Sərraf Şiruyə
204
UDUZDUM
İstədim ki, bu fələkdən bəxt udam,
Tale verən bəxtimi də uduzdum.
Tac istədim, qappaz vurdu başıma,
Nimdaş, quru taxtımı da uduzdum.
Haqq yolundan haqsız kimi saxlandım,
Tənə yedim, ürəyimdən dağlandım.
Bir gözəlin istəyinə bağlandım,
Ömrü, günü vaxtımı da uduzdum.
Ay Şiruyə, nə
bir kükrə, nə bir coş,
Qələm götür
bu qazanca şeir qoş,
Aldım, satdım, üzüm qara,
əlim boş,
Halal maya, haqqımı da uduzdum.
AĞLADAR MƏNİ
Hər sitəm, hər təsir ağlada bilməz,
Puç olan həqiqət ağladar məni.
Ehtiyac,
işgəncə ağlada bilməz,
Tapdanan ləyaqət ağladar məni.
Bəd niyyət paklığa vurmasın ləkə,
Yaşarda könlümü intizar bəlkə,
Azadlıq
tapmayan bir mahal, ölkə,
Qul olan bir xilqət ağladar məni.
