Sərraf şİruyə

             
                           
                          Susma, ürək…
 
 
205 
İstiyə, soyuğa tablayar dözüm, 
Səngiməz qəlbimdə alovum, közüm. 
Əcəl qarşısında yaşarmaz gözüm, 
Vüsalsız məhəbbət ağladar məni. 
 
Sərraf Şiruyəyəm, bölmərəm qəti, 
Bir olan istəyi, xalqı, milləti. 
El, oba kədəri, vətən həsrəti, 
Bir də ki, xəyanət ağladar məni. 
15 avqust 1992-ci il. 
 
 
 
DOSTUYAM 
 
Bir günlük, beş günlük deyil ülfətim, 
Mən ömür dostuyam, mən il dostuyam. 
Peymanım təmizdi, ilqarım möhkəm, 
Həm ürək dostuyam, həm dil dostuyam. 
 
Zaman da sınasın, il də sınasın, 
Vətən də sınasın, el də sınasın, 
Eşqimə baş əyən gül də sınasın, 
Əsil dostlarımın əsil dostuyam. 
 
Eşit bu hikməti Şiruyə, sən də, 
Dostluq bir ürəkdi iki bədəndə, 
Belə tapşırıbdı atam gedəndə, 
Mən nəvə, nəticə, nəsil dostuyam.