Şəkil 38.Bölmələrin, göyərtələrin və mənzillərin əsas qruplarının yerləşdirilməsi: a-tankerdə; b- sərnişin gəmisində: Bölmələr; I) uclar; II) yük bölmələri; III) ikinci dibin bölmələri; IV) diptanklar; V) gəmi mexanizmlərinin bölmələri VI) bölücü bölmələr (kofferdamlar).
Göyərtələr: 1) yuxarı körpü; 2) hərəkət körpüsü; 3) şlyunka göyərtəsi; 4) II platforma; 5) I yarusun (bakin, yumun göyərtəsi) üst hissəsinin göyərtəsi; 6) yuxarı göyərtə; 7) I platforma; 8) İkinci dib; 9) II yarusun üst hissəsinin göyərtəsi (gəzinti göyərtəsi); 10) ikinci göyərtə (arakəsmələrin göyərtəsi); 11) üşüncü göyərtə.
Quru yük gəmilərinin yük ambarları – Bu gəmilərin adətən bir-iki tvindeki olur (şək.39). Kiçik gəmilərin ambarları tvindeksiz düzəldilir. Hər ambarda bortlar boyunca “lyal” və yaxud “korma” arakəsməsinin yanında ikinci dibin döşəməsində dərinliklər olur (yığım quyuları – колодцы). Onlar qurutma sisteminin qəbulediciləri ilə təmin olunmuş və vəzifələri ambarda korpus tərləyən zaman yığılan suyu qəbul etməkdir.
Şəkil 39. Quru yük gəmilərinin en kəsikləri: a) tvindeklərlə;b) tvindeklərlə və cüt lyuklarla; Tvindek; 2) ambar; 3) ikinci ibin bölmələri; 4) boru kəmərinin tuneli; 5) lyallar (gəmi ambarinda su yığılan yer); 6) uzununa arakəsmə
Yükün korpusu zədələnməməsi və nəm konstruksiyalara dəyib, xarab olmaması üçün ambarları taxta ilə örtürlər. Əgər gəmi buğda daşımaq üçün istifadə olunarsa, o zaman ambarların yuxarı yarısında çıxarıla bilən (съемные) uzununa arakəsmələr (şiftinqbordslar) qoyurlar. Onlar yırğalanma zamanı səpilən yükün bir borta keçməsinin qarşısını alır. Yük olmayanda onları bort boyunca bağlayırlar. Şiftinq-bordsların qoyulması olduqca çox vaxt tələb edir. Ona görə də tez-tez səpinti yükləri daşıyan gəmilər diametral müstəvidə uzununa arakəsmələrlə təchiz olunurlar. Bu halda yük əməliyyatını rahat etmək üçün yük lyuklarını göyərtənin eninə açılması ilə cüt-cüt düzəldirlər.
Adamların keçməsini təmin etmək üçün ambarları traplarla təmin edirlər. İndiki gəmilərdə yük lyuklarının arasında rubkalar olur, ona görə də yük lyukunu açmadan keçmək mümkün olur.
Bütün ambarlar ventilyasiya, avtomatik yanğın siqnalizasiyası, lyalların ölçü trubkaları və həmçinin ambarda havanın tərkibini və temperaturasını, lyallarda suyun vəziyyətini kontrol edən distansiyalı cihazlarla təchiz olunmuşdur. Yük ambarlarının lyukları massiv kominqslərlə çəpərlənmişdir.
Yük ambarlarınn yaxşı vəziyyətdə saxlanılması ekipajın ən vacib vəzifələrindən biridir. Ambarlar vaxtlı-vaxtında pasdan təmizlənməli və rənglənməlidir. Hər dəfə yükü boşaldandan sonra onları zibildən təmizləməli, su ilə yumalı, taxta payolları opilka ilə qurutmaq lazımdır. Lyalların üstü yaxşıca sementləndirilməlidir.
