Sərraf Şiruyə
114
Biganə deyilik keçmişimizə,
Babalar igidlik öyrədib bizə.
İgidlər çalışıb ağ günümüzə,
Ərənlərə minnətdarıq, minnətdar.
Füzuli layiqdi hər haqqı-saya,
Nizami hikməti nurdu dünyaya.
Vurğun dühasına, Aşıq Alıya,
Ələsgərə minnətdarıq, minnətdar.
YOX-YOX
Cahil bazarında,
nadan önündə,
Zərə zər qiyməti vеrilər? Yox-yox!
Sınmış könüllərin uçan tağları,
Naşı əlləriylə hörülər? Yox-yox!
Əgər
xata dəysə bir kəsə dostdan,
Ölüncə ürəyi çıxarmı yasdan?
Yеtişməmiş mеyvə, dəyməmiş bostan,
Zavala düşməsə dərilər? Yox-yox!
Ay Şiruyə, qəflətdəsən, bir oyan,
Sənət yollarında nə dur, nə dayan.
Cavanlıqda ucalmayan, artmayan,
Qoca yaşlarında irilər? Yox-yox!
