Samarqand davlat universiteti psixologiya va ijtimoiy fanlar fakulteti ijtimoiy fanlar kafedrasi

Ma’ruza mashg‘ulotining texnologik kartasi
(4 soat)

Ish jarayoni vaqti	Faoliyatning mazmuni
	O‘qituvchi	Talaba
1-bosqich. Kirish (10/10 min.)	1.1. O‘quv mashg‘uloti mavzusi, maqsadi va o‘quv faoliyati natijalarini aytadi.	Mavzu nomini yozib oladi.
	1.2. Tinglovchiga mavzu bo‘yicha tarqatma materiallarni tarqatadi.	Tinglaydi.
	1.3.Mavzu bo‘yicha maruza mashg‘ulotlarining tayanch iboralarini va ma’ruza rejasiga izoh beradi	Tinglaydi, yozib oladi.
	1.4. Doskaga tinglovchilar tomonidan aytilgan fikrlarni yozib boradi.	Tinglaydi, tushunchalarni sanab beradi va savollar beradi.
2-bosqich. Asosiy (60/60 min.)	2.1. Mavzu rejasining 1-savoli bo‘yicha to‘plangan ma’lumotlarni umumlashtirgan holda tushunchaning mohiyati shakllantiriladi va tahlil qilinadi.	Tinglaydi.
	2.2. Ma’ruza rejasining 1-4 savollari bo‘yicha tushuntiradi, har bir savolni nihoyasida umumlashtirib boradi. Mavzuni yoritish davomida faollashtiruvchi savollar beradi. Savollarga berilgan javoblar tinglanadi, umumlashtiriladi, keltirilgan misollar tavsiflanadi, savol xulosalanadi. Mavzuning asosiy qismlariga e’tibor qaratadi va kerakli joylarini yozib borishni ta’kidlaydi. Har bir savol yakunida xulosalanadi.	Tinglaydi, yozib oladi, fikr bildiradi, savol beradi.
3-bosqich. YAkuniy (10/10 min.)	3.1. Mavzu bo‘yicha yakunlovchi xulosa qilinadi.	Tinglaydi.
	3.2. Mavzu maqsadiga erishishdagi tinglovchilar faoliyati tahlil qilinadi va baholanadi.	O‘zini qiziqtirgan savollarni beradi.
	3.3. Mavzu buyicha mustakil o‘rganish uchun topshiriqlar beradi.	Topshiriklarni yozib oladi.
	3.4. Amaliy mashg‘ulotda o‘tiladigan mavzuni rejasi bilan tanishtiradi. Tayyorlanib kelish uchun topshiriqlar va tavsiyalar beradi.	YOzib oladi.

№ 5. MAVZU: SOTSIAL XIZMATNING SOTSIOLOGIK ASOSLARI
REJA:

1. 
   Sotsial xizmatning sohalararo xarakteri
   
2. 
   Nazariy sotsiologiya va sotsial xizmat.
   
3. 
   Deviatsiyaning sotsiologik konsepsiyasi.
   

Ijtimoiy ishning fanlararo xarakteri. Nazariy sotsiologiya va ijtimoiy ish. Funksionalizm. Bixiveorizm. Ramziy interaksionizm. Deviatsiyaning sotsiologik konsepsiyasi. Ta’lim muammosida sotsiologiya va ijtimoiy ish. Sotsiologik tadqiqotlar ijtimoiy ishni bilish vositasi sifatida.

Ijtimoiy ishning fanlararo xarakteri. Ijtimoiy ish – kasb sifatida ilmiy ta’minotda fanlararo xarakterga ega. Bu ijtimoiy xodim mijozga yordam ko‘rsatish maqsadida boshqa mutaxasisslar–vrach, pedagog, ruhshunos, sotsiolog bilan hamkorlik tarmog‘ini shakllantirishini anglatadi. Boshqa tomondan, ijtimoiy xodim kasbiy asosiy tayyorgarligi tufayli ko‘pgina kasblarning asosiy bilim va ko‘nikmalariga ega bo‘lib, universal mutaxassis hisoblanadi.
Inson va jamiyat muammolarini o‘rganishdagi fanlararo aloqalar, asosan ijtimoiy ishning boshqa umumiy fanlar, xususan, sotsiologiya bilan o‘zaro ta’sirida yaqqol namoyon bo‘ladi. Ijtimoiy ish va sotsiologiya o‘rtasidagi umumiylik shundaki, u shaxsiy nazariya, balki jamiyat va inson to‘g‘risidagi sotsiologik fan klassiklarining asosiy g‘oyalariga tayanadi.
Sotsiologiya ijtimoiy xodimni kasbiy-nazariy tayyorlashda bo‘lganidek, amaliy faoliyatda ham muhim ahamiyatga ega. Jamiyat, jamiyatdagi munosabatlarning hamma turlarini umumiy o‘rganishda sotsiologiya ijtimoiy xodimlarga jamiyat va ijtimoiy jihatdan kuchsiz himoyalangan guruhlarni yaxshi anglash imkonini beradi.