XORAZMI AZIMNING MING YILLIK TARIXI» nomli
ekskursiya xizmatining
DASTURI
Davomiyligi:
1 soat
Masofasi:
Ichan qal’ada joylashgan ob’ektlar bo’ylab 500-600 metr
Ekskursiya
maqsadi:
Ichan qal’adagi
mashhur
tarixiy-arxitektura
yodgorliklari bilan tanishtirish
Ekskursiya o‘tkazilishi rejalashtirilgan guruh:
xorijdan tashrif buyurgan
turistlar
Ekskursiya mavsumi:
yil davomida
GIDNING INDIVIDUAL MATNI NAMUNASI
1-ob’ekt. KO‘K MINORA
Minora qarshisida.
Hurmatli ekskursantlar! Siz bilan Ko‘k minora
qarshisida turibmiz. Minora Muhammad Aminxon tomonidan madrasa yonida
qurilgan. Uning ko‘rinishi kesik konus shaklida bo‘lib (shuning uchun ham «Kalta
minor» nomini olgan), balandligi 28 metr, diametri 14,5 metr. Minora o‘z davrida
«Ulli (ulug‘) minor», «Ko‘k minor» nomlari bilan atalgan. O‘z davrining shoirlari
uning qurilishi nihoyasiga yetganini she’riy tarixlarida ta’riflashgan.
Minoraning bitmay qolgani to‘g‘risida bir necha afsonalar to‘qilgan.
Jumladan, Xiva xoni ustaga dunyodagi eng baland minorani qurasan deb farmon
beradi. Usta boshlagan ish 2 yil davom etib, minora bo‘y cho‘za boshlaydi. Bu
minoraning ovozasi Buxoro amirining qulog‘iga yetadi. Buxoro amiri usta bilan
xufiyona shartnoma qiladi. Unga ko‘ra usta Xivadagi minorani bitkazgach, bundan
190
ham baland va chiroyli minorani Buxoroda qurib berishi kerak bo‘ladi. Bu
shartnoma haqidagi ma’lumotlarni eshitgan Xiva xoni «minora bitgach, ustani
o‘ldirishini» aytadi. Xonning niyatidan xabar topgan usta qochib ketishni
rejalashtiradi. O‘z navbatida xon ustaga minoradan tushmasdan ishlashni buyuradi.
Endi usta shogirdining xizmatiga muxtoj bo‘lib, unga qanot yasash uchun
kerak bo‘lgan buyumlarni buyuradi. Minora tepasida qanotlar yasab, bir kun tong
saharda janubga tomon uchib ketadi. Shundan keyin minora bitmay qolgan degan
afsonalar xalq orasida tarqalgan. 1873-yilda general gubernator fon Kaufmanning
buyrug‘iga asosan podporuchik Grigoriy Krivsov xivalik bir qariyadan so‘rab,
yozib olgan afsonada minora bitgan va juda baland bo‘lgan ekan. Shuning uchun
xalq uni «Ulli minor» (ulug‘, katta minor) deb atagan. Bunday o‘lkan va chiroyli
minorasi bilan xivaliklar hamda xon faxrlanar ekan. Bir kun muazzin erta tongda
musulmonlarni bomdod namoziga chaqirib, azon aytayotgan paytda minoraning
ustki qismi muazzin bilan birga uning ichki qismiga o‘pirilib tushib ketadi. Bu hol
barchani vahimaga solib qo‘yadi. Shundan buyon hech kim minoraning ustiga
chiqmas ekan deyiladi.Yana bir afsonada aytilishicha, minora bitgan va juda
baland bo‘lgan. Bir xorijlik kelib, unga qaragan va «Nihoyatda baland va chiroyli
ekan» deb ko‘z tashlagan. U kishining ko‘zi tegib, minora qulab tushgan deyiladi.
Hozirgi kunda Ko‘k minora Ichan qalaning o‘ziga xos bo‘lgan ob’ektlaridan
biri sanaladi.
(Ekskursantlarga tomosha qilish va rasmga tushishlari uchun 2 daqiqa vaqt
beriladi. Savollarga javob beriladi).
191
10.11-rasm.
Dostları ilə paylaş: |
