Sana: Fan: Jahon tarixi Sinfi: 7 Mavzu: Kirish

3.	Yangi mavzu bayoni
14 daqiqa
4.	Mustahkamlash	12 daqiqa
5.	Baholash	2 daqiqa
6.	Uyga vazifa	2 daqiqa

I.Tashkiliy qism: Salomlashish,davomatni aniqlash,sinf tozaligini kuzatish.
II.O`tilgan mavzuni takrorlash: O`quvchilarning 7-sinfda olgan bilimlari sinab ko`riladi.
1.O`rta asrlar tarixi qaysi davrlarni o`z ichiga oladi?
2.O`rta asrlarda feodal kim edi? 3.O`rta asrlardagi qaysi davlatlar haqida ma`lumotga ega bo`ldingiz? 4.Salibchilar kimlar edi?
III.Yangi mavzu bayoni:
,,O'rta asrlar tarixi" haqida. Siz 6- sinfda ,,Jahon tarixi"ning qadimgi davrini o`rgandingiz. 7- sinfda esa ,,O'rta asrlar davri" tarixini o`qib-o`rganasiz. V-XV asrlarni o`z ichiga olgan bu davrni ,,O'rta asrlar tarixi" deb atash qabul qilingan. Bu atama qay tariqa vujudga kelgan?
XV - XVI asrlarda ijod etgan Yevropa olimlari insoniyat tarixini ,,qadimgi tarix", ,,o'rta tarix" va ,,yangi tarix"larga bo`lib o`rganishni taklif etganlar. ,,Qadimgi tarix" va ,,o'rta tarix" atamalarini o`zlarigacha o`tgan tarixga, ,,yangi tarix" atamasini esa o`zlari yashagan davrga nisbatan qo`llaganlar. Shu tariqa ,,qadimgi tarix", ,,o'rta tarix" va ,,yangi tarix" atamalari vujudga kelgan. ,,O'rta tarix" deyilganda avvalo o`rta asrlar tarixi tushuniladi.
o`rta asrlar tarixini yaratishda ham olimlar tarixiy manbalarga tayanganlar. Tarixiy manbalarning nima ekanligini Siz 5- 6-sinflar tarix darsliklaridan bilib olgansiz.
O`rta asrlar jamiyati haqida. o`rta asrlar kishilik jamiyati Yevropada feodal, Osiyoda esa yer egaligi jamiyati (tuzumi) deb ataladi. ,,Feodal" atamasi lotincha ,,feod" so`zidan olingan. Ma'lum xizmat evaziga qirol tomonidan berilgan va meros bo`lib qoladigan yer-mulkka feod deyilgan.
Binobarin, feodal jamiyati yer egaligiga asoslangan jamiyatdir. Yevropada yer-mulk egasi feodal deb atalgan. Feodal o`z yerining bir qismini dehqonlarga chek yer qilib bo`lib bergan. Buning evaziga dehqonlar feodalning yerlarini ishlab berganlar. Ayni paytda o`zlariga berilgan chek yerlarida yetishtirgan hosildan ma'lum qismini feodalga soliq sifatida to`laganlar. Shu tariqa Yevropa dehqonlari feodal oldida ikki xil majburiyatni bajarishga majbur etilgan. Dehqonlar bir feodaldan ikkinchi feodalga o`tib ishlash huquqiga ega bo`lganlar.
Ba'zi Yevropa mamlakatlarida esa dehqonlar krepostnoylarga aylantirilgan.