Sana: Mavzu: Iftixorimsan – jannatmakon o‘zbekiston! Maqsad: Ta’limiy

Bo’limlar
Vaqti
1	Tashkiliy qism	3 daqiqa
2	O`tgan mavzuni mustahkamlash	5 daqiqa
3	Yangi mavzu bayoni	15 daqiqa
4	Yangi mavzuni mustahkamlash	1O daqiqa
5	O`quvchilarni rag`batlantirish. Darsni yakunlash.	1O daqiqa
6	Uyga vazifa	2 daqiqa
Jami		45 daqiqa

I. Tashkiliy qism: Salomlashish, navbatchi axboroti, sinf va o`quvchilarning darsga tayyorgarligi tekshiriladi, o`quvchilar ehtiyojlari aniqlanadi.
II. O`tilgan mavzuni mustahkamlash. O`tilgan mavzu yuzasidan suhbat, savol-javob o`tkaziladi. O`tilgan mavzuga oid savol va topshiriqlar yozilgan kartochkalar tarqatiladi. O`quvchilar topshiriqlarni bajarib, o`tilgan mazuni qismlarga bo`lib gapirishadi, xulosa chiqarishadi, o`qituvchi tomonidan umumlashtiriladi.
III. Yangi mavzu bayoni.
Aqlni charxlash uchun savol va topshiriqlar
1. Siz xotirlash deganda kimlarni xotirlash kerak deb o‘ylaysiz? Fikringizni asoslab bering.
2. «O‘tganlarni xotirlash – yuksak insoniy fazilat» degan fikrni izohlashga harakat qilib ko‘ring.
3. Xotirlash qachon muqaddas burchga aylanadi?
4. Milliy qadriyatlarimizda «O‘tganlarni yaxshilik bilan eslang» deyiladi.
Kimlar yaxshi xotira bilan eslanadi?
Mulohaza uchun
Xotira va qadrlash tushunchasi chuqur ma’noga egadir. Insoniyat Ikkinchi jahon urushida qatnashgan, ayovsiz jang-u jadalda qahramonlarcha halok bo‘lganlar xotirasini aslo unutmaydi. 9-may – «Xotira va qadrlash kuni» mamlakatimizda umumxalq bayrami sifatida keng nishonlanadi.
Inson xotira bilan tirik, qadr bilan ulug‘. O‘tganlarni, ularning xayrli ishlarini, jasoratini yodga olmoq, e’zozlamoq xalqimizga xos ezgu fazilatlardandir.


Ma’naviyat xazinasidan
Bukilmas iroda va jasorat namunasini amalda namoyon etib, o‘z hayotini aziz Vatanimizning har tomonlama ravnaq topishi, bugungi tinch va osoyishta kunlar uchun jonini fido qilgan ajdodlarning muqaddas xotirasini yod etib, ezgu ishlarini davom ettirish, safimizda yurgan keksalarni e’zozlash – odamiylikning eng oliy mezoni va bizga tinchlik, omonlik kerak, deb yashaydigan bag‘rikeng va oliyjanob xalqimizga xos azaliy qadriyatdir.
Shavkat MIRZIYOYEV
Xotira
Har yili 9-may kuni otam bizlarni Mustaqillik va Xotira maydoniga olib borar edilar. Yo‘l-yo‘lakay gullar sotib olar edik. Ziyorat yakunida o‘sha yerdagi kursilardan biriga borib o‘tirardik.
Otam sekin tilovat qilardilar va shu yerda nomlari bitilgan va urush yillarida halok bo‘lgan askarlar, oddiy odamlar haqqiga duo qilar edilar. Keyin «Biz ko‘rdik, sizlar ko‘rmang!» deb takrorlardilar. Biz ulardan urushning dahshatlari haqida so‘raganimizda otam uzoq-uzoqlarga tikilib qolardilar. Ularning yuzlarida allaqanday qo‘rquv bilan birga nafrat va qayg‘u birlashib ketardi.
Otam yana «Biz ko‘rdik, sizlar ko‘rmang!» deb javob berib, «tinchligimiz abadiy bo‘lsin, bu kunlarni qadriga yetinglar», deb qo‘yardilar.
Xulosaga keldim-ki, urushni xotirlash shu darajada dahshat bo‘lsa, unda ishtirok etish qanday bo‘lar ekan?...
Mulohaza uchun
2004-yilda Toshkent shahrida qurollangan shaxslar tomonidan sodir etilgan qotilliklar bo‘yicha huquqni muhofaza qiluvchi organlarga ma’lumot yetib keldi. Gumonlanuvchilarning taxminiy qiyofasi huquqni muhofaza qiluvchi barcha organlarga yetkazildi. Poytaxtga olib boradigan barcha yo‘llarda himoya choralari kuchaytirildi. «Qoramurt» blok-postidagi har doimgidanda ziyrak ichki ishlar xodimlari «Tiko» avtomashinasiga to‘xtash ishorasini berishdi.
Haydovchi bir muddat sekinlashgandek bo‘ldi-da, biroq to‘xtamasdan keta boshladi. Katta leytenant Azizxon Tursunov mashinani to‘xtatishga shoshildi. Mashina haydovchisi uning shashtini ko‘rib, to‘xtashga majbur bo‘ldi.
Katta leytenant haydovchining hujjatini va yo‘lovchilarga razm solarkan, ulardan mashinadan tushishni talab qildi. Osoyishtalik posbonlari changalidan chiqib keta olmasligiga ko‘zi yetgan terrorchilar kiyimlari ichiga yashirilgan qo‘lbola portlash moslamasini harakatga keltirishdi...
IV. Yangi mavzuni mustahkamlash.O`tilgan mavzu mustahkamlanadi 1. Agar ana shunday postlarda ziyrak ichki ishlar xodimlari bo‘lmasa, yoki ular o‘z vazifalariga loqaydlik bilan munosabatda bo‘lishsa, bu qanday oqibatlarga olib kelishi mumkin?
2. Bizning tinch yashashimiz, sizlarning maktabga bexavotir borib kelishingiz, ko‘chada yurishingiz, to‘y-tantanalarda ishtirok etishingiz uchun kimlarning hayoti garovga qo‘yilganini bilasizmi?
V. O`quvchilarni rag`batlantirish. Darsni yakunlash.
O`quvchilar darsdagi ishtirokiga ko`ra baholanadi. Rag`bat kartochkalari orqali baholanadi.Guruhlar ham umumiy rag`batlantirilib boriladi.
VI. Uyga vazifa Uyga mazifa bugungi mavzuni o`qib kelish, qayta hikoyalashga tayyorlanish, xulasa chiqarish.