markaz tasarrufidagi bo‘lim, bo‘linmalar hamda tashkilot, muassasalar tegishli Ustavlar asosida faoliyat yuritadi, ularning faoliyati Markaz tomonidan muvofiqlashtirib boriladi. 5.5. Markaz rahbarining vakolatlari: Markazga umumiy rahbarlik qilish; Qonun hujjatlariga asosan Markaz tasarrufidagi bo‘lim, bo‘linmalar hamda tashkilot, muassasalar faoliyatini muvofiqlashtirib borish; Markaz nomidan ishonchnomasiz ish ko‘rish, barcha yuridik va jismoniy shaxslar, shuningdek, xorijiy tashkilotlar oldida Markaz manfaatlarini ifoda etish; Markaz xodimlarini, Markazning Qoraqalpog‘iston Respublikasi, viloyatlar va Toshkent shahar hududiy bo‘limlari rahbarlarini, “Ma’rifat” targ‘ibotchilar jamiyati, Ijtimoiy-ma’naviy tadqiqotlar instituti, “Tafakkur”, “Ma’naviy hayot” jurnallari, “Ma’naviyat” nashriyoti rahbarlarini o‘rnatilgan tartibda lavozimiga tayinlaydi va lavozimidan ozod etadi, shuningdek ularga rag‘batlantirish hamda intizomiy javobgarlikka tortish vakolatiga ega hisoblanadi; Markazning Qoraqalpog‘iston Respublikasi, viloyatlar va Toshkent shahar hududiy bo‘limlari hamda tasarrufidagi tashkilot, muassasalar ustavlarini tasdiqlaydi; o‘zining o‘rinbosarlarini rag‘batlantirish va intizomiy javobgarlikka tortish, shu jumladan, ularning egallab turgan lavozimda qolishi maqsadga muvofiqligi masalasini ko‘rib chiqish bo‘yicha Kengash raisi o‘rinbosari, O‘zbekiston Respublikasi Bosh vaziriga takliflar kiritish, ularning shaxsiy mas’uliyatini oshirish; Rahbar o‘rinbosarlari, Markaz xodimlari, xududiy bo‘lim boshliqlarining vazifalari va lavozim majburiyatlari hamda ularning shaxsiy javobgarligini belgilash; Markaz xodimlarining malakasini oshirishni tashkil etish; Markaz xodimlarining odob-axloq qoidalari talablariga rioya qilishi ustidan nazoratni tashkil etish; 15 qonun hujjatlarida belgilangan muddatlarda va tartibda jismoniy va yuridik shaxslarning murojaatlarini ko‘rib chiqish bo‘yicha samarali ishlarni tashkil etish, aholi muloqotni yo‘lga qo‘yish, jismoniy va yuridik shaxslar vakillarini muntazam ravishda qabul qilish; Markaz xodimlarini O‘zbekiston Respublikasi xududidagi tarixiy shaharlarga ziyorat qilishni amalga oshirish; Maslahat kengashi tomonidan tasdiqlangan nizomga asosan umummilliy va kasb bayramlari hamda boshqa tadbirlar munosabi bilan xodimlarni mukofotlash hamda rag‘batlantirish, shuningdek, ularga qo‘shimcha ustama haqlari belgilash; Markaz shtat jadvali va xarajatlar smetasini tasdiqlash; mulkiy operativ huquqlarni amalga oshirish, shartnomalar tuzish, jumladan, mehnat shartnomalarini tuzish, ishonchnomalar berish, banklarda hisob raqamlari ochish, bank, moliya va boshqa hujjatlarga birinchi imzo huquqidan foydalanish; Markaz xodimlari, xududiy bo‘lim, bo‘linmalar hamda tasarrufdagi tashkilot, muassasalar uchun majburiy bo‘lgan bo‘lgan buyruq va boshqa me’yoriy-huquqiy hujjatlarni qabul qilish; Markaz bo‘limlari hamda tasarrufidagi korxona, tashkilot, muassasalar moliyaviy ishlarni nazorat qilish; qonun hujjatlariga asosida Markaz maqsad va vazifalaridan kelib chiqqan holda yuridik shaxslar sifatida tadbirkorlik tuzilmalarini tashkil qilish; Markazning moliyaviy-xo‘jalik masalalari bilan shug‘ullanish, homiylarning moddiy yordami hamda xo‘jalik hisobidan qo‘shimcha mablag‘lar topishni yo‘lga qo‘yish; Markazning moddiy-texnikaviy bazasini mustahkamlash, uni zamonaviy jihozlar bilan ta’minlash; “Ma’rifat” targ‘ibotchilar jamiyatini Respublika Ma’naviyat va ma’rifat kengashi tomonidan belgilangan vazifalarni amalga oshirish jarayoniga jalb etish, nashriyot va tashkilotlar tayyorlagan risola va qo‘llanmalar, shuningdek, 16 yangi zamonaviy axborot texnologiyalari vositalari bilan ta’minlash, rag‘batlantirish masalalarini hal etish; xorijiy va xalqaro tashkilotlar bilan hamkorlik aloqalarini o‘rnatish, delegatsiyalarni jo‘natish va qabul qilish yuzasidan qarorlar qabul qilish; Markaz ishida alohida o‘rnak ko‘rsatgan xodimlar va jamoatchi targ‘ibotchilarni O‘zbekiston Respublikasining davlat mukofotlariga tavsiya etish hamda ularni o‘z faxriy yorliqlari va pul mukofotlari bilan taqdirlash; xo‘jalik hisobidan ishlab topilgan va homiylar ko‘magida shakllantirilgan moliyaviy mablag‘lardan Markazning moddiy-texnikaviy bazasini mustahkamlashda hamda xodimlarni rag‘batlantirishda foydalanish; respublikada ma’naviy-ma’rifiy ishlarni amalga oshirish hamda yuksak ijtimoiy-ma’naviy muhitni shakllantirish borasida fidokorona mehnat qilgan va samarali natijalarga erishgan fuqarolar “Ma’naviyat fidoyisi” ko‘krak nishoni bilan mukofotlashi; xo‘jalik hisobidagi mablag‘lar hisobiga chiqarilgan nashriy mahsulotlar savdosini tashkil qilish; Markaz o‘z balansidagi binoni, transport vositasini qonunlarda ko‘zda tutilgan tartibda ijaraga berish, sotish; Markazni rivojlantirish jamg‘armasini shakllantirish; o‘z vazifalarini amalga oshirish maqsadida amaldagi qonunlarga zid bo‘lmagan boshqa faoliyat turlarini olib borishi mumkin; Markaz rahbari qonun hujjatlariga muvofiq boshqa vakolatlarga ham ega bo‘lishi mumkin; Markaz rahbari Respublika ma’naviyat va ma’rifat kengashi raisi bilan kelishilgan holda Respublika Ma’naviyat va ma’rifat kengashi raisi o‘rinbosari, O‘zbekiston Respublikasining Bosh vaziri tomonidan lavozimiga tayinlanadi va lavozimidan ozod qilinadi; Markaz rahbari bo‘lmaganda uning vazifasini Markaz rahbarining birinchi o‘rinbosari bajaradi. |