Salom shirin so`zimiz

Nodir:Assalomu aleykum aziz mehmonlar,mehribon ota onalar,hurmatli ustozlar
Zarina:O’zbekiston Respublikasining birinchi Prezidenti Islom Abdug’aniyevish Karimovning tavvaludiga bag’ishlab o’tkazilayotgan“Mustaqil yurtimning –millat otasi”deb nomlangan Xotira kechasini ochiq deb e’lon qilamiz!(O’zbekiston Respublikasining Davlat madhiyasi qo’yiladi)
Nodir:Salomdan boshlanar hurmat ehtirom
Salomdir dunyoda eng shirin kalom
Ey,aziz,mehmonlar,aziz ustozlar
Avvalo sizlarga salom,assalom
Zarina:Ming ta’zim sizga ,dildan ehtirom
Mo’tabar mehmonlar,sizga xush kalom
Nodir:Xotira o’zlikni anglashga,o’tmishni doimo yodda tutishga da’vat etib turadiganmuqaddas tuyg’udir.U orqali inson o’ziga yahshi hislatlarni qaror toptirib boradi
Zarina:Biz “millat”, “Vatan”, “Istiqlol”kabi so’zlarni hurmat bilan tilga olamiz.Ana shu tushunchalar haqida so’z yuritganda gapning bir uchi xotiraga borib taqaladi
Nodir:Insonni e’zozlash,izzat hurmatini qilish,o’tgan ajdodlar ruhini ardoqlash,har bir fuqaroning Vatan oldidagi xizmatini qadrlash ,xalqimizning turmush tarzi ruhiyati,an’ana va hayotiy odatlariga aylanmoqda
Zarina:Muqaddas tushunchalarimizning barchasi xotira bilan tirik.Xotira nafaqat o’tmishni unutmaslik,bugungi kunni to’g’ri tasavvur etish hamdir
Nodir:Xotira insonni ochiq ko’z bilan qarashga o’rgatadi
Zarina:- Jim?
Do’stim bir lahza sukut saqlaylik
Baxtimiz qurboni bo’lganlar haqqi
Nomini yod etib,bir bir yo’qlaylik
Xalqim deb,yurtim deb o’tganlar haqqi
Nodir:Kel,do’stim ,bir lahza quloq beraylik
Tinglaylik mardlarning yurak sasini
Mangulik bog’idan gullar teraylik
Qalblarga yozaylik xotirasini
Zarina:Kel do’stim bir lahza sukut saqlaylik
Shu qutlug’ dargohni qilaylik tavof
Elu yurt chekmasin sira iztirob
Har ikkisi birga
-Kel,do’stim bir lahza sukut saqlaylik…
(bir lahza sukut saqlanadi)
Shu orada sahnaga 1-sinf o’quvchilari saflanadi va proyektorda videorolik ko’rsatiladi songra o’quvchilar shoir Iqbol Mirzoning she’rini aytishadi
1)Samarqandda Ulug’bek ko’zyoshiga cho’mdim men,
Lavhul Mahfuzni o’ylab,Haq amriga ko’ndim men.
Yer usti boyliklarin tortar ekan yer osti,
Xizr yoniga nodir xazinamni ko’mdim men.
2)Yana tonglar otib kun kulgaymi-kulmagaymi.
Kimni boy berdi dunyo,bilgaymi-bilmagaymi?
Sayyoralar yuz yilda yozarkan bir dasturxon,
Bunday mehmon ming yilda kelgaymi-kelmagaymi?
3)Yurt boshiga tosh tushsa ,Yurtboshiga tegar tosh
Yurtdoshidan tosh uchsa ,Yurtboshiga tegar tosh
Mana,toshyuraklar ham eridi sel-sel bo’lib,
Mana,ko’zi qizarib,yelka silkib egar bosh
4)Registon maydonida tush ko’rganday yurdim men,
Uyg’onay deb yuzimga ko’zyoshdan suv urdim men.
Shoxizinda yonida farishtadau oqsoqol
“Yetim qoldim ,otam”lab bo’zlaganin ko’rdim men
5)Shirin jonin bug’doyday yerga sochgan otam-a,
Ma’naviyat durlarin dilga sochgan otam-a.
So’nggi nafasigacha yurtim deb yongan olov,
Umrini xarjlab-xarjlab,elga sochgan otam-a
6)Yig’lasang ham mung’ayma,g’anim xandon bo’lmasin.
O’zingni y’ig’,bardam bo’l ,qadding kamon bo’lmasin.
To’n kiyib bel bog’lasa ,kurashga kirgay o’zbek,
O’zbekiston jigarim,ko’ngling yomon bo’lmasin
7)Chaqmoqdek musibatga tog’-u toshdek bardosh bor,
Yelkangga boshin qo’ygan qavmi inson,qardosh bor
Otaning g’oyalari qoyalardek mangulik,
Sheri mardga munosib arslonpanja izdosh bor
8)Yuraklarga quvvatdir yoniq shon-u shukuhi,
Birlashtirdi hattoki elni qayg’u-anduhi.
Yodi hamisha ,ismi tillarda duo,
Humoqushga aylanib,yog’du sochadi ruhi
9) By hayot abadiydir,jilg’a soyiga yetdi
Jannat barpo etgan zot jannat joyiga ketdi
O’zi bizga qaytargan daholarning yoniga ,
Buyuk sohibqironning qurultoyiga ketdi