SəLƏFİ saliHİN ƏQİDƏSİ qadağalardan çƏKİNMƏk bu Kitab, Azərbaycan Respublikası Dini Qurumlarla İş Üzrə Dövlət Komitəsinin 20 Dekabr 2008-ci İl Tarixli İcazəsi Əsasında Çap Edilmişdir №dk-169/H

TƏK SAYLI AYAQQABI İLƏ YERİMƏK VƏ AYAQ ÜSTƏ AYAQQABI GEYİNMƏK

Əbu Hureyrə - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Sizdən biriniz tək saylı ayaqqabı ilə yeriməsin. Ya ikisini də geyinsin, ya da ikisini də çıxartsın»¹³³². Əbu Hureyrə - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Sizdən birinizin ayaqqabısı (cırılarsa) biri ilə yeriməsin digərini təmir edənə qədər»¹³³³. Cabir - radıyallahu anhu – rəvayət edir ki, Peyğəmbər – sallallahu aleyhi və səlləm – bir kimsənin ayaq üstə ayaqqabı geyinməsini qadağan etmişdir»¹³³⁴.

KÜLƏYİ SÖYMƏK

Əbu Muazir Ubeyy b. Kəb - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Küləyi söyməyin. Xoşunuza gəlməyən bir şey gördükdə: «Allahım! Bu küləyin xeyrindən, daşıdığı xeyirdən və əmr olunduğu xeyirdən istəyirik. Bu küləyin şərindən, daşıdığı şərindən və əmr olunduğu şərdən sənə sığınırıq»¹³³⁵. Əbu Hureyrə - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Külək Allahın rəhmətidir. O, həm rəhmət, həm də əzab gətirir. Onu gördükdə söyməyin. Allahdan onun xeyirini istəyin və şərindən Allaha sığının»¹³³⁶. Küləyi söymək haramdır. Küləyi söyən onu yaradanı söymüş olur. Useymin – rahmətullahi aleyhi – deyir ki: «Əgər sən əyri bir bina görsən və onu təhqir etsən binanı tikəni söymüş olacaqsan».

XORUZA SÖYMƏK

Zeyd b. Xalid əl-Cuheyni - radıyallahu anhu – rəvayət edir ki, Peyğəmbər – sallallahu aleyhi və səlləm – buyurdu: «Xoruzu söyməyin. Çünki o, namaza oyadır»¹³³⁷.