15-kazus Farg‘ona viloyatida joylashgan va kichik biznes sub’ekti bo‘lgan “Bruschatka” MCHJ turli bruschatka va beton qorishmasidan tayyorlanadigan qurilish materiallarini ishlab chiqaradi. Mazkur korxonada ishlaydigan fuqaro Z.Karimov o‘zinig korxonadagi ijtimoiy holatidan, uning fikricha ish beruvchining yomon munosabatidan norozi bo‘lib hokimiyat organlariga murojaat qildi. U o‘z murojaatida korxonada faoliyat olib borayotgan 100 nafar ishchi bir xil mehnat sharoitlarida ishlamayotganligi va bir xil ish haqi olmayotganliklari hamda ayni vaqtda 20 nafar ishchi 100 nafar ishchi uchun ishlayotganligi, qolgan 80 nafar ishchi ish beruvchi mulkdorning qarindoshlari ekanligi sababli ular umuman ishga kelmasligi shunga qaramasdan ish haqi olishlari, shuningdek, belgilangan reja bajarilmasdan qolgan taqdirda aynan 20 nafar ishchilar bilan mehnat shartnomasini bekor qilishi mumkin ekanligini ko‘rsatib o‘tdi.
Savol: Vaziyatga huquqiy baho bering. Fuqaro Z.Karimovning murojaatini muhokama qiling.
16-kazus Navoiy viloyati markazida faoliyat yuritayotgan sut va sut mahsulotlari ishlab chiqarishga ixtisoslashgan “SHirin-qaymoq” xususiy korxonasida inson huquq va erkinliklari ta’minlanmayotganligi masalasi yuzasidan bir guruh ishchilar mulkdorga murojaat qilishdi. O‘z murojaatlarida mehnat sharoiti, ijtimoiy tenglik hamda mehnatga yarasha haq to‘lanmasa mazkur holat yuzasidan prokuraturaga murojaat qilishlari, shuningdek korxona foyda ko‘rmasdan ishlash bilan birga sut mahsulotlarini etarli darajada qayta ishlamasdan isrof qilinayotganligi faktini kerakli organlarga ma’lum qilgan holda ushbu korxonaning kichik biznes sub’ekti sifatida barcha imtiyozlardan mahrum qilinishiga erishishlarini ma’lum qilishdi.
Bunga javoban esa korxona rahbari u mulkdor ekanligi hamda xohlagan ishini qilishi mumkinligini ma’lum qilgan holda murojaat qilgan barcha ishchilar bilan mehnat shartnomasini bekor qildi.
Savol: Vaziyatga huquqiy baho bering. O‘zbekiston Respublikasi Konstitutsiyasining 18-moddasi va 54-moddasilarini taqqoslagan holda mazmun-mohiyatini muhokama qiling?
